Monday . 14 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

ADEPR ukwishyirahamwe kw’amakorari (ARUA) gukizwa no gufashwa kwa benshi binyuze mu biterane by’ivugabutumwa [AMAFOTO]

Sunday 18 August 2019, by : MUTESI Scovia
    Yasomwe na

ARUA ihuriro ry’amakorari 4 yo muri ADEPR akomoka mu turere n’intara zitandukanye yakoze igiterane cy’ububyutse no gufasha cyabereye muri paruwasi ya Gihogwe ku mudugudu wa Jali kuri iki cyumweru tariki 18 kanama 2019.

Iki kikaba ari igiterane ngaruka mwaka gitegurwa na ARUA, ihuriro ry’amakorari 4 yihuje mu gukorera Imana ariyo: AHADI y’I Rubavu, RUBONOBONO yo muri paruwasi ya Gatsata, URUKUNDO ikomoka muri paruwasi ya Gihogwe I Jali, na Korari ABATWARAMUCYO nayo y’I Rubavu.

Iki igiterane ngaruka mwaka, kikaba kibaye ku nshuro ya 3. Icyambere bagifunguriye mu Rubonobono, icyakabiri cyibera I Rubavu, naho iki kibaye ku nshuro ya gatatu kiba cyabereye I JALI.

Insanganyamatsiko y’iki giterane ikaba yagira iti ”Byuka urabagirane”.
Izi Korari zikaba zarihurije hamwe kugira ngo zikomeze ubutumwa bwiza bwo kwibutsa abantu ko uko Yesu yarari ejo nubu ariko akiri.

HABYARIMANA Cyprien ni umuyobozi wiri huriro ry’amakorari ARUA, akaba na Perezida wa Korari Rubonobono akaba n’umudiyakoni mu itorero rya ADEPR. Aganira n’umunyamakuru wa mamaurwagasabo.rw, yagarutse ku nsanganyamatsiko yiki giterane “Byuka urabagirane”.

Yagize ati ” Impamvu yiyi nsanganyamatsiko, nukwibutsa ko Yesu afite ubushobozi bwo gutuma abantu bongera kurabagirana bakava mu ngeso mbi barimo bagakora ibyiza”.

Umuyobozi wiri huriro (ARUA) Ubwo yaganiraga n’umunyamakuru wa mamaurwagasabo.rw

Yakomeje agira ati “ Nyuma yo kubwiriza abantu ko bashobora kongera kurabagirana, uyu munsi dufite n’intego yo gushyigikira korari Urukundo yo kuri uyu mudugudu kugira ngo igure ibyuma byo gucuranga bizayifasha gutuma ivugabutumwa ryayo rigera kure, yewe nkuko tubikora nahandi tunyura turanafasha abatishoboye”.

Iki giterane cyari cyitabiriye n’imbaga nyamwinshi y’aba kristo ba ADEPR ndetse n’abandi bo mu yandi ma dini baje kwifatanya na bagenzi babo.
Irihuriro ry’amakorari ARUA, rikaba rifite n’amategeko ngenderwaho yatowe n’abantu barindwi baturuka muri buri Korari gusa akemezwa ndetse akanashimangirwa n’abashumba bayobora ama paruwasi buri Korari muri izi ibarizwamo.

Umuyobozi wiri huriro akomeza avuga ko aho bagiye batambuka mu biterane byabanje babonye abantu bafite inyota yo kwitabira ibi biterane kandi byagiye binatanga umusaruro by’umwihariko ku giterane cya kabiri bakoreye I Rubavu ahitwa Mbugangari cyari kigamije gushyira amakaro mu rusengero kandi biturutse ku bwitange bw’aba kristo ndetse hari n’abatishoboye babashije kuremerwa, ngo ibi rero bigatuma ibiterane byabo aho binyuze bihasiga amateka ku buryo ibikurikira abantu baba bifuza kubyitabira kuko baba barabonye cyangwa barumvise ingaruka nziza zibyabanje.

Mu gusoza ikiganiro yagiranye n’umunyamakuru wa mamaurwagasabo.rw, umuyobozi w’ihuriro ry’amakorari ARUA, akaba yasabye abakristo n’abandi bantu muri rusange kubashyigikira muri uru rugendo rw’ivugabutumwa batangije cyane ko bitanga umusaruro mu kugarura abantu mu gakiza.

Agira ati “ Mu biterane twakozwe, twabonye aho abantu bihana kunywa ibiyobyabwenge nk’urumogi n’ubundi businzi bagusubira mu miryango bagatanga umusaruro haba mu ngo cyangwa mu miryango aho bakomoka”.

Muri iki giterane cyabaye kuri iki cyumweru ku mudugugudu wa Jali ubarizwa muri paruwasi ya Gihogwe, kiba cyaranzwe n’umwanya w’ubutumwa bwiza bunyuze mu ndirimbo zitandukanye zaririmbwaga nizi korari zose zigize iri huriro ndetse n’umwanya w’ivugabutumwa ryakozwe n’abavugabutumwa batandukanye ndetse habaho n’umwanya wo kwihana ku bemeye guhinduka ndetse aba bakaba bari ku kigero cyo hejuru ukurikije uko bijya bigenda mu nsengero, amateraniro cyangwa mu bindi biterane bitandukanye.

Mu rwego rwo gufasha no kuremera abakene batishoboye, binyuze muri iki giterane cyabereye I jail, ARUA ikaba yaremeye Uwizeyimana Chantal wahawe ibihumbi 200 by’amafaranga y’U Rwanda agabwa na telefoni igendanwa ndetse n’imyenda mu rwego rwo kumukura mu bwigunge.

Igiterane giteganwa kikaba nubundi kizasubira I Rubavu iwabo kwa Korari abatwaramucyo ( I RUBONA).

Ihuriro ry’amakorari (ARUA) usibye kuba rihurira muri ibi bikorwa by’ivugabutumwa, aya makorari yishyize hamwe akaba afite nindi mishinga itandukanye irimo gukorana ama alubumu y’indirimbo ndetse no kuzashinga inzu itunganya umuziki (Audio studio) izaba yimukanwa bitewe nahgiye gukorerwa indirimbo aho ariho hose korari imwe muri izi izajya ihitamo cyangwa byumvikanweho naya makorari yombi uko ari ane.


Aha herekanwaga abayobozi bagize komite yihuriro ry’amakorari ARUA


Aha umushumba wa paruwasi ya Gihogwe yahabwaga logo ya ARUA n’amategeko ayigenga












feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru