Tuesday . 21 May 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

ALGERIA: AMATORA YA PEREZIDA AZABA TARIKI YA KANE NYAKANGA

Friday 12 April 2019, by : MUTESI Scovia
    Yasomwe na

By Imfurayabo Pierre Romeo
Abdelkader Bensalah, umutegetsi w’inzibacyuho wa Algeria, yatangaje ko amatora ya perezida azaba ku itariki ya kane y’ukwezi kwa karindwi uyu mwaka.
Bwana Bensalah atangaje ibyo nyuma yaho imyigaragambyo itumye Abdelaziz Bouteflika w’imyaka 82 y’amavuko yegura ku butegetsi mu cyumweru gishize, ubutegetsi yari amazeho imyaka 20.

Ku munsi Wo ku wa gatatu, imyigaragambyo nabwo yarakomeje, ndetse byitezwe ko haba n’iyindi. Igenwa rya Bwana Bensalah w’imyaka 77 y’amavuko ngo abe umutegetsi w’inzibacyuho w’iki gihugu, byababaje bamwe mu bigaragambya bari bafite icyizere ko ibintu bigiye guhinduka kurushaho.
Nyuma y’itangazwa ry’iyo tariki y’amatora ya perezida, imbaga y’abigaragambya yigabije imihanda yo mu murwa mukuru Alger wa Algeria, isaba ko Bwana Bensalah yegura.

Bwana Bensalah yari yasezeranyije ko azakoresha amatora ya perezida mu gihe kitarenze iminsi 90 nkuko biteganywa n’itegekonshinga rya Algeria, ariko benshi babona Bwana Bensalah nk’ukorana bya hafi cyane na Bwana Bouteflika yabaye asimbuye by’agateganyo.

ABIGARAGAMBYA BASHAKA IKI?
Imyigaragambyo yatangiye mu kwezi kwa kabiri uyu mwaka, abigaragambya barakariye itsinda ry’abari ku butegetsi, atari gusa Bwana Bouteflika.
Amagambo yanditse ku byapa ndetse n’ubutumwa bwo ku mbuga za interineti bikomeje gusaba iherezo ry’"ubutegetsi", bivuze ko bashaka ko abakoranaga bya hafi n’uwahoze ari perezida bakwiye kwegura.

Hafi 70 ku ijana (70%) by’abaturage barenga miliyoni 40 batuye iki gihugu bafite imyaka y’amavuko iri munsi ya 30, kandi urubyiruko rwugarijwe n’ikibazo cyo kubura akazi.

Kuwa gatatu, Liyetona Jenerali Gaid Salah, umukuru w’igisirikare cya Algeria, yavuze ijambo rye rya mbere nyuma y’igenwa rya Bwana Bensalah.
Mu ijambo ryanyuze kuri televiziyo, yihanangirije abigaragambya ku byo basaba bishobora kubangamira ubusugire bw’itegeko-nshinga ry’iki gihugu.

Yanavuze ko ubucamanza bukwiye gukora iperereza ku "itsinda ryose" - imvugo ikoreshwa mu kuvuga abakoranaga bya hafi n’uwahoze ari perezida w’iki gihugu.
Bwana Bouteflika yafatwaga na benshi n’ushyirwa imbere n’itsinda ry’abacuruzi bakomeye, abanyapolitike ndetse n’abasirikare bakuru, byavugwaga ko ari bo mu by’ukuri bategeka igihugu.

Kugeza ubu, imyigaragambyo ahanini ikorwa mu mahoro, nubwo bwose imyuka iryana mu maso ndetse n’amazi yo mu modoka aterwa ku muvuduko mwinshi byakoreshejwe ku wa kabiri no ku munsi w’ejo ku wa gatatu mu gutatanya abigaragambya.
Inkuru ya BBC

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru