Tuesday . 21 May 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Ababyeyi barenga 100 bagaragaje ko batewe inkeke n’ihohoterwa rikorerwa abakobwa n’abagore

Wednesday 19 September 2018, by : MUTESI Scovia
    Yasomwe na

Abantu barenga ijana bishyize hamwe basinya inyandiko ihamagarira guverinoma, imiryango itegamiye kuri Leta, ababyeyi ndetse n’umuryango nyarwanda muri rusange kwamagana ihohoterwa rikorerwa abana n’abagore.

Bashingiye ku mibare iheruka y’abana ibihumbi 17 batewe inda mu mwaka wa 2016, ndetse n’inkuru zisigaye zicicikana mu binyamakuru z’abana bahohotewe n’abagore bishwe mu ngo mu buryo buteye agahinda, abantu 120 barimo abagabo barenga 60 basinye inyandiko ibyamagana.

Mu itangazo bagize bati “Twebwe ababyeyi bahekeye u Rwanda, abahungu n’abakobwa, dushyize umukono kuri iyi nyandiko dutewe impungenge n’umubare w’abana b’abakobwa basambanywa kandi bagaterwa inda.”

Umunyamakuru akaba n’umukozi w’Umuryango w’Abanyamakuru baharanira Amahoro Pax Press, Solange Ayanone avuga ko abasinye kuri iyi nyandiko ari abagore, abagabo, abakobwa n’abahungu bahuriye ku kubabazwa n’ihohoterwa rikorerwa abagore n’abana b’abakobwa, ariko na none badashaka kurebera ngo baceceke.

Yagize ati “Twavuze ko hakwiye ingamba zifatika kugira ngo buri muntu wese abigire ibye, twe kumva ko bireba gusa guverinoma n’izindi nzego zihariye. Kugeza ubu umubare w’abantu bakurikiranwa mu nkiko kubera ihohoterwa rikorerwa abagore n’abana b’abakobwa uracyari muke kubera ko umuryango nyarwanda ugifite umuco wo guhishira no kubigira ibanga mu rwego rwo kwirinda igisebo.”

Ayanone akomeza avuga ko amategeko na politiki birengera umugore bigahana n’ihohoterwa abana b’abakobwa bahura na ryo ahari, ngo ariko ntacyo yatanga mu gihe hatabayeho ubufatanye bw’umuryango nyarwanda cyane cyane ababyeyi.

Ati “Ababyeyi bagomba kumva ko mu gihe umwana yahohotewe baba bagomba kubimenyesha inzego zibishinzwe ako kanya ibimenyetso bitarasibangana ndetse n’abakekwaho kubikora bagafatwa batarabona igihe cyo gutoroka. Iyo urebye abagore bicwa usanga inzego z’ibanze zivuga ko zari zizi ibibazo bafitanye n’abo bashakanye ariko bakabiha uburemere buke.”

Mu gihe hagaragaye ko hari ibibazo by’ihohoterwa mu miryango ubuyobozi n’inzego zishinzwe umutekano ziba zigomba kubifata nk’ikibazo kihutirwa cyane cyanakurura urupfu mu gihe kititaweho, ndetse n’abahohotewe bakabungabungirwa umutekano wuzuye nk’uko Ayanone yakomeje abisobanura.

Nsanga Sylvie, Impirimbanyi y’uburinganire hagati y’umugabo n’umugore akaba n’umwe mu basinye kuri aya masezerano yavuze ko n’ubwo iperereza rigikomeza ku bantu batandukanye bavugwaho guhohotera abana b’abakobwa n’abagore muri iyi minsi, ngo ni ngombwa ko umuryango nyarwanda wumva neza uruhare rwawo mu kurirwanya.

Ati “Iperereza riracyakomeje, twebwe tugamije gukangurira abantu bose kudahishira ihohoterwa, ababyeyi barenge umuco wo kwanga kwiteranya no kwisebya babivuge hakiri kare ibimenyetso bigihari, hanyuma uwabikoze afatwe ahanwe, nanagaruka muri sosiyete ahabwe akato nk’undi mugizi wa nabi wese.”

Nsanga anavuga ko inzego zirebera abana n’abagore zakagombye kureba niba koko amategeko na politiki byashyizweho mu guhashya ihohoterwa byubahirizwa uko bikwiye, n’impamvu riri kwiyongera muri iyi minsi.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru