Thursday . 21 March 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Abakoresheje Tigo cash bagiye gusaranganywa miliyoni 121

Thursday 2 August 2018, by : Muremyi Viateur
    Yasomwe na

Nyuma yo guhabwa uruhushya rwa Banki Nkuru y’Igihugu (BNR) rwatanzwe mu mwaka wa 2016, Sosiyete y’Itumanaho ya Airtel –Tigo igiye gusaranganya miliyoni 121 z’amafaranga y’u Rwanda ababikije amafaranga kuri Tigo Cash, mu gihe abakoresha Airtel Money na Tigo Cash nabo bagiye kujya babona inyungu buri gihembwe.

Airtel–Tigo yatangaje ko abakiliya bayo bakoreshaga Tigo Cash guhera mu Ukuboza umwaka ushize wa 2017 bagiye gusaranganywa iyo nyungu ya miliyoni 121 Frw yabonetse kuva icyo gihe kugeza muri Kamena uyu mwaka wa 2018, aho buri muntu azahabwa inyungu harebewe ku mafaranga yabikije kandi akabarwa ku munsi.

Ibi ni ibyatangarijwe mu kiganiro n’itangazamakuru aho Airtel –Tigo iri gukorera mu Imurikagurisha Mpuzamahanga riri kubera i Gikondo, Umuyobozi Ushinzwe Ubucuruzi w’iyi sosiyete, Amit Chawla, yasobanuye ko inyungu izahabwa abakiliya haherewe ku ngano y’amafaranga babikije kuri Tigo Cash.

Amit Chawla ati:“Twishimiye gutangaza gahunda nshya yo gutanga inyungu izatuma abakiliya ba Airtel Money na Tigo Cash bungukira ku mafaranga babitsa buri munsi binyuze muri ubwo buryo. Mu mezi atandatu amafaranga anyuzwa kuri Tigo Cash yagize inyungu ya miliyoni 121 Frw kugeza muri Kamena uyu mwaka.”

Umuyobozi Ushinzwe Ubucuruzi w’iyi sosiyete, Amit Chawla avuga ko bishimiye gahunda nshya yo gutanga inyungu izatuma abakiliya ba Airtel Money na Tigo Cash bungukira ku mafaranga babitsa buri munsi.

Yakomeje avuga ko intego yo gutanga iyo nyungu ari uguha abakiliya bose ba Airtel-Tigo amahirwe yo kungukira ku ishoramari ryabo hagendewe ku mafaranga babitsa kuri konti zabo, bikaba ngo biri no muri gahunda biyemeje yo gufasha abakiliya n’igihugu kugera kuri serivisi z’imari.

Binyuze muri uyu muyobozi ushinzwe ubucuruzi, iki kigo kandi cyatangaje ko uretse abakoreshaga Tigo Cash muri icyo gihe, guhera muri iki gihembwe ababitsa amafaranga kuri Airtel Money na Tigo Cash bazajya bahabwa inyungu ku mafaranga babitsa kuri konti zabo, akabarwa buri munsi ariko agatangwa buri gihembwe, aho ayo mafaranga azajya abarwa hashingiwe ku mubare w’ayo babikije ku munsi haba kuri Airtel Money na Tigo Cash, uburyo bwo kuyatanga bukaba bujyanye na gahunda ya Banki Nkuru y’u Rwanda(BNR).

Amit Chawla yanatangaje ko guhera muri iki gihembwe ababitsa amafaranga kuri Airtel Money na Tigo Cash bazajya bahabwa inyungu ku mafaranga babitsa kuri konti zabo.

Nyuma y’igikorwa cyo guhuza Airtel na Tigo, kugeza ubu iki kigo kiri ku isonga mu kugira abakiliya benshi mu gihugu kuko basaga miliyoni eshanu n’ibihumbi ijana (5.1) by’abafatabuguzi, mu gihe muri bo abarenga miliyoni imwe n’ibihumbi Magana arindwi (1.7) bakoresha serivisi z’imari za Airtel Money na Tigo Cash.

Airtel-Tigo ni yo sosiyete ya mbere itanga serivisi z’imari kuri telefoni igendanwa igiye gusaranganya abakiliya inyungu zavuye ku mafaranga bagenda babitsa, aho iki kigo cyanatangaje ko hari impinduka zakozwe mu bijyanye n’ibiciro byo kohererezanya amafaranga, haba kuri Airtel Money cyangwa Tigo Cash.

Airtel–Tigo kugeza ubu ifite abafatabuguzi benshi mu Rwanda ni yo sosiyete ya mbere itanga serivisi z’imari kuri telefoni igendanwa igiye gusaranganya abakiliya inyungu zavuye ku mafaranga bagenda babitsa.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru