Wednesday . 13 November 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Abaskuti bo mu Rwanda barashakira hamwe icyateza imbere umuryango wabo

Sunday 8 September 2019, by : Imfurayabo Pierre Romeo
    Yasomwe na

Abayobozi b’Umuryango w’Abasukuti mu Rwanda bahuriye mu mahugurwa baganira kuri za komisiyo zigize uwo muryango banakora iteganyabikorwa rishingiye kuri za komisiyo mu rwego rwo rwo guteza imbere umuryango no gufasha urubyiruko kuba Abanyarwanda beza babereye igihugu cyabo.

Nk’uko byagarutsweho na komiseri mukuru w’umuryango w’Abasikuti mu Rwanda, Uzabumugabo Virgile, aya mahugurwa agamije kungurana ibitekerezo ku mikorere ya za komisiyo zigize umuryango w’Abasikuti mu Rwanda.

Yavuze ko aya mahugurwa agamije kuvugurura imikorere y’izi komisiyo mu rwego rwo guteza imbere uyu muryango no kugira ngo ufashe abakiri bato n’urubyiruko bawurimo kuba Abanyarwanda beza bakunda igihugu kandi barangwa n’indangagaciro y’abaturage beza.

Komiseri mukuru w’abasikuti avuga ko uyu muryango ukorera ahanini mu mahugurwa, mu ngando no mu nyigisho.

Ati “Nka Komisiyo y’inyigisho itegura uburyo bwo kwigisha abagize umuryango w’Abasikuti mu rwego rwo kubibutsa icyo basabwa n’imyitwarire myiza iranga umusikuti nk’umuturage mwiza.”

Uzabaho yagarutse kuri komisiyo yo kugarura abakuze mu muryango w’Abasikuti ngo bafashe kurera urubyiruko rukinjira, dore ko kuba umusikuti bihera ku myaka itandatu kugera kuri 25, bivuze ko hejuru yayo habaho ikiciro cy’Abasikuti bakuze.

Yavuze no ku kamaro k’abasukuti mu nshingano z ‘igihugu aho yemeza ko uwashinze umuryango w’abasikuti ariwe Baden Powel yawushinze agamije uburere bw’urubyiruko mu guteza imbere ibihugu byabo.

Avuga ko nk’u Rwanda, abasikuti bashyize imbere ikerekezo cyo kuba muri 2024 uyu muryango uzafasha urubyiruko 100 000 kuba abaturage beza.

Ati “Tugamije kurera urubyiruko rukavamo abaturage beza, umuturage mwiza yitabira gahunda za Leta, afite ubuzima bwiza, inyangamugayo. Umusikuti afite inshingano zo kuba umuturage mwiza.”

Ugiriwe Brigitte ari muri komisiyo y’amahugurwa y’abasikuti, avuga ko aya mahugurwa amufashije kumva neza inshingano za komisiyo arimo, akaba anishimira ko hashyizweho na komisiyo ishinzwe kugarura abasikuti bakuze mu muryango ngo bafashe kurera abana bato n’urubyiruko.

Dushimiyimana Jean de la Croix, Komiseri w’Abasukuti mu Karere ka Gicumbi avuga ko nk’umuntu uri muri Komisiyo y’Iyobokamana yishimiye ko mbere abasikuti bari bashingiye kuri Kiliziya Gatolika ariko ubu akaba atari ko bimeze, abantu bose bo mu yandi madini bakaba bemerewe kuba abasikuti, bapfa kuba bemera Imana.

Yagarutse ku bantu batemera Imana ko batagomba kuba muri uyu muryango kuko mu mategeko y’umuryango harimo irisaba Umusikuti kugira inshingano ku Mana, utayemera rero akaba atanakwemera amwe mu mategeko agenga umuryango w’Abasikuti.

Abagize umuryango w’Abasukuti mu Rwanda bateraniye mu mahugurwa bafite intego yo kurera urubyiruko rukavamo abaturage beza bafite indangagaciro z’abanyarwanda bakunda igihugu Kandi bemera Imana.

Inkuru y’IMVAHO

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru