Tuesday . 28 September 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Abatalibani bashyize bemerera abakobwa kwigana n’abahungu nabwo bakingirijwe igitambaro

Tuesday 7 September 2021, by : MUTESI Scovia
    Yasomwe na

Mu mahame y’Abatalibani bazwiho kugendera kuri corowani ya Islam, ntibemerera abakobwa cyangwa se abagore kwiga bicaye mu ishuri rimwe n’ab’igitsina gabo. kuri ubu ariko aho bemereye amashuri ya kaminuza muri Afoganisitani gusubukura amasomo mu mashuri amwe n’amwe, ab’igitsina gore barigana ariko nabwo batandukanijwe n’ab’igitsina gabo hakoreshejwe ibitambaro binini cyangwa ibibaho.

Ibibera mu makaminuza n’ayandi mashuri muri Afuganistani, nkuko VOA ibitangaza, birimo gukurikiranirwa hafi n’ibihugu by’ibihanganjye. Ni nka kimwe mu bimenyetso bizerekana by’ukuri iby’iyubahirizwa ry’uburenganzira bw’abagore muri iki gihe Abatalibani bagarutse ku butegetsi.

Bimwe mu bihugu byo mu burengerazuba bw’isi byavuze ko ugutanga imfashanyo no kwemera ubutegetsi bw’Abatalibani bizashingira ku buryo bayobora igihugu, harimo n’uko bafata abakobwa n’abagore.

Igihe Abatalibani bari ku butegetsi kuva mu 1996 gushyika muri 2001, iryo shyaka ryakumiriye abakobwa, babuzwa kujya mu mashuri, abagore na bo babuzwa kujya muri kaminuza no gukora.

Ntibyamenyekanye nimba Abatalibani ari bo bategetse ko amashuri agabanywa mo kabiri. Abigisha batari bake bavuze ko batazi neza amategeko Abatalibani bazabaha, nyuma y’ibyumweru bitatu bigaruriye ubutegetsi. (VOA)

feature-top
feature-top

Any message or comments?

Twibire !
Igitekerezo Cyawe

Iyandikishe ujye ubona Amakuru

Iyandikishe ujye ubona Amakuru