Friday . 14 August 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Covid-19: Batewe impungenge no kwambika abana agapfukamunwa

Tuesday 21 April 2020, by : MUTESI Scovia
    Yasomwe na

Yanditswe na Scovia Mutesi

Impungenge ni zose ku babyeyi bibaza uko bazakoresha udupfukamunwa ku bana bato cyane cyane abafite munsi y’imyaka irindwi.

Ibi bije nyuma y’uko Minisitiri w’Ubuzima, Dr Daniel Ngamije atangaje ko abanyarwanda bose bagomba gutangira kwambara udupfukamunwa baba bari mu rugo cyangwa basohotse, nk’uburyo bubafasha kurushaho kwirinda ikwirakwira ry’icyorezo cya Koronavirusi.

Bamwe mu babyeyi bavuga ko bitakunda ko umwana muto uri munsi y’imyaka irindwi (7). yakwambara agapfukamunwa kuko aba akubagana kuburyo akikuraho kandi aba ataramenya ubwenge butuma yumva akamaro ko kwambara agapfukamunwa.

Mamaurwagasabo yasuye umubyeyi ufite abana bakiri bato. Uyu mubyeyi witwa Uwineza Rachel avuga ko afite abana b’imyaka itatu n’itanu. Ygize ati “Abana banjye ntabwo bakambara kuko no kubambika ingofero mbarinda imbeho barabyanga urumva ko ku gapfukamunwa bizagorana.”

Bizimungwu Petar utuye mu karere ka Gasabo na we avuga ko abana bato bakirerwa bigoye ko wabambika ikintu usanga gisa n’ikibabuza guhumeka neza. Yagize ati “agapfukamuntu gaheza umwuka n’abantu bakuru urumva umwana byagenda bite? Njye numva ahubwo twabakingirana mu nzu nk’uburyo bwo kwirinda, ubundi uwarwara bibaye ngobwa akajyanwa kuvunzwa”.

Impuguke zibivugaho iki?

Umuyobozi w’Ibitaro bya Bugesera (ADEPR), Dr. Rutagengwa William avuga ko kwambara agapfukamunwa ku mwana uri munsi yimyaka irindwi bitakunda kuko aba akubagana kandi byagorana ko ashyira mu bikorwa inama ahabwa n’umubyeyi. Yagize ati “kwambika umwana muto ikimupfuka amazuru n’umunwa ntibyakunda kuko n’umuntu mukuru yumva guhumeka byanze iyo aribwo acyikambara akaza kugenda akamenyera”.

Dr. William akomeza avuga ko abana n’ubundi nta ngendo nyishi bakora mu gihe bari mu rugo si ngombwa n’igihe habaye impamvu yo kujya kumuvuza umubyeyi yamutwikira akamurinda ko yakwegera abantu.

Mukiganiro na RBA, umuyobozi w’ikigo k’igihugu cy’ubuzima (RBC), Dr. Sabin Nsanzimana avuga ko mu rugo nk’umuryango badakwiye kambara agapfukamunwa cyeretse usohotse ariko ababa mu rupangu rumwe ari imiryango myinshi byaba byiza bakambaye kugira ngo barusheho kwirinda.

Ikigo gishinzwe kurwanya no gukumira indwara (CDC) cya Leta Zunze ubumwe za Amerika, kivuga ko agapfukamunwa kadakwiye kwambikwa umwana uri munsi y’imyaka 2 kuko kamuheza umwuka kagateza ibindi bibazo by’ubuhumecyero. Mu gihe umwana asohotse hanze bakwiye kumutwikira igitambaro basanzwe batwaramo abana.

Mu kugakoresha neza, uwambaye agapfukamunwa ntagomba kugakoraho n’intoki kuko gashobora kuba kabitse virusi nyishi inyuma, ugakuyemo agomba gukaraba intoki kandi akakajugunya kure igihe umaze kugakuramo, kaba ari akameswa akagashyira mu mazi kakameswa kugira ngo hirindwe uwagakoraho akandura. Bibaye byiza kakwambarwa amasaha atarenze atandatu kagasimbuzwa akandi.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru