Saturday . 19 September 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Covid-19: Nyagatare,abarimukazi bakoraga mu mashuri yigenga bakomerewe n’imibereho

Friday 11 September 2020, by : MUTESI Scovia
    Yasomwe na

Nyuma y’aho Inama y’Abaminisitiri yo ku wa 30 Mata 2020 igamije kwiga ku cyorezo cya Covid-19 n’ingamba zo gukomeza kukirwanya, ifashe umwanzuro ko amashuri azakomeza gufunga kugeza muri Nzeri, byatumye ibyinshi mu bigo by’amashuri yigenga bifata umwanzuro wo guhagarika amasezerano byari bifitanye n’abarimu babikoreraga.

Ku mashuri ya Leta ho Minisiteri y’Uburezi yatangaje ko abarimu bazakomeza guhembwa nk’abandi bakozi ba leta basanzwe, mu gihe abo mu mashuri yigenga bahise bahagarikirwa imishahara.

Umunyamakuru wa mamaurwagasabo.rw yagiye mu Karere ka Nyagatare mu Ntara y’i Burasirazuba, aganira n’abarimukazi bakoraga mu bigo byigenga bamubwira uko babayeho.


Nayebare Norah umwarimukazi,
Uwitwa Nayebare Norah utuye mu kagari ka Ryabega mu murenge wa Nyagatare, yigishaga ku kigo cy’ishuri ribanza ryigenga ryitwa Marry and Paul, riri mu murenge wa Nyagatare, avuga ko ubuzima bwajyeze aho bumunanira yaricumbikiraga akajya gusaba icumbi muri benewabo.

Yagize ati “Igihe nabonaga umushahara wa buri kwezi, wankemuriraga ibibazo bitandukanye, birimo kunyishyurira ubukode bw’inzu nabagamo, nkanafasha ababyeyi banjye ku bintu bimwe na bimwe, ariko guhera mu kwezi kwa Gatatu ubwo wahagararaga, natangiye guhura n’ubuzima bubi, bijyera naho kwishyura inzu nabagamo binanira, birangira njyiye gusaba icumbi mu bantu bo mu muryango wange batuye hafi y’ikigo nigishagaho kubona impaburo z’isuku mugihe ndi mumihango icyo n’ikibazo twihari nk’abagore dukwiye ubufasha bwihariye.ˮ

Yakomeje avuga ko inzego zireberera abarimu zikwiriye kubatekerezaho, nabo bagahembwa nk’uko abo muri leta bahabwa umushahara wa buri kwezi.
Yakomeje agira ati “ Inzego bireba zaba iz’akarere,zadufasha zikaduha ubufasha ubwaribwo bwose, niyo umushahara utaboneka ariko wenda hakabaho imfashanyo zisanzwe.ˮ

Undi mwarimukazi witwa Bora Dinah, wigishaga ku kindi kigo kigenga kiri mu karere ka Nyagatare we avuga ko muri gahunda ya guma mu rugo yabonye ubufasha, ko ariko bwashize agakomeza kubaho nabi.

Yagize ati “Umushahara utarahagarara, nk’umukobwa niyitagaho, nkigurira amavuta ,isabune n’imyambaro, nkafasha n’umuryango wanjye, ariko ubu birangoye kuko ukwezi kujyera singire icyo ninjyiza.ˮ
Yakomeje avuga ko ari umwe muri bacye bahawe inkunga Covid-19 igitangira, ko ariko iyo nkunga yaje gushira.

Yagize ati “Njye n’abandi barimu bacye babaga batoranyijwe ku bigo bitandukanye byo muri Nyagatare, twahawe inkunga y’ibihumbi 36 n’ibiryo, ariko ntabwo ari igisubizo kirambye kuko byaje gushira.ˮ

Asaba ko n’abarimu bo mu mashuri yigenga bakomeza gutekerezwaho, nabo bagakomeza guhabwa umushahara kuko nabo barerera Abanyarwanda.
Yagize ati “Nkanjye ni uko ntaha mu rugo iwacu, ariko urumva nk’umwarimukazi ibintu byose ubyishakira uko abayeho.

Nkuko abarimu ba leta bakomeje guhembwa,hashakwa n’uko n’abo mu mashuri yigenga bakomeza guhembwa, umwarimu iteka ni umwarimu, niba uri Minisitiri cyangwa undi muyobozi mukuru, zirikana ko umwana wawe ntagihe atazakenera mwarimu. Kandi twigishaga abana babanyarwanda nkuko twubaha amategeko y’umwuga bakwiye kuvugana n’abakoresha bacu bakaduhemba nibura macye nkatwe abagore tuba ducyeneye byishi birimo n’impapuro zisuku mugihe cy’imihangoˮ

Murekatete Juliet, umuyobozi w’aka karere wungirije ushinzwe imibereho myiza y’abaturage, avuga ko abarimukazi bo mu mashuri yigenga, bahabwa ubufasha nk’uko n’abandi batishoboye babuhabwa ku ikibazo cy’abagore bashobora kubara izo mpapuro zisuku mugihe kimihango nt’ubwambere tucyumvise tuzareba niba haboneka ubufasha bagafasha .

Yagize ati “Kuba akazi bakoraga karahagaze ubuzima bwarakomeje, bamwe bafite ababyi bakomeje kubafasha, abandi bafite ingo,bagerageje gushaka indi mirimo. Rimwe twigeze kubafasha tubaha ibyo kurya tubonye ko nabo bafite ibibazo.
Ntabwo twabahaye ibiryo byabatunga igihe cyose, ni ugufasha umuntu mu minsi atarabona indi mirimo yakora.ˮ

Ubuyobozi bw’akarere ka Nyagatare, buvuga ko abarimukazi bo muri aka karere bakomeje ubuzima busanzwe nkuko abantu bose muri ibi bihe bya Covid-19 babayeho, abahinze bafite aho basarura imyaka, cyane ko hari n’abafite ibindi bakora bitari ukwigisha.

Mu minsi ishize ubwo yabazwaga kuri iki kibazo cy’abarimu badahembwa kuko bigishaga mu bigo byigenga, Minisitiri w’Ubutegetsi bw’Igihugu, Prof. Shyaka Anastase, yasubije ko niba umuntu yigishaga, kugeza ubu hari n’ibindi yakora ariko ko aho bishoboka, iyo hari utarashoboye kwizigama atabarwa nk’abandi.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru