Saturday . 19 September 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Covid-19: Nyagatare bamwe mu abagore basanga guma murugo yarongereye ihohoterwa

Tuesday 8 September 2020, by : MUTESI Scovia
    Yasomwe na

Ubwo umurwayi wa mbere wa Covide 19 yagaragara mu Rwanda hashyinzweho ingamba zo kwirinda icyo cyorezo, m’uburyo butandukanye bigera naho haza ibyemezo by’inama y’abaminisitiri ishyiraho Guma murugo.Ibyo byatumye abashakanye babana amasha yose y’umunsi kuko imirimo yose yahagaze.

Hari abatuye mu bice bitandukanye by’akarere ka Nyagatare, baganiriye n’ikinyamakuru Mama u Rwagasabo bavuga ko n’ubwo mu rwego rw’imibereho hari ibyagiye bihinduka, ariko ntawe ukwiriye kwitwaza ko yahohotera undi kubera guma murugo twagiyemo n’amasaha yogutaha akajya kuri samoya ibyo byakabaye amahirwe .

Nyirambarubucyeye Cecille utuye mu murenge wa Rwempasha mu karere ka Nyagatare, yatubwiye ko saa Moya ntacyo imutwaye, ko ahubwo asanga ari amahirwe ye.

Agira ati“Amakimbirane agira abari basanzwe bayafite naho abatumvikanaga harigihe babona umwanya wokuganira bakongera bagahauza muri byose amahoro akagaruka.kandi igiteye ubwoba naniwe kumvikana kubera kwirirwa murugo bose.
Ariko amahirwe nagize njye uko abagabo basigaye bataha kare. Mbere birwaga mu nzoga none iyo bashatse kurenga ku isaha yagenwe, ubuyobozi burabakumira bakagera mu rugo hakiri kare, tukaganira kuri byinshi biteza imbere umuryango. Aya masaka usanze ndimo kwanika umutware wanjye yamfashije kuyajyeza hanze, kandi no ku mugoroba aribumfashe kuyanura, urumva ko ari nka mbere hari ubwo yari kuba ataraha bikangora ngenyine”.

Akomeza avuga ko n’ubwo we amahoro ayafite hari bagenzibe bafite ihohoterwa rikomeye kuko abagabo birwa murugo hakwiye ubukangurambaga bakunga abashakanye muri ikigihe hari umwanya biriranwa.


Mukantasingwa Clarisse

Undi mugore na we utuye mumurenge wa Rwempasha mu karere ka Nyagatare witwa Mukantasingwa Clarisse utuye mu mudugudu wa Kabare akagari ka Kabare ,avuga ko we n’umugabo we basanzwe bagirana amakimbirane n’ubundi byarushijeho ubwo covid yazaga bagasabwa kumuga murugo.

Yagize ati“Uasanga iyo ari murugo yabuze aho ajya kuko utubari dufunze agutura umunabi wabaza icyo aguhora intambara ikarota ukagaceceka naho covide itaraza yirirwaga iyo aho aziye akaza aryama n’ubwo nabyo byabaga bitoroahye gusa ubu byarushijeho .”

Musonera Juvenal umuyobozi w’umudu wa Kabare , avuga ko muri uyu mudugudu nta makimbirane akunze kuharangwa ku buryo gutaha kare byatuma arushaho kwiyongera.

Aragira ati “Muri uyu mudugudu ntabwo hari hakunze kuboneka ihohoterwa rishingiye ku gitsina,aho byagaragaraga ni ku bantu banywaga akayoga bagashwana, bagapfa imitungo. Ku bwange mbona guma murugo yarabigabanyije kuko yagabanyije ubusinzi batashye, nushaka ako kayoga aragacyura, mbona abantu bararushijeho gusabana”.
Bugingo Monika umukozi w’akarere ka Nyagatare ushinzwe imiberehomyiza y’abaturage,avuga ko amakimbirane yo mungo aho aboneka muri ibi bihe bya Covid-19, n’ubundi bari basanzwe bayafitanye.

Aragira ati“Ntabwo twavuga ngo ahari amakimbirane yo mu ngo byaturutse kuri Covid-19, n’ubundi abari basanzwe bayafitanye.ubuyobozi turabegera tukayakemura, sinumva rero kuba haragaragaye kino cyorezo byaba intandaro y’amakimbirane cangwa ihohoterwa ry’abashakanye, naho byaba biri byaba atari byo bakwiye kubireka.

Umuyobozi w’akarere ka Nyagatare wungirije ushinzwe imibereho myiza y’abaturage Murekatete Juliet yasuye umwe mu bagore

Ubuyobozi bw’akarere ka Nyagatare kandi bwabwiye ikinyamakuru Mama u Rwagasabo, ko ahagaragaye amakimbirane hakunze kwifashishwa inshuti z’umuryango zikabasura zikabagira inama, hubahirizwe amabwiriza yo kwirinda icyorezo cya Covid-19, harimo gukaraba intoki, kwambara agapfukamunwa no guhana intera nibura ya Metero hagati y’umuntu n’undi.

Ubuyobozi buravua ibi mugihe umuryango CRADO umwe mu miryango itali iya Leta, yagaragaje ko mu gihe cya guma mu rugo, byazamuye umubare w’abagabo bahohotera abagore babo kuko birwana mu rugo.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru