Wednesday . 17 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

GISAGARA: Abaturage bavuga ko gusura inzibutso za Jenoside yakorewe Abatutsi mu 1994, bifasha mu kurwanya ipfobya rya Jenoside.

Tuesday 2 July 2019, by : MUTESI Scovia
    Yasomwe na

yanditswe na Naomi Irakoze Mugaragu

Abaturage bo mu kagari k’Umunini mu murenge wa Kansi mu karere ka Gisagara basuye urwibutso rwa Kabuye ruherereye mu murenge wa Ndora muri aka karere, bavuga ko gusura inzibutso za Jenoside yakorewe Abatutsi mu 1994, bifasha kurwanya ipfobya rya Jenoside ndetse no kwimakaza ubumwe n’ubwiyunge kuko bahigira amateka ajyanye n’uburyo Jenoside yateguwemo igashyirwa no mubikorwa.
Mu gihe tukiri mu minsi 100 yo kwibuka ku nshuro ya 25 Jenoside yakorewe abatutsi mu mwaka wa 1994, hirya no hino hakomeje ibikorwa byo kwibuka, gushyingura mu cyubahiro ndetse no gusura inzibutso zishyinguwemo inzirakarengane zazize Jenoside.

Ni muri urwo rwego abatuye akagari k’Umunini mu murenge wa Kansi mu karere ka Gisagara, basuye urwibutso rw’akarere ka Gisagara. Ibi ni bimwe mu byo baba bahize, uyu muhigo bakaba baragombaga kuwesa. Nk’uko Uwimana Chantal, umunyamabanga nshingwabikorwa w’aka kagari abigarukaho.

Ati : « ibijyanye n’imihigo twiyemeje ko nta muhigo n’umwe tuzasiga inyuma, rero n’umuhigo wo kwimakaza ubumwe n’ubwiyunge nawo twawimirije imbere, muri iyi minsi ijana tuba dufite intego y’uko tugomba gusura amateka yaranze igihugu cyacu, tukareba ibyabaye muri Jenoside yakorewe abatutsi muri Mata 1994, turavuga tuti kuri iyi nshuro ya 25 reka tujye gusura amateka yo mu karere kacu nk’akagari k’Umunini ».

Abaturage basobanurirwa amateka ya Jenoside yakorewe abatutsi 1994
Abatuye muri aka kagari basuye uru rwibutso, bashishikariza abatajya basura inzibutso kuzisura bavuga ko amateka bahigira ndetse n’ibyo bahabona, bifasha mu kurwanya ipfobya rya Jenoside ndetse no kwimakaza ubumwe n’ubwiyunge.
Barakagwira Mercur uba muri komite y’abunzi muri aka kagari ati : « ubwo rero iyo tuje tukareba nka biriya nk’uwari umaze kwibagirwa amateka ye, arongera akibuka akabireba, ariyo mpamvu hari abarize cyane cyane abana bato batari bariho, tugomba kubazana bakabireba kugira ngo tugire inyigisho tuzigisha abandi, tujye tugendera ku bitekerezo bizima byubaka ».

Mugenzi we Nteziryayo Samuel, umuyobozi w’umudugudu wa Kaburanjwiri na we ati :«gusura urwibutso ni byiza nkanjye Jenoside yakorewe abatutsi yabaye ndi umwana nabyumvaga babivuga twiga, ariko noneho iyo uhageze umenya koko ko ari ibyabaye ari bya nyabyo, nka bamwe bapfobya bavuga ko Jenoside itabaye, aho kugirango ubarirwe ibintu wahagera ukabyirebera, banatubwiye ko gusura urwibutso ari ubuntu ».

Uwimana Chantal uyobora akagari k’Umunini kandi, avuga ko ari ngombwa gusura inzibutso by’umwihariko urubyiruko ndetse n’abana bavutse nyuma ya Jenoside kugira ngo bamenye aya mateka yabaye bataravuka cyangwa bataramenya ubwenge.

Uru rwibutso rw’akarere ka Gisagara basuye, ruherereye mu murenge wa Ndora, akagali ka Gisagara, umudugudu wa Kabuye. Mu gihe cya Jenoside hari hakoraniye abatutsi benshi babeshywe ko ari ho babonera umutekano, nyamara birangira abawubabeshye ari bo babishe. Rwatangiye gushyingurwamo imibiri mu mwaka ushize wa 2018. Rushyinguyemo imibiri isaga ibihumbi 44.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru