Wednesday . 17 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Gatsibo:Abaturage batitabira inteko yabagenewe ntibanyurwa n’icyiciro cy’ubudehe

Monday 13 May 2019, by : MUTESI Scovia
    Yasomwe na

Bya Scovia Mutesi

Abaturage baranengwa kutitabira inteko zabagenewe, kuko ari ho bagezwaho gahunda za Leta n’iterambere ryabo ariko kubera gusiba ndetse no kutabyitaho bigira ingaruka kuri bo bigatuma ibyemezo bifatwa badahari batabyakira, bituma kandi abo bantu bahora basaba ko basubiramo ibyavuzwe harimo n’icyiciro cy’ubudehe baba barashyizwemo.

Abo baturage usanga bahora bavuga ko barenganyijwe, bahora bitana ba mwana n’abayobozi b’inzego z’ibanze, kuko ngo usanga amatangazo aba yaratanzwe kandi bazi n’igihe bagomba kwitabira iyo nteko.

Abaturage bo mu Murenge wa Gitoki mu Karere ka Gatsibo bavuganye n’itangazamakuru bifuza ko bagenzi babo batitabira inama ko babadindiza mu iterambere bifuza, basaba ko mu gihe bazaba bavugurura icyiciro cy’ubudehe, uko byakorwa, ko bagenzi babo bakwitabira.

Nyiramugwera Mariya yavuze ko iyo bamwe bataje mu nama igafatirwamo ibyemezo, barangiza bakavuga ko barenganye yagize ati “Abaturage dukwiye kwitabira inama, nk’ubu harimo gukusanywa ibitekerezo k’ucyiciro cy’ubudehe, utaza mu nama y’abaturage, ejo nihemezwa icyiciro cy’ubudehe 6, uzasanga hari uvuga ngo iyo biba 7, kuko ntiyaje ngo asobanure impamvu y’ibyo ashaka, abaturage natwe dukwiye kubahiriza kwitabira inama, nitwe bigirira akamaro, kugira ngo n’ibyo dusabwa n’abayobozi, nidusanga bitatunyuze tubyange”.

Mushumba Johna Umunyamabanga Nshingwabikorwa w’Umurenge wa Gitoki, avuga ko amakuru yose y’ibikorwa bizakorwa mu murenge bivugirwa mu nteko z’abaturage, utaje aba yihemukiye, kuko bubahiriza ibitekerezo by’abaje mu nama yagize ati “iyo dutumije inama z’abaturage hakaba hari bamwe batayitabira baba bihemukiye, kuko nko ku cyiciro cy’ubudehe turimo kuganira uko abaturage babonye ishyirwa mu bikorwa byabyo, uhereye ku cya mbere hagamijwe kugira ngo amakosa yagaragaye bwa mbere ntazagaruke, ibyo rero abaturage nibo bakwiye kuza bagatanga ibitekerezo byabo, natwe nk’abayobozi tukabishingiraho, kuko imiyoborere myiza ni iyo umuturage agizemo uruhare”.

Umurenge wa Gitoki ni umwe mu mirenge 14 igize Akarere ka Gatsibo mu Intara y’Iburasirazuba, ukaba ugizwe n’Utugari 6 Imidugudu 57 utuwe n’abaturage 37 570 ukagira ingo 8 312, uwo Murenge wa Gitoki ukungahaye ku gihingwa cy’urutoki n’ibindi bihingwa byatoranyijwe, aborozi bororera mu biraro, imiryango myinshi ifite inka n’ifamu.
Umurenge wa Gitoki uhana imbibi n’imirenge ari yo Kageyo, Remera,Kabarore, Rugarama,Rwembogo, bafite amasoko 3 ari yo Kinteko, Karubungo na Rwagitima, amashuri yisumbuye ni 4 n’abanza nayo ni 4, ikigo nderabuzima 1,ibyo bikaba ari bimwe mu biranga uwo murenge mu iterambere ryawo.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru