Friday . 29 May 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Habaye ibiganiro hagati ya OMS na Perezida wa Madagascar ku muti uvugwa ko uvura COVID-19

Friday 22 May 2020, by : MUTESI Scovia
    Yasomwe na

By Imfurayabo Pierre

Perezida Andry Rajoelina wa Madagascar yavuze ko Dr Tedros Adhanom ukuriye ishami ry’umuryango w’abibumbye ryita ku buzima OMS/WHO, yavuze ko bazashyigikira ibikorwa byo kureba niba uyu muti uvura covid-19, anavuga ko yashimye umuhate wa Madagascar mu kurwanya Covid-19.

Perezida Rajoelina avuga ko Madagascar yavumbuye umuti gakondo uvura coronavirus bise Covid-Organic, kugeza ubu ibihugu bimwe bya Afurika byamaze kuwugezwaho.

OMS ntabwo iremeza uyu muti cyangwa undi uwo ariwo wose ko uvura iyi ndwara iterwa na virus nshya yo mu bwoko bwa coronavirus ifata imyanya y’ubuhumekero.

Abinyujije kuri Twitter,Perezida Rajoelina yavuze ko OMS "izasinya ingingo zitazatangazwa ku bigize Covid-Organics kandi izashyigikira ibikorwa byo kureba niba uyu muti uvura muri Afurika".

Mu nyandiko yari yabanje kwandika kuri twitter mu ijoro ry’ejo kuwa gatatu, Rajoelina yari yanditse ngo Dr Tedros yadushimye ku kuvumbura umuti wa Covid-Organics, gusa iyo ’tweet’ yaje kuyisiba.

Abategetsi muri Madagascar bavuga ko ku bantu 131 bamaze gukira iyi ndwara benshi muri bo bayikijijwe n’uyu muti, muri iki gihugu abantu 371 barayanduye muri bo babiri yarabishe.

Ibihugu bimwe bya Afurika byatumije binatangaza ko umuti wa Madagascar wabigezeho, ibyo birimo; Tanzania, Niger, Tchad, Guinea Bussau, Guinea Equatorial, n’ibirwa bya Maurice.

Muri weekend perezida wa Nigeria Muhammadu Buhari yakiriye uyu muti ngo babanze bawugerageze.

Ejo kuwa gatatu Minisitiri wo muri Ghana yemeje ko guverinoma yatumije umuti wa Madagascar ngo bawugerageze.

BBC itangaza ko iminsi OMS/WHO itangaje ko iri gukorana na Leta ya Madagascar mu gusuzuma niba uyu muti koko uvura Covid-19.

Iri shami rya ONU ryaburiye Abanyafurika kwirinda gukoresha imiti itarasuzumwe ngo yemezwe n’abahanga mu kuvura iki cyorezo, kabone nubwo yaba ari iya gakondo.

Leta ya Madagascar yo yatangaje ko nta uzayihagarika mu gukoresha uyu muti kuri coronavirus no kuwuha abawukeneye.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru