Tuesday . 13 April 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Hari abatekereza ko ihame ry’Uburinganire n’Ubwuzuzanye ryigishijwe nabi, ntekereza ko ari ukubivuga gusa-Pro Femmes Twese hamwe

Monday 7 December 2020, by : MUTESI Scovia
    Yasomwe na

MUTUNGIREHE SAMUEL

Leta y’u Rwanda yiyemeje gushyiraho ihame ry’uburinganire n’ubwuzuzanye hagati y’umugabo n’umugore nyuma yo kubona ko hari byinshi umuryango n’igihugu muri rusange biri guhomba mu rugendo rw’iterambere ridaheza, rihuriweho n’ibitsina byombi. Ibi kandi bajyana n’uko mu itegeko nshinga ryo muri 2003 nk’uko ryavuguruwe muri 2015 rivuga ko rimwe mu mahame igihugu kigenderaho ari iry’uburinganire.

Umuyobozi w’Impuzamiryango Pro Femmes Twese hamwe, Kanakuze Jeanne d’Arc, asobanura ko uburinagnire ari uko abantu baba bafite uburenganzira bungana imbere y’amategeko, umuntu wese mu kiciro ke akaba angana n’undi. Ihame ry’uburunganire rijyana n’imiyoborere myiza. Ubwuzuzanye bujyana no kunganirana ku cyo buri umwe adashoboye, mugenzi we akamwunganira.

Ubwo Impuzamiryango Pro Femmes Twese hamwe yamurikaga ibyavuye mu bushakashatsi yakoze mu turere two mu Ntara y’Amajyepfo, basanze hari abagore bakitinya, bikifata ntibatange ibitekerezo mu nteko z’abaturage kandi baramutse babitanze byagira icyo bihindura, bakagaragaza ko nabo bumva ibaytanzwe n’abagabo bihagije, basa n’aho babibavugiye.

Madamu Kanakuze avuga ko kuko hari abatarishimiye ko buri wese hagati y’umugabo n’umugore bagira amahirwe angana, nubwo ari bake ariko nubu bagishaka kwikubira banga, badashaka kumva ihame ry’uburinganire.

Ati “Noneho uko utabyumva ugashaka abambari bawe ushyira muri uwo murongo, abo bambari rero nagira ngo mbisabire mubagendere kure, kandi mubasobanurire; ihame ry’uburinganire rijyana n’imiyoborere myiza, kumva ko uburinganire ari igikoresho k’imiyoborere myiza, ko umugabo ‘umugore bareshya, bashobora gutera imbere, noneho byagera muri bwa bwuzuzanye ukamenya ngo hari icyo ntashobora wowe ukaba ugishoboye nk’umugabo cyangwa umugore.”

Madamu Kanakuze yavuze ko ibituma hakiri abantu nkabo, bagifite iyo mvugo ari byinshi ariko ik’ingenzi gishingiye ku mateka n’umuco w’Abanyarwanda.

Ati “Mu mibereho y’Abanyarwanda umugabo ni we wakunze kuba ayoboye urugo, ari we ufata ibyemezo, buriya hari ikintu byagiye bihindura mu mitekerereze y’abantu cyane mu bijyanye n’ihame ry’uburinganire n’ubwuzuzanye, bisobanure ko amahirwe aangana ku bana b’abakobwa no kubana b’abahungu, ku bagabo n’abagore.

Buriya kugira ngo ubwire umuntu ubungubu menya yuko ugiye gusangira nundi ubwo buyobozi ufite, menya ko ayo mahirwe mugiye kuyasangira, ntabwo ari ibintu bishobora kwikora ako kanya cyangwa ngo uvuge ngo arahita abyemera.”

Kanakuze komeza agira ati “Hari abantu batekereza cyangwa babivuga ko byigishijwe nabi; ntekereza yuko rimwe na rimwe ari ukubivuga gusa, nabo bazi ko ntawigeze ubyigisha nabi. Nonese umuntu wajya kwigisha abantu akababwira ngo mujye mukora ihohoterwa rishingiye ku gitsina wamukura hehe muri iki gihugu.

Buriya ubajije ubikubwira ukamubaza uti mbwira umuntu igeze uhagarara imbere y’abantu hanyuma yigisha ko ihame ry’uburinganire n’ubwizuzanye ari ukuvuga ngo abagore bitware nabi, ari ukugira ngo abagabo bahohotere abagore, ntawe nashinja iki kintu.”

Umunyamabanga nshingwabikorwa w’Umuryango Pro Femmes Twese Hamwe, Madamu Bugingo Emma Marie, we yagaragaje ko mu byo bakuye mu bushakashatsi bakoze muri iyo ntara basanze abagore n’abakobwa batitabira inama nk’uko abagabo bimeze.

Ati “Ugasanga mu by’ukuri akenshi bituruka ko wenda inama amasaha zategurwagamo umugore aba yagiye muri twa turimo two mu rugo tutarangira cyangwa se n’abitabiriye mu by’ukuri bakicara inyuma ntibavuge kuko abagabo babo cyangwa basaza babo bahari bavuze.

Ibyo rero bikagaruka kuri wa muco twumva rimwe na rimwe mu muco wacu ngo ‘Nta nkokokazi ibika isake ihari’. ibyo rero urumva ko mu by’ukuri niba abayobozi bahamagaye abaturage ngo batange ibitekerezo, abagore n’abakobwa bagahaguruka batavuze, ntabwo baba batanze ibitekerezo byabo, ntibaba bavuze ibibabangamiye.”

Mu myaka itanu uwo mushinga wa Pro Femmes Twese Hamwe umaze babonye ko byagiye bihinduka mu kumva ihame ry’uburinganire n’ubwuzuzanye kandi abagabo babyumvise neza ari bo bafashije cyane ngo habeho izo mpinduka mu kwimakaza iryo hame ariko kandi bijyana no kurwanya ihohoterwa rishingiye ku gitsina.

Ku ruhande rw’ishyirahamwe ry’abagabo baharanira uburinganire, RWAMREC, Rudasingwa Jean Bosco, ushinzwe umushinga wo guteza imebre ihame ry’Uburinganire n’ubwuzuzanye no kubaka ubushobozi bw’abagore, yavuze ko iryo hame ryigishwa hagamijwe gusobanurira abantu icyo bimaze.

Ati “Aho bigeze byumvikana ni urugendo, twataye muri sosiyete aho twagiye twigishwa, dutozwa ko umugabo ari we ukwiye kuba ku ruhembe, ukwiye kuba afite ijambo rya nyuma, akwiye gufata ikemezo ku ijambo rya nyuma mu muryango; twigishwa ko abagore bakwiye kuba mu gikari bagakora ya mirimo y’abana n’indi mirimo iciriritse, ku buryo icyo gihe kinini wabonaga ahrimoi ubusumbane.

Izo mpinduka rero kugira ngo zishoboke byazabaga kwigisha kandi ni urugendo, ariko icyo twishimira uyu munsi ni uko nibura hari abagabo benshi bamaze kubona inyungu atari ukubyumva gusa, kandi buryo iyo umuntu yamaze kubona izo nyungu aranabishyigikira akabitoza n’abandi nawe ubwe.”

Mu bitabiriye uko kumurika ubwo bushakashatsi, bamwe bagaragaje ko muri urwo rugedo rwo kuzamura imyumvire ku buringanire n’ubwuzuzanye hakwiye no gushaka ibindi bintu byarushaho kugabanurira umugore wo mu cyaro imvune, byaba mu kumuvuganira akabona gaze yo gutekesha, aho itabnetse agafashwa kubona ibindi bicanwa byihutisha akazi, kumufasha gukora imishinga iciriritse akiteza imbere bityo akiteza imbere nawe akava mu bwigunge akitabira inama akabasha gutanga ibitekerezo bihindura bagenzi be mu kugaragaza uruhare rwe mu bimukorerwa.

Pro Femmes Twese Hamwe ivuga ko urugendo rwo kumvikanisha ihame ryuburinganire n’ubwuzuzanye rusaba uruhare rwa buri wese, ariko n’itangazamakuru rikaba umuyoboro mwiza wo kwiafshsisha mu kugeza inyungu zaryo n’uko igihugu hari ibyo cyahomba mu gihe hari uruhande rumwe rwakomeza gusubizwa hasi, ahubwo buri wese akumva ko iterambere ry’umuryango, iighugu rigerwaho mu bufatanye bw’ibitsina byombi.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru