Friday . 30 October 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Hari urubyiruko rusanga kugira ngo hatazagira umunyeshuri uta ishuri abari mu kazi bagakurwamo

Friday 16 October 2020, by : MUTESI Scovia
    Yasomwe na

Mu gihe Minisiteri y’Uburezi yamaze gutangaza ingengabihe y’amashuri y’ibihembwe bibiri by’umwaka w’amashuri wa 2020/2021, hari urubyiruko rusanga kugira ngo abana bose bazitabire ishuri ntihagire urivamo bikwiye ko bareba mu nzego z’imirimo yose iri hanze aha umunyeshuri wese wahawe akazi akagakurwamo hatitawe ku musaruro ari gutanga kuri uwo murimo.

ni ibitekerezo bya bamwe mu banyeshuri n’abakangurambaga bo mu mashuri bahaye ikinyamakuru MamaUrwagasabo ku mpungenge bamwe mu babyeyi bafite ko hari abana bamaze kubona akazi batifuza gusubira ku ishuri kubera amafaranga bita ko ashyushye bari guhembwa batari basanzwe mu kazi ngo bafate amafaranga bakiri ku ntebe y’ishuri.

Muunge Godefrey ni umufashamyumvire mu ishyirahamwe ry’abanyeshuri ku by’uzima bw’imyororokere “Club Generation” mu Rwunge rw’amashuri rwa Gatulika ruherereye i Kabuga mu Mujyi wa Kigali.

Avuga ko nawe ubwe yasoje amasomo umwaka ushize mu mwaka wa gatandatu, ariko kuva icyorezo cya COVID-19 cyagera mu Rwanda amashuri agasubikwa ari bwo yabonye ibiraka by’akazi bimuha amafaranga menshi atigeze atunga.

Muunge avuga ko mu banyeshuri benshi ajya aganira nabo bamubwiza ukuri ko benshi iby’ishuri byabavuyemo kubera amafaranga bakoreye.

Ati “Umunyeshuri akubwira ko COVID-19 yaje ari nk’igisubizo ku banyeshuri kuko twabonye akazi, twakoreye amafaranga n’umwalimu utwigisha atarakorera. Nk’ubu naguha urugero, bano bantu b’urubyiruko ubona ku mihanda b’abakorerabushake (Youth Volunteers) babwira abantu kwambara neza udupfukamunwa n’ibindi, uriya muntu ku munsi ahembwa ibihumbi itatu (3000Frw), mu kwezi urumva ko ari 90 000aFrw.

Baduhembera ku minsi 15, urumva ko ayo mafaranga ari menshi, ikindi leta yubatse imihanda nk’urubyiruko baduhamo akazi, amashuri yose yubakwa ubu umuyede ahembwa 2500; urumva ayo ni amafaranga menshi twakoreye ku buryo no mu rugo twabafashaga,niba ntashye nkabwira papa nti fata icupa winywere, tukanarisangira, niba hakenewe isabune nkayigura.”

Uyu musore asanga hakwiye ko mbere y’uko amashuri atangira leta ikwiye gufata umwanya ikabwira abakoresha bose mu gihugu guhagarika abanyeshuri bari mu kazi kugira ngo nibabura imirimo babone gusubira ku ishuri.

Mugisha Jimmy Keve nawe twamusanze mu murenge wa Kimironko mu karere ka Gasabo avuye mu bukangurambaga bwo kwirinda CIVID-19. yavuze ko atari imbaraga za leta zigiyemo hari abana bahita bata ishuri bakigumira mu mirimo barimo kandi wenda itazanamara igihe ngo ni uko binjiza amafaranga batari basanzwe babona.

Ati “Ntitubyirengagize muri iyi minsi ababyeyi nabo bafite ikibazo cy’ubukene kuko bamwe akazi karahagaze; niba rero nta mafaranga afite ntabwo azajya kubwira ngo jya ku ishuri kandi ndi gukorera amafaranga menshi. Kandi hari n’abana twaganiriye ejo bundi bacyumva ririya tangazo ryo gusubira ku ishuri bakambwira ngo rwose njye niyo wandasa ntabwo nava mu kazi ngo nsubire ku ishuri, urumva biragoye.

Keretse Leta ifashe umwanzuro bakavuga bati abana turabahagaritse mu kazi, buri muntu wese uri umuntu uzi ko ari umunyeshuri amuhagarike amuhembe amafaranga yari agejejemo, bityo bagataha bakajya mu rugo. Aho urumva njye ninirirwa mu rugo iminsi itatu umubyeyi azambwira ngo njye ku ishuri kandi n’iyo atanabimbwira nanjye nzarambirwa kwirinda mu rugo, mvuge nti reka njye ku ishuri ariko nkiri mu kazi sinavamo ngo njye guhangana na mwalimu nari ndi kwinjiza amafaranga.”

Kuri izi mpungenge ariko umuokozi wa Minisiteri y’Uburezi ushinzwe ubuzima mu mashuri, Tuyishimire Froduard avuga ko kuva batekereza izo mpungenge hagiyeho ubukangurambaga bwiswe “Garuka ku Ishuri/Back to School Campaign buzashyirwamo imbaraga guhera tariki ya 19 Ukwakira 2020, ikaba irimo ibikorwa bitandukanye.

Ati “Buri kibazo gifite uburyo kizakemurwa muri ubu bukangurambaga no muri gahunda za leta zisanzwe, twavuga nko gushakira abana bamwe ibikoresho by’ishuri, gushyiraho gahunda yo kubagaburira ku ishuri cyane cyane abagizweho ingaruka na COVID-19 ariko kandi no gutegura amasomo yo kuziba icyuho ku baba batarakurikiranye amasomo mu kiruhuko bishobora kubashyira mu byago by gusibira cyangwa guta ishuri."

bamwe mu banyeshuri bakimara kugera mu ngo kugira ngo hirindwe gukwirakwiza icyorezo cya COVID-19 bagiye bashaka icyo gukora gusa hari n’ab’abakobwa bitahiriye baterwa inda zitateguwe ubu bakaba bibaza uko bazasubira ku ishuri muri ubwo buzima.

Mutungirehe Samuel

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru