Tuesday . 21 January 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

IBINTU 20 BYAVUZWE NA DONALD TRUMP BISHEGESHE AMAHANGA BY’UMWIHARIKO AFURIKA

Friday 29 March 2019, by : MUTESI Scovia
    Yasomwe na

By imfurayabo Pierre
Iyo uvuze Donald Trump hari abamwitiranya n’umuntu w’umugome , umutukanyi , mbese udatinya kuvuga ikintu na kimwe muri we. Mu kwiyamamaza habamo kwivuga ibigwi no kugaragaza ibyo uzageza ku bantu ariko umukandida w’umu- Républicain muri Amerika, Donald Trump we yakunze kugaragara mu bikorwa binenga, bisebya ndetse byibasira abakandida, ba perezida bayoboye Amerika, avuga ko bataye iki gihugu mu rwobo we akazagicungura.

1.Gufunga Museveni na Robert Mugabe

2.Gutuka abakandida bahanganye mu bikorwa byo kwiyamamaza

3.Gukumira Abayisilamu muri Amerika

4.Kwirukana abasaga miliyoni 11 z’abatagira ibyangombwa

5.Ngo Obama ntiyari gutorwa iyo bahangana mu matora

6.Akazi k’abirabura ni ugukora imibonano mpuzabitsina gusa

7.Abanyafurika bakwiye ubundi bukoloni bw’imyaka 100

8.Vatican izifuza ko Trump aba yarabaye Perezida niterwa na Islamic State

Kuva urugendo rwo kwiyamamariza kuyobora Leta Zunze Ubumwe za Amerika rwatangira, Donald Trump yagiye agaruka ku bakuru b’igihugu bayoboye Amerika, avuga ko ntacyo bayigejejeho ndetse n’uriho ubu ngo yamaze kuba igikoresho cy’abandi bantu.

Ati “ Tuyobowe n’abantu bacengejwe imyumvire y’ahandi, ndetse bashaka gutuma iki gihugu kigwa mu rwobo.” Muri gahunda ziri imbere z’umukandida w’umu-Républicain Donald Trump, avuga ko mu gihe yaba atowe agomba kugarura icyubahiro cya USA, agahangana n’u Bushinwa butangiye kubarya isataburenge mu bukungu.

Icyakora uyu mugabo utaripfana iyo abonye umwanya wo kuvugira mu ruhame ntabura gushimisha bamwe mu batishimira imitegekere ya Perezida Barack Obama.

Nyuma y’aho Obama agaragarije ko uko abibona Trump atatorerwa kuyobora Amerika, uyu mugabo yasubije Obama n’agasusuguro ati “wagize amahirwe ko ubushize (2012) ntiyamamaje ubwo Romney yiyamamazaga kuko wari kuba perezida wa mbere uyoboye manda imwe.”

Trump avuga ko ingengo y’imari igihugu gifite idashobora kugifasha guhangana n’umutwe wa Islamic State. Akomeza anenga gahunda zirimo ‘Obama care’ wagereranya na Mutuelle de santé mu Rwanda , avuga ko natsinda bazabisimbuza izindi gahunda.

Mu mpera z’ Ukuboza 2015, ubwo Donald Trump yaganiraga na bamwe mu bahoze mu gisirikare cya Amerika yaburiye abayobozi bategekesha igitugu ko atinze gutorwa ngo ahite abamarira mu buroko.

Ati” Ndashaka kubisubiriramo hano imbere y’intwari z’igihuhu ko ntazihanganira imiyoborere y’igitugu igaragara ku bayobozi b’ibihugu ku isi cyane cyane abakambwe babiri bayoboye Uganda na Zimbabwe. Mugabe na Museveni bagomba kumenya ko iminsi yabo ibaze kandi nzabafata mbajugunye mu buroko. Niba ubuyobozi bw’ahahise butarashoboye guhagarika abo banyagitugu, njye ubwanjye nzabyikorera.”

Trump avuga ko niba abaperezida bose bayoboye Amerika baratinye Mugabe na Museveni we atazabatinya ndetse ko atakwemera gusuzugurwa bene ako kageni.

Trump yifuza ko abayisilamu batakongera kwinjira muri USA.Trump yavuze ko naramuka atowe hazahita hajyaho itegeko rikumira burundu Abayisilamu ntibazongere gukandagira ku butaka bwa Leta Zune Ubumwe za Amerika.

Trump yavuze ko kubera ibitero byahitanye abantu 14 mu gace ka San Bernardino muri Leta ya California, hagakekwa imitwe ya kisilamu kubigiramo uruhare, Trump yavuze ko abafite imyemerere ya Kiyisilamu banga Amerika urunuka bityo ko bikwiye kwigwaho neza bagakumirwa.

Ati “Kugeza igihe tuzamenya neza tukanasobanukirwa iki kibazo n’ingaruka kidufiteho, kuko gihugu cyacu nticyakomeza kugabwaho ibitero n’abantu bizera ibya Jihad, kandi bidafite agaciro ndetse bitubahiriza uburenganzira bw’ikiremwamuntu.”

Umugambi wo kwirukana abanya-Kenya n’abatagira ibyangombwa miliyoni 11,Uretse gufunga abakuru b’ibihugu bya Uganda na Zimbabwe, Trump yongeye kwibasira abanyafurika avuga ko azirukana buri wese ukomoka muri Kenya akabakurikiza umuhungu wabo Barack Obama.

Ati “Ndabasezeranya ko nzongera nkagarura igitinyiro cya Leta Zunze Ubumwe za Amerika twataye mu gihe cya Obama. Niyo mpamvu nyamukuru nkizera ko we (Obama) na bene wabo b’Abanyakenya bagomba gusubizwa iwabo Amerika ikagira umutuzo.”

Aba kandi ngo bagomba kujyana n’abasaga miliyoni 11 zituye ku butaka bwa USA badafite ibyangombwa bibemerera kuhatura.

Trump ati “ Tuzabikora mu buryo bwiza kandi bwubahiriza uburenganzira bw’ikiremwamuntu. Mubyizere. Mfite umutima ukomeye kubarusha.”

Uyu mugabo avuga ko azabikora neza kandi bizashoboka kuko ngo ari umuyobozi mwiza. Ati: Nintorwa muzabona byose bikorwa.”

Trump yumva Afurika yakolonizwa indi myaka 100.Mu buryo bwihariye yandagaje ibihugu bya Afurika atavuze amazina avuga ko ababituye badashoboye kwiyobora, ko ndetse bakwiriye kongera gukoronizwa mu gihe cy’imyaka 100 yose.

Yagize ati “Bariya bantu bagura ibintu byose hanze yemwe n’imyambi y’ikibiriti, ku bwanjye ibyinshi mu bihugu bya Afurika bikwiriye kongera gukoronizwa nk’indi myaka 100 kuko ntibasobanukiwe imiyoborere no kwiyobora.”

Abirabura basa n’ababoneye ishyano kuri Donald Trump kuko ubwo yari mu mujyi wa Indianapolis kuwa 17 Ukwakira, yavuze ko nta wundi murimo bashoboye uretse kurya, kwiba no gukora imibonano mpuzabitsina.

Ati” Abanyafurika b’Abanyamerika ni abanebwe, bashoboye gusa kwirirwa bazenguruka ku nzu bavuga ko bahezwa. Aba sibo Amerika ikeneye. Ni abanzi b’iteranbere”.

Trump yibasiye abakandida bahanganiye umwanya mu matora y’umukuru w’igihugu. Ubwo bari mu matora yo muri New Hampshire, Trump yatutse Ted Cruz avuga ko kuba yarakozweho iperereza apfutse umunwa ndetse amenwaho amazi byatumye asigaye ameze nk’injangwe’.

Uretse Cruz kandi yongeye kwibasira Marco Rubio avuga ko mu biganiro mpaka “abira ibyuya nk’imbwa”.

Kuri gahunda ya Trump yo kubaka urukuta rutandukanya Amerika na Mexique ndetse ibyakoreshejwe byose bikishyurwa na Mexique mu rwego rwo gukumira abimukira, Papa Francis yahise avuga ko abona ibyo bitari mu ndangagaciro z’umukirisitu.

Uyu mugabo uharanira guhagararira aba- Républicain yahise amusubiza ati” Vatican iramutse yibasiwe na IS, kandi nkuko mubizi nicyo IS irangamiye, ndakubwiza ukuri ko Papa yasenga avuga ngo iyaba Trump yarabaye Perezida”

Trump yabashije gutsinda mu matora ya hamwe muri Leta ebyiri banyuzemo biyamamaza, ndetse atsinda bimworoheye amatora y’ibanze muri Leta ya Carolina y’Amajypfo,akaba asigaje agihatana ngo arebe ko yazahagararira ishyaka rye mu matora ya Perezida nyirizina ateganyijwe ku wa 8 Ugushyingo 2016.

Src: Celebsmagazine

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru