Thursday . 21 March 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Imyitwarire y’abagore hagendewe ku kwezi bavutsemo!!!

Friday 22 February 2019, by : MUTESI Scovia
    Yasomwe na

Yanditswe na Olive MUKAHIRWA

Imyitwarire y’umuntu igirwamo uruhare n’ibintu bitandukanye birimo uko yavutse, aho yavukiye, uko yabayeho, abo babanye, ubumenyi afite, ubushobozi,…….
Abahanga mu bumenyamuntu bamaze gukora ubushakashatsi bashyize hanze imwe mu myitwarire iranga abagore bitewe n’amezi bavutsemo.

Ukwezi kwa Mbere (1)

Abagore bavutse mu kwezi kwa mbere baba ari abanyentego ku buryo budasanzwe, cyakora intego zabo ntibazitangariza umuntu uwo ariwe wese batarazigeraho kuko bazikurikirana umwete udasanzwe. Aba bagore bakunda kubanza gusesengura ikintu cyose bumvise cyangwa babonye mbere yo kucyemera cyakora ntibakunda kugararaza ibyumviro byabo ako kanya. Bakunda kwiyegereza abantu bafite imitekerereze imwe cyangwa bari ku rwego rureshya rw’imyumvire.

Ukwezi kwa Kabiri (2)

Abagtore bavutse mu kwezi kwa 2 ni abahanga cyane mu kwerekana urukundo, kubasobanukirwa bisaba kubigana ubushishozi n’ubwitonzi kuko ushobora kubibeshyaho ko ari abasama. Aba bagore biragoye kumenya icyo batekereza. Aba bagore kandi iyo ubahemukiye bagucikaho burundu ku buryo batongera kwifuza kukubona ukundi.

Ukwezi kwa Gatatu (3)

Aba bagore bagira amahame n’intego bikomeye bagenderaho mu buzima. Aba bagore baba abizerwa cyane. Ntibiborohera gukunda kuko babanza gusesengura byimbitse buri kintu cyose no kwiga cyane ku rukundo basabwe. Ni beza ku buryo buri wese aba abifuza cyangwa aba yabarangarira, cyakora nabwo kubana n’aba bagore hari abo birwaza umutima kuko barakundwa cyane.

Ukwezi kwa Kane (4)

Aba bagore bakunda kuvamo abayobozi bakomeye. Bifitemo ubushobozi bwo kwegera umuntu uwo ariwe wese ku buryo bworoshye. Rimwe na rimwe, bamenya gutera impuhwe. Abenshi muri aba bagore bagira ishyari, iyo iryo shyari ryabo rimwe na rimwe hari igihe batamenya kurihishira. Cyakora nabwo aba bagore bazi gufata neza abagabo babo ku buryo abagabo babashatse bagira ibyishimo byinshi mu rushako. Iyo bakunze umuntu bakamwizera byuzuye barifungura nta mbereka.

Ukwezi kwa Gatanu (5)

Aba bagore bazi kwiha amahame bagenderaho mu buzima kandi ntibava ku izima ku mirongo ngenderwaho bihaye. Bafite ubwiza bukurura buri wese ubabonye, ariko nabwo bagira udukamere twinshi tugora abagabo babakunze kubera uko kutava ku izima.

Ukwezi kwa Gatandatu (6)

Abagore bavuka mu kwezi kwa gatandatu bagira amatsiko cyane, bahorana udushya kandi bazi kuganira. Ariko nabwo bapfa kwivugira batabanje gutekereza. Aba bagore batekereza ko ari byiza kuvugira icyo aricyo cyose mu maso y’uwo babwira aho kumuvugira inyuma y’umugongo(kumuvuga adahari).Aba bagore ni abakinnyi mu rukundo, mbese babagarira yose ngo ntibaba bazi azera.

Ukwezi kwa Karindwi (7)

Aba bagore ni abanyakuri cyane, biragoye kubiga, ni abahanga cyane kandi ni beza. Ntibakunda amakimbirane kandi bagira ikinyabupfura kuri buri wese. Cyakora ntibazi kwihangana, mu rukundo, iyo ubaciye inyuma bahita bakureka.

Ukwezi kwa Munani (8)

Aba bagore bafite umutima wagutse ariko no kwikunda cyane. Ntibakunda umuntu ubakinisha kuko nubwo bakunda urwenya ariko nabwo ntibakunda umuntu ubakwena kuko iyo ubaneguye bashobora no kugukubita. Bakunda kwiyerekana no kwitabwaho. Abagabo barabatinya.

Ukwezi kwa Cyenda (9)

Ni abagore bagira umutima mwiza kandi wagutse, bagira ikinyabupfura kandi ni beza. Birabagora kubabarira uwabahemukiye. Kubana nabo no kuramana nabo bisaba kwirinda kubahemukira kuko hari urwego bahemukirwaho bakaba bashaka kwihorera. Aba bagore bakunda urukundo rutaryarya, si ubwoko bwa ba bagore bita ab’ijoro rimwe. Ku rundi ruhande barasesengura cyane ariko bucece. Kugira ngo ubegukane mu rukundo bisaba kwitwararika no kudahubuka kandi nta bunebwe.

Ukwezi kwa Cumi (10)

Aba bagore bagira kamere nziza ku buryo butangaje, bababazwa n’ibibazo by’abandi, bakunda kurira ariko biherereye. Ni abanyesuku kandi ni abahanga. Ntibashyikirana na buri wese, bahitamo gushyikirana n’abandi babona bahuje kamere. Abenshi mu bagore bagenzi babo barabanga kuko bihagararaho muri byose yaba mu myitwarire no mu mibereho.

Ukwezi kwa Cumi na Kumwe (11)

Aba bagore bareba kure cyane ku buryo bigorana kubabeshya. Iyo ubabeshye bakagutahura muhita mutandukana ubutazongera guhuza. Kubana nabo ni ukwitegura kuzajya uhora wumva ukuri kurimo n’ukukurya. Iyo batanze igitekerezo ku ngingo runaka babanza kunenga ibitekerezo byabanje kubera ukuri kubuzuye.

Ukwezi kwa Cumi n’abiri (12)

Aba bagore ntibazi kwihangana cyakora bagira amahirwe menshi mu buzima, ayo mahirwe abashoboza kuva mu bibazo bitandukanye bagenda bahura nabyo mu buzima. Bigiramo impano yo guhumuriza abababaye kuko bafite umutima wagutse. Barakomereka kenshi mu buzima ariko amahirwe bagira birangira ibikomere byomotse vuba bakabona ibindi bibashimisha bikabomora ibyo bikomere.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru