Monday . 19 August 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Kumara umwanya munini kuri telefone bishobora gutera umubyibuho ukabije

Sunday 28 July 2019, by : MUTESI Scovia
    Yasomwe na

Yashyizweho na: Imfurayabo Pierre Romeo

Ubushakashatsi bwagaragaje ko kumara umwanya munini kuri telefone zigezweho byongera ibyago byo kugira umubyibuho ukabije.

Abashakashatsi bo muri Colombia baherutse gusohora ibyavuye mu bushakashatsi bakoze ku ngaruka zo kumara umwanya munini kuri telefone, basanga urubyiruko rukoresha telefone nibura amasaha arenze atanu ku munsi rufite ibyago bingana na 43 % byo kwibasirwa n’umubyibuho ukabije.

Umwe mu bakoze ubushakashatsi akanaba umwarimu muri Kaminuza ya Simon Bolivar University, Mirary Mantilla Morron yavuze ko kumara umwanya munini kuri telefone bigabanya umwanya w’akazi umuntu yagombaga gukora, bigatuma amara umwanya munini yicaye ari byo byongera ibyago byo gupfa imburagihe, diyabete, indwara z’umutima, kanseri n’ibindi.

Ubu bushakashatsi bwakorewe ku banyeshuri 1060 biga ibijyanye n’ubuzima muri Kaminuza ya Simon Bolivar University. Bwakorewe ku bagore 700 n’abagabo 360 bafite hagati y’imyaka 19 na 20 guhera muri Kamena kugeza mu Ukuboza 2018.

Morron yavuze ko bakurikije ubushakashatsi bakoze, uko umuntu amara umwanya munini kuri telefone zigezweho ariko aba yongera ibyago byo kurwara indwara zikomoka ku mubyibuho ukabije.

Umuryango Mpuzamahanga wita ku buzima (OMS) mu mwaka wa 2016 wagaragaje ko ku isi yose hari abantu miliyari 1.9 babyibushye cyane, miliyoni 650 muri bo bafite umubyibuho ukabije.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru