Friday . 30 October 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

MINEDUC yatangaje uko amashuri abanza n’ayisumbuye agiye gusubukura amasomo

Tuesday 13 October 2020, by : MUTESI Scovia
    Yasomwe na

Minisiteri y’uburezi (MINEDUC) yatangaje ingengabihe y’amashuri abanza ku biga mu mwaka wa 5 n’uwa 6 , ayisumbuye n’ay’imyuga mu mwaka w’amashuri 2020-2021 nyuma y’amezi agera kuri arindwi afunzwe kubera kwirinda gukwirakwiza icyorezi cya COVID-19.

Iyi ngengabihe yashyizwe ahagaragara none tariki ya 13 Ukwakira 2020 ikaba inagaragaza gahunda y’amashuri y’inderabarezi azwi nka TTC.

Ku ikubitiro tariki ya 2 Ugushyingo 2021 hazatangira abanyeshuri biga mu mashuri abanza bo mu mwaka wa 5 no mu wa 6 mu, abo mu mashuri yisumbuye kuva mu mwaka wa 3, abo mu wa gatanu n’abo mu wa 6; hazatangira kandi abiga mu mashuri y’imyuga bo mu mwaka wa 3 kugeza mu wa gatanu hatangire kandi abo mu mashuri nderabarezi mu mwaka wa mbere kugeza mu mwaka wa 3.

Abo biga mu mashuri abanza n’ayisumbuye bazabanza bafate ibyumweru bine basubiramo amasomo mu gihe abo mu mashuri y’imyuga n’inderabarezi baziga ibyumweru 18 by’igihembwe cya kabiri basoze ku itariki ya 2 Mata 2021.

Ku itariki ya 23 Ugushyingo hazatangira kandi abanyeshuri biga mu mashuri abanza mu mwaka wa kane n’abo mu mashuri yisumbuye umwaka wa mbere, uwa kabiri n’uwa gatanu nabo basoze igihembwe tariki ya kabiri Mata 2021.

Kuri aba bose bazagaruka mu kiruhuko cy’igihembwe cya kabiri tariki ya 3 Mata 2021 bamaremo ibyumweru 2.

Igihembwe cya gatatu kizatangira tariki ya 19 Mata 2021 ubwo hazatangira abanyeshuri biga mu mashuri abanza mu mwaka wa kugeza mu mwaka wa 6, abo mu mashuri yisumbuye mu mwaka wa 1 kugeza mu mwaka wa 6.

Kuri iyo tariki kandi hazatangira abanyeshuri bo mu mashuri y’inderabarezi kuva mu mwaka wa 1 kugeza mu wa 3 n’abo mu mashuri y’imyuga kuva mu mwaka wa 3 kugeza mu wa 5. Aba nabo baziga ibyumweru 12 kuk igihembwe kizasozwa tariki ya 9 Nyakanga 2021.

Kuri iyi ngengabihe kandi hagaragara igihe ibizamini bisoza amashuri bizakorerwa, aho ibisoza amashuri abanza mu mwaka wa 6 bazakora ibizamini tariki ya 12 Nyakanga 2021 bimare imnsi itatu gusa.

Ibizamini bisoza amashuri yisumbuye, bo mu mwaka wa 3, mu wa 6, abo mu mashuri y’imyuga n’abo mu mashuri y’inderabarezi bazakora ibizamini tariki ya 20 Nyakanga 2021 bigeze tariki ya 30, ni ukuvuga iminsi 9.

Minisiteri y’Uburezi kandi yamenyesheje ko ingengabihe ku banyeshuri bo mu mashuri abanza mu mwaka wa 1 kugeza mu wa 3 izatangazwa nyuma.

MUTUNGIREHE SAMUEL

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru