Wednesday . 17 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

MUHANGA: YAKATIWE IGIFUNGO CYA BURUNDU NYUMA YO KWICA IMPANGA YIBYARIYE

Monday 13 May 2019, by : MUTESI Scovia
    Yasomwe na

Mu gitondo cyo kuri uyu wa Mbere, Urukiko Rwisumbuye rwa Muhanga rwakatiye igifungo cya burundu Ntamuvurira Kanani washinjwaga kwica abana be b’impanga akaza guhamwa n’icyaha.

Inkuru dukesha ikinyamakuru umuseke ivuga ko Isomwa ry’urubanza ryabereye mu ruhame mu Mudugudu wa Gasharu, Akagari ka Mubuga, Umurenge wa Shyogwe, aho icyaha cyabereye.

Urukiko ruvuga ko Ntamuvurira mu iburanisha ry’ubushize yemeye ko ari we wihekuye ariko ko kubica byabaye nk’impanuka agasaba imbabazi.
Urukiko kandi ruvuga ko kumuha igifungo cya burundu rushingiye ku kifuzo cy’Ubushinjacyaha, ibyemezo bya muganga bigaragaza ko aba bana bishwe banizwe nk’uko amafoto bafashwe abyerekana.
Rwemeje kandi ko hari ubuhamya bwatanzwe n’umugore we, Yankurije Alphonsine watabaje abaturanyi amaze kubona ko umugabo ari we wabikoze akamwitura kumukubita.

Mu iburanisha ry’ubushize Ntamuvurira yemeye ko ariwe wishe aba bana
Perezida w’Urukiko Rwisumbuye rwa Muhanga Yaramba Athanase ati “Usibye umugore hari n’umutangabuhamya wahuruye asanga Ntamuvurira yarangije kubashyira mu makarito, umwe yapfuye undi akiri muzima.”
Rwasanze iki cyaha Ntamuvurira aregwa kimuhama kuko yagikoze ku bushake akaba nta kindi gihano bamuha usibye gufungwa burundu.

Aba bana b’impanga bavutse muri Mutarama 2019 Ntamuvurira abica mu kwezi kwa Gashyantare. Icyo gihe umugore n’umugabo bahise batabwa muri yombi, nyuma umugore aza kurekurwa bitewe n’uko yashinje umugabo ko ari we wishe izo mpinja.
Mu isomwa ry’uru rubanza, umugore ntiyahagaragaye.

Bamwe mu baturage batuye mu Mudugudu wa Gasharu babwiye Umuseke dukesha iyi nkuru ko igihano urukiko rwamukatiye basanga kimukwiye kuko ari cyo kiri hejuru, gusa bakavuga ko icy’urupfu mu Rwanda iyo kitavaho ari cyo yari akwiye.
Nzigiye Jean Chrysostome ati “Nta gihano kindi kiri hejuru y’icyo yahawe yenda ni cyo yari gusabirwa.”
Urukiko rwategetse Ntamuvurira Kanani gutanga ibihumbi 20000Frw y’igarama ry’urubanza.

By Imfurayabo Pierre Romeo

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru