Monday . 30 March 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Marina yahishuye ibyo umusore wamutereta yaba yujuje

Monday 13 January 2020, by : MUTESI Scovia
    Yasomwe na

By Pierre Romeo Imfurayabo

Marina uhamya ko arambiwe kubaho mu buzima budafite umukunzi yahishuye bimwe mu byo umusore wifuza kumutereta yaba yujuje.

Uyu muhanzikazi yabivuze mu kiganiro yagiranye na kimwe mu binyamakuru bya hano mu Rwanda, ubwo yavugaga ku ndirimbo nshya yitegura gushyira hanze mu minsi iri imbere.

Iyi ndirimbo yayise “Madede”, izaba igaruka ku nkuru y’umuhungu wo mu giturage ufite umukobwa akunda ariko yaratinye kubimubwira kugeza ubwo umukobwa amusabye gutinyuka akavuga.

Yakomeje avuga ko ari indirimbo izaba ikangura umuhungu ushobora kuba yatinye kubwira umukobwa ko amukunda akaba yatinyuka bagakundana.

Marina umaze igihe avuga ko nta mukunzi afite, yavuze ko anakangura abahungu ngo nawe bamwegere. Ati”Ubu ndi njye nyine ntabishaka nkeneye umuhungu, kuba njye nyine simbishaka ndi mu gahinda.”

Uyu mukobwa abajijwe umusore yumva wamwegera bagakundana yagize ati “Nta bisabwa mfite apfa kuba ari umusore ufite urukundo, ufite umuco njye nzamwemera.”

Nubwo byari bigoye ko avuga uko umusore wamutereta yaba ameze, Marina yavuze ko byibuza agomba kuba atagenda n’amaguru ndetse atanakodesha inzu muri Kigali.

Uwari atari igikara cyangwa inzobe, atananutse ndetse atanabyibushye cyane kandi afite uko ahagaze kuri banki ngo ni we umusore Marina yifuza ko bakundana.

Ati "Sinavuga ngo mfite ibyo kugenderaho uwaza akantereta nkemera wese namwemera rwose, abasore ntibitinye."

Uyu muhanzikazi yaherukaga kuvugwa mu nkuru z’urukundo ubwo yatandukanaga n’umuraperi Edsha bari bamaze igihe bakundana.

Marina avuga ko umwaka wa 2019 wamubereye mubi cyane kuko wapfuyemo uwahoze ari umukunzi we akaba inshuti ye magara Gisagara Yannick.

Marina ni umwe mu bahanzikazi bagezweho muri iki gihe nyamara utararenza imyaka itatu mu muziki dore ko yatangiye kuririmba mu 2017 ubwo yari amaze gutsinda amarushanwa yo kuririmba yacaga kuri Kiss Fm aho bahaga umwanya abayumva bakarushanwa kuririmba.

Uncle Austin wateguraga iki kiganiro yumvise umukobwa uhamagaye ufite ijwi ryiza abika nimero ye batangira kuganira birangira amwinjije mu muziki gutyo.

Marina yakoranye na Uncle Austin igihe gito, The Mane igishingwa bahitamo guhita bahera kuri uyu muhanzikazi.

Nyuma y’ibitaramo bikomeye yagiye agaragaramo mu Rwanda, ari mu myiteguro yo kujya ku mugabane w’u Burayi aho yatumiwe mu gitaramo kizabera mu Bubiligi tariki 22 Gashyantare 2020.

Iyo uganiriye na Marina akubwira ko ku bwe iyo ataza kuba umuhanzikazi yashoboraga kuba umucuruzi ukomeye cyangwa umukinnyi wa filime.

Abajijwe uko yakiriye kuba Jay Polly na Safi Madiba baravuye muri The Mane, yavuze ko yababaye ariko nta kundi, aho yabigereranyije n’uko waba wigana n’umuntu muri inshuti yarangiza agahindura ikigo.

Ku bwa Marina asanga nta gihombo bazahura nacyo kuba aba bahanzi baravuye muri The Mane, ati” igihombo cya mbere twagira ni uko twabura Bad Rama, ari Safi cyangwa Jay Polly bose ni abahanzi bakuru bazakomeza urugendo rwabo.”

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru