Tuesday . 28 September 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Minisitiri Munyangaju yavuze amahano yatumye bafunga Shampiyona ya siporo, mu kibuga hakinishijwe abarwaye COVID-19

Wednesday 16 December 2020, by : MUTESI Scovia
    Yasomwe na

MUTUNGIREHE SAMUEL

Minisitiri wa Siporo Munyangaju AUrore Mimosa yavuze ko impinduka zabaye muri siporo zo guhagarika shampiyona y’igihugu y’umupira w’amaguru byatewe n’ibyo biboneye mu bugenzuzi bakoze, basanga hari abakinnyi bagiye mu kibuga baranduye COVI-19 ahandi batekenitse raporo ko abakinnyi ari bazima.

Minisitiri Munyangaju Aurore ubanza ibumoso, ari kumwe n’abandi baminisitiri mu kiganiro n’itangazamakuru

Yabitangaje mu kiganiro n’itangazamakuru, tarikiya 16 Ukuboza 2020, cyahuriyemo minisiteri zirimo iya Siporo, Minisiteri y’Ubuzima na Minisiteri y’Ubutegetsi bw’igihugu na Minisiteri y’Ubucuruzi n’Inganda, basobanura ingamba nshya ziherutse kwemezwa ku wa mbere mu Nama y’Abaminisitiri yayobowe na Nyakubahwa Perezida Paul Kagame igafata ingamba zirimo izo guhangana n’ikwirakwira rya COVID-19 ryongeye kuzamuka mu gihugu.

Minisitiri Munyangaju Aurore yagize ati “Ngira ngo igituma mu rwego rw’umupira w’amaguru ari ho hakomeje kugaragara icyuho cyo kuba hadakurikizwa amabwiriza yo kwirinda COVID-19, kuko bitatubujije kwakira indi mikino kandi ho byagaragayemo ko bishoboka ko bashobora kubonamo bake banduye ariko umukino ugakomeza.

Impamvu nyamukuru rero yatumye shampiyona y’igihugu y’umupira w’amaguru ihagarara harimo cyane cyane kutubahiriza amabwiriza n’ingamba zagiye zishyirwaho yumvikanyweho n’inzego zibishinzwe z’umupira w’amaguru na za minisiteri. Habayeho kudakurikirana amabwiriza yavugaga ko amakipe yakagombye kuba ari ahantu hamwe, muri Camp, ariko abantu bakaba babanza gupimwa mbere yo kujya, bakaba banapimwa mbere yi gutangira imyitozo no kuba bajya mu kibuga.”

Yakomeje avuga ko bari banasabye ko habaho gutanga raporo, bibukije ababishinzwe mu nyandiko ko mu gihe shampiyona igiye gutangira bakwiye kwibuka ingamba zo gukumira icyorezo, hagatangwa raporo yuko abakinnyi n’abandi bipimishije, aho baraye n’ibindi.

Ati “Muri ibyo byose kubera kutabona izo raporo cyangwa se mu kumenya amakuru yuko ingamba zirimo gukurikizwa, hakozwe igenzura ku rwego rwa minisiteri dufatanyije n’izindi nzego dukorana. Ahangaha ibyinshi byagaragaye ni uko hari imikini yagiye iba hirya no hino aho amakipe yagiye ajya mu kibuga atarabona ibisubizo, aho amakipe yagiye ajya mu kibuga akava mu karere kamwe akajya mu kandi karere abakinnyi batigeze bipimisha.

No kurebera hamwe aho abakinnyi bacumbitse uko babayeho nuko bitwara, ahenshi twagiye dusanga abakinnyi aho baba ari ahantu hafunguye ku buryo basohoka mu mwiherero abandi bashobora guhura n’abari hanze. Aha rero n’ubwandu bwagiye gugaragara mu makipe amwe n’amwe arimo za Marine Fc harimo Rayon Sport n’aho byagaragaye kuri AS Kigali, Amagaju nabo hagaragayemo abarwayi, Rutsiro na APR FC.

Minisitiri yongeye gushimangira ko nubwo hariamakipe yaragaragayemo abarwayi nta kindi kibazo cyari gihari nyamukuru cyatumye shampiyona ihagarara ahubwo ari uko amabwiriza atigeze akurikizwa ubwo shampiyona yarimo kuba.

Ati “Aha ngaha sinabura gutanga zimwe mu ngero aho amakipe amwe n’amwe nka Bugesera Fc bakiriye Rusizi ariko bigaragara ko Bugesera Fc yagiye mu mukino itigeze ipimisha abakinnyi bayo. Byaje no kugaragara aho AS Muhanga na Etenseri babo bakiniye i Muhanga biza kugaragara ko AS Muhanga nayo itigeze ipima abakinnyi.

Na Rubavu byabayeho aho Rutsiro yakinnye na Rayon Sport bigaragara ko Rayon Sport yakinishije abakinnyi bayo ariko bajya mu kibuga batarabona ibisubizo kandi amabwiriza yavugaga ko abakinnyi bose bagomba kujya mu kibuga ari uko ibisubizo byabonetse.”

Yavuze uko byabaye amahano, ati “Ahangaha ibisubizo byabo byaraje ariko biza umukino watangiye, bigaragara ko harimo abakinnyi bane (4) bafite ubwandu bwa COVI-19 ariko ntibabavana mu kibuga, ntibabatandukanya n’abandi.

Ibi rero byose byaje kugaragaza ko abantu batumva neza cyangwa se batitaho zino ngamba zo kuba twarinda Abanyarwanda; kuba umuntu yashyira abakinnyi mu kibuga bagakina bigaragara ko batigeze bipimisha cyangwa se kuba abakinnyi bawe warabapimishije ariko abo bagiye guhura nabo utazi neza uko bimeze , ibi ni byo byo byatumye ahanini iyi shampiyona ihagarara kugira ngo abantu bamenye ko bafite uruhare mu gukurikirana no gushyira mu bikorwa ingamba ziba zashyizweho.”

Minisitiri Munyangaju yagaragaje kandi ko hari n’abagerageje gutekenika raporo z’uko abakinnyi bahagaze, bahimba inyandiko.

Ati “Ibi nabyo dusanga ari ibintu bibabaje, biteye agahinda kumvako ikigambiriwe atari ari ukwipimisha ngo umenye uko uhagaze ahubwo ikigambiriwe ni ukujya mu mukino.”

Kuva hakongera gusubukura ibikorwa bya siporo bijyanye n’imikino kuva muri Nzeri 2020, u Rwanda rwakiriye imikino irimo irushanwa rya Afrobasket ryahuje amakipe 12 avuye hanze yahuje abakinnyi bagera kuri 325 wongeyeho n’ababaherekeje bagera kuri 400 bose hamwe. U Rwanda rwakiriye kandi irushanwa rya Voleball BK League, Cycling.

Nyuma y’ibyumweru bitatu ingaba nshya zo kwirinda COVID-19 zigiye gukurikizwa, hazakorwa ubusesenguzi hafatwe izindi ngamba zishobora gutuma n’ibikorwa bya Siporo byongera gusubukurwa bitewe n’ibivuye mu isesengura n’ingamba abakora muri siporo biyemeje gufata.

feature-top
feature-top

Any message or comments?

Twibire !
Igitekerezo Cyawe

Iyandikishe ujye ubona Amakuru

Iyandikishe ujye ubona Amakuru