Tuesday . 28 September 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Mu myaka itanu ishize Ubushinjacyaha Bukuru bumaze kugaruza miliyari zibarirwa mu binyacumi mu bantu batandukanye hatabayeho kubajyana mu nkiko

Saturday 11 September 2021, by : MUTESI Scovia
    Yasomwe na

Mutungirehe Samuel

Umugenzuzi Mukuru w’Ubushinjacyaha, Marius Jules Ntete, yatangaje ko Ubushinjacyaha Bukuru bw’u Rwanda bumaze gukora byinshi bikomeye mu gutuma umutungo wa Leta ucungwa neza no kugaruza uwanyerejwe, aho mu myaka itanu ishize, 2015-2020, bumaze kugaruza miliyari zirenga 12, zirimo amafaranga y’u Rwanda, amadolari y’Amerika n’Amayero, mu bantu 348 hatabayeho kubanza kujya mu nkiko.

Yabitangaje kuri uyu wa Gatandatu kuri radio y’igihugu ubwo yasobanuraga intambwe zimaze guterwa mu bijyanye no kugaruza umutungo wa Leta unyerezwa biciye mu masoko n’imicungire yayo.

Ntete yavuze ko Abanyarwanda bakwiye kwizera ko inzego zabo hari ibintu zirimo zikora mu micungire y’umutungo wa Leta, byaha no mu buryo bw’amategeko.

Yagize ati "Twaciyemo ibice bibiri ikurikirana mu kugaruza umutungo, nagendeye ku itegeko rya 2015; hari ibyo bita kugaruza umutungo tutagiye mu nkiko, mu bushinjacyaha bukuru bw’u Rwanda. Mbahaye urugero, muri iyo myaka itanu kugeza ejo bundi (2015-2020) abantu 348 tutagiye mu nkiko bagaruye mu isanduku ya leta babibwiwe n’Ubushinjacyaha Bukuru FRW miliyari 1 na miliyoni 461. Aya ni amafaranga yagarujwe mu isanduku ya leta n’Ubushinjacyaha Bukuru nta rubanza rubaye.

Amadolari y’Amerika ($) 7800, n’Amayero (€) 3726 nta rubanza rubaye."

Aya Madolari y’Amerika 7800 uyashyize mu mafaranga y’u Rwanda kuri ubu arenga miliyoni 7 hanyuma Amayero 3726 akaba agera muri miliyoni 4 n’imisago.

Ibi ngo byari biri mu itegeko rya 2012 mu gitabo cy’amategeko mpanabyaha mu ngingo ya 46.

Ati "Uyu munsi mu itegeko Rihana ibyaha n’ibihano muri rusange biri mu ngingo ya 34, Ubushinjacyaha niba bwareze umuntu kunyereza umutungo w’Igihugu butegetswe gusobanura umutungo, ni umutungo ungana ute Kuko inkiko zitegetswe buri gihe ngo iyo zihamije umuntu icyaha kijyanye no kunyereza umutungo wa Leta zinategetswe kunafata ikemezo ku kugaruzwa k’uwo mutungo."

Yakomeje avuga ko kuba bemera kuyagaruza bitavuze kudakurikiranwa mu nkiko.

Ati "Ariko bivuze kwemera kugabanyirizwa Ibihano mu nkiko ariko bivuze koroherezwa no kugabanyirizwa Ibihano mu nkiko."

Umugenzuzi Mukuru w’Ubushinjacyaha Marius Jules Ntete yanavuze ku kijyanye n’amafaranga yagarujwe n’Ubushinjacyaha ariko bwayaburanye.

Ati "Mu myaka itanu nubundi ndababwira yuko twatwaye mu nkiko abantu 1181 bahabwa n’ibyaha imanza zikaba zarabaye ndakuka, ni ukuvuga ngo ntizikijuririrwa. Aba bantu bategetswe kugarura miliyari 4 na miliyoni 842 arenga. Aya ni amafaranga bategetswe gusubiza mu isanduku ya leta.

Aba bantu banahawe igihani k’ihazabu rya miliyari 3 na miliyoni 23 muri iyo myaka itanu gusa."

U Rwanda rumaze gushyiraho ingamba zitandukanye zo gutuma abakozi ba leta barushaho gucunga neza no gukoresha neza umutungo wa Leta aho rwavuye ki ntera, urugero, mbere yo mu 2007 aho nta tegeko ry’amasoko ya leta, mu 2012 igitabo cy’amategeko gitangira guhana abakoresha nabi umutungo wa Leta binyuze mu masoko, bigeze mu 2015 haza itegeko ryo kugaruza umutungo ukomoka ku cyaha ariko icyaha cya ruswa kigisaza, mu 2018 itegeko rya ruswa riyihindura icyaha kidasaza ndetse rishyirwamo n’izindi ngingo zigaragaza ubundi buryo bufatwa nka ruswa mu micungire y’umutungo wa Leta no mu masoko.

feature-top
feature-top

Any message or comments?

Twibire !
Igitekerezo Cyawe

Iyandikishe ujye ubona Amakuru

Iyandikishe ujye ubona Amakuru