Tuesday . 28 September 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Ngoma: COVID-19 yatumye babura aho baguza amafaranga imishinga iradindira

Friday 30 October 2020, by : MUTESI Scovia
    Yasomwe na

MUTUNGIRHE SAMUEL

Hari abaturage bo mu mirenge mwe n’imwe yo mu karere ka Ngoma batangarije MamaUrwagasabo ko bari basanzwe bari mu bimina bizigamira bakanagurizanya amafaranga ariko kuva icyorezo cya COVID-19 cyagera mu Rwanda byageze muri Guma mu Rugo abari batunzwe no kuguza bakiga imishinga yo kwiteza imbere byahagaze iterambere ry’ingo ritangira kudindira.

Abaganiriye n’umunyamakuru bo mu murenge wa Kibungo, bavuze ko nta muturage uteri umaze kuenya akamari ko kwishyira hamwe mu bimina mu midugudu nubwo ubushobozi bwakomwe mu nkokora n’icyorezo cya Coronavirusi.

Mugemana Justin, wo mu kagari ka Karenge yagize ati “Mbere ya Corona twabashaga kuguza mu kimina ukabona nk’ibyo bihumbi bitanu ababishoboye bakaguza nk’icumi na za makumyabiri ukarangura n’ibijumba ukajya kugurisha ku isoko ukabonamo ayo ubasubiza nyuma y’igihe.

Ariko byageze muri Guma mu Rugo ibimina birahagarara gusa n’iyo bidahagarara nukuri ntawari kubasha kubona ayo gutangamo kuko ntwakoraga. Inaha nubwo iyo Guma mu Rugo itari imeze nk’iya Kigali ariko natwe ntawacuruzaga, nta kabari kakoraga, nta kintu mbese wari gukora ngo ubone agafaranga ko kujyana mu kimina mu cyumweru.”

Uyu mugabo avuga ko mbere ya COVID-19 yari yaragujije amafaranga yigurira ihene zimufasha kubona inka ikiri nto ariko yari afite gahunda yo kugura izindi hene zikazajya zimuha amafaranga yo kuzubaka inzu kuko zo zibyara kabiri mu mwaka ariko yabuze aho aguza andi mafaranga abireka atyo.

Ati “N’ubungubu aho twongeye gukorera n’ibimina bikaba byaterana ariko nta mafaranga arageramo, tuguriza umwe cyangwa babiri kandi abayashaka ukabona nibo benshi kuruta amafaranga ahari.”

Mukandayisenga Dativa, atuye mu murenge wa Rukira mu kagari ka Kibatsi mu mudugudu wa Munezero. Iruhande rw’urugo rwe hasanzwe hateranira ibimina bibiri mu minsi itandukanye ariko avuga ko nabo ingaruka zo Covid-19 zabagezeho mu kimina ku buryo ubu imishinga yari afite mu rugo yayisubitse.

Yagize ati “Muri Guma mu Rugo twabaye duhagaritse kubera amabwiriza atemeraga guterana. Nyuma bafunguye twarateranye babara igihe abantu abtizigamye bagenda bakuramo ibyo birarane kuko ubusanzwe umuntu wararanyije bamuhanisha igiceri k’ijana.

Nk’abari baragujije mbere yaho byarababangamiye cyane kuko baravugaga bati ntituri gukora kandi amafaranga twagujije azakenera inyungu kadi n’amezi ari kwiyongera.”

Nawe ubwe avuga ko byamugezeho, ati “Nanjye ndaguza nk’abandi banyamuryango, nari mfite gahunda yo kuba naguza, mfite gahunda yo kugura ibibwana by’ingurube nka bitatu aho nari nabibonye nkongera ayo nari mfite ariko birangira nguze kimwe imishinga irahagarara.

Uba udindiye mu mishinga iterambere ryawe riba ryahagaze; na bagenzi banjye harimo abari kuguza kuko tubana n’abantu benshi bamwe badandaza ibiribwa ku isoko rya Gituku, abarangura ibitoki, urumva ko nabo imishinga yabo yabaye ihagaze.”

Hamwe ba hamwe mu turere dutandukanye tw’igihugu hari aho inzego za Leta zagiye zifasha abaturage by’umwihariko abagore bakoraga ubucuruzi buciriritse bukaza kugirwaho ingaruka na COVID-19, bakabagenera amafaranga azabafasha kongera kwisuganya mu kuzahura ubucuruzi nk’uko leta yagiye ibikora no mu bigo by’ubucuruzi n’inganda zahuye n’ingaruka za Coronavirusi.

feature-top
feature-top

Any message or comments?

Twibire !
Igitekerezo Cyawe

Iyandikishe ujye ubona Amakuru

Iyandikishe ujye ubona Amakuru