Friday . 14 August 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Ntongwe: Amazi begerejwe na USAID/Gikuriro yatumye bagira umuco wo guhangana ni indwara ziterwa n’umwanda

Tuesday 3 March 2020, by : MUTESI Scovia
    Yasomwe na

Abaturage bo mu murenge wa Ntongwe mu karere ka Ruhango batangaza ko umuyoboro w’amazi bahawe na gahunda ya USAID/Gikuriro waje ari igisubizo mu kwimakaza umuco wo gukaraba intoki mu rugamba rwo kwirinda indwara zikomoka ku mazi mabi zirimo indwara zumwanda nk’inzoka .

Abaganiriye n’umunyamakuru bo mu mudugudu wa Cyeru mu kagari ka Kebero bavuga ko mbere batarahabwa amazi bahoranaga imvune zo kuvomesha amazi mu birometero birenga bitanu aho bahana imbibi n’undi murenge cyangwa bakanywa amazi y’ibiroha.

Bamurange djalia, avuga ko mu mezi atanu bamaze bahawe amazi bari basanzwe bavuma amazi mabi bakagerageza kuyateka.

Ati “nabwo kuyabona ayo y’ibiroha byabaga ari ikibazo kuko twamaraga nk’amasaha atatu aho twayayoraga mu Gasuna kuko ni amazi areka mu muhanda, umuntu akirirwayo ,ari ukuyadaha hasi kandi wanayadaha ugasanga biratinda kubera abantu benshi. Abana aba cu barwaraga inzoka cyane cyane, ariko ubu twaranezerewe kandi aya mazi ntajya abura, nubwo yabura baratumenyesha ko azabura tukayabika.”

Ku ivuriro ry’ingoboka rya Kayenzi riri bugufi n’ivomero ryahawe abaturage, umukozi waryo Nyiranzabandora Liliane ushinzwe gusuzuma muri laboratwari yavuze ko bajyaga barushywa cyane no kuvomesha amazi yo kwifashisha mu bintu byinshi akora bikenera amazi kugira ngo ibindi bikoresho bitangizwa n’imiti bakoresha.

Ati “Ku munsi ijerekani twakoreshaga ntizajyaga munsi y’enye kubera ko harimo n’imirimo yo gukoropa, ijerekani imwe igura 20 ariko kuyishyira ku igare bayizana yageraga aha ihagaze amafaranga 100. Amazi ageze aha yatugiriye inyungu nyinshi, mu isuku, abakiriya batugana nabo babona amazi yo kunywa, dufite uko tuyasukura kandi bakenera no gukaraba; ubu hagezweho kwirinda ibyorezo dukaraba dukoresheje isabune n’amazi, umurwayo rero uegze aha ni ngombwa ko abanza gukaraba.

Kandi si abaje aha gusa, njya mbona n’abaturage baciye ahangaha bavuye guhinga, baraza bagakaraba, bamara gukaraba bakanywa amazi meza bagakomeza urugendo. Ikindi nk’ibyo nkora bya Coloration bikenera amazi, ibizami byinshi dukenera amazi cyane nk’icy’amaraso, no guhanagura bisaba amazi kandi aho nkorera haba hari umuti utuma hahinduka umukara wa Vimu kandi kuyoza biba bisaba amazi menshi kuko tuba twakoresheje umuti wanduza cyane.”

Musengimana Jean Bosco, ni umwe mu baturage twaasanze baje kwivuza, avuga ko umuco wo gukaraba bawutoye. Ati “amazi ndayakaraba kuko akuraho imyanda ku ntoki, kuko umuntu aba yasuhuzanyije n’abantu benshi umuntu yazanye imyanda itagaragara ku ntoki ze; ariya amazi icyo avuze ni uko dukaraba ya myanda ikavaho neza dukoresheje isabune. USAID/Gikuriro bafatanyije n’abayobozi bacu Badukangurira gukaraba kugira ngo utazagira uwo usuhuza ukamukuraho indwara. Umukozi w’umurenge wa Ntongwe ushinzwe imari n’ubutegetsi Mbonigaba Clement, nawe yashimangiye ko ikibazo cy’amazi abaturage bari bagifite ariko umufatanyabikorwa yakibafashijemo.

Ati “Ku murenge aya mazi adufasha gukora amasuku, ku buryo hatagira ikibazo na kimwe kivuka kijyanye n’umwanda; nk’ubu abaturage iyo bahageze bibafasha gukaraba intoki.”

Nubwo abo baturage bishimira ko begerejwe uwo muyoboro w’amazi,hari abandi bo muri uwo murenge wa Ntongwe, baba abo mu kagari ka Nyarurama na Musamo bo bavuga ko umuco w’isuku bawigishijwe na USAID/Gikuriro ariko ikibazo k’ingorabahizi kibaka ari ukubona amazi meza kuko bakivoma mu migezi nayo igeraho igakama mu bihe by’impeshyi.

Umuyobozi w’akarere ka Ruhango wungirije ushinzwe imibereho y’abaturage, Mukangenzi Alphonsine, ahumuriza abo batarabona amazi, ko ikibazo cyabo abayobozi b’utugari babibagejejeho, akizeza ko mu migiho akarere kagenderaho harimo kwihutishaa kugeza amazi meza ku baturage nk’uko biri muri gahunda ya guverinoma y;imyaka irindwi bakoreraho.

Ati “Hari intego ko mu 2024 buri muturage azaba agerwaho n’amazi muri metero 500 ku wutuye kure; mu gihe atarabageraho tubasaba kuzirikana ko ya suku, haba harimo kwitanga gukomeye. Icyo tubasaba muri iki gihe amazi atarabageaho uko tubyifuza ni ukwitanga ariko bakumva ko bashonje bahishiwe, kandi dukora ibishoboka byose tukareba urugendo bakora.”

Uyu muyobozi yemera ko igihe umuturage ataragerwaho n’amazi meza ya suku bamusaba iba igoye ndetse n’izo ndwara zikomoka ku mwanda ziba ziri hafi aho ariko akabasaba gukomeza gukoresha uburyo bwose bwabafasha gusukura amazi, bwaba kuyateka gushyiramo imiti yica udukoko n’ibindi abafatanyabikorwa babafashamo nko kubona imashini ziyasukura kuba baratojwe umuco w’isuku natwe turabaha abazi vuba kugirango izi ndwara zikomoka kumwanda ziranduke burundu.

Umushinga wa gahunda ya Gikuriro uterwa inkunga na USAID ukorera mu turere umunani(8) kwigisha abaturage isu muri iyi gahunda bimwe mubyo bakora harimo kugira ubwiherero bufite isuku,kandagira ukarabe,gukora amasabune no gutunganya amazi yo kwungwa

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru