Friday . 19 April 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Nyagatare: Ubuharike ku isonga mu bituma abana bagira imirire mibi

Monday 18 March 2019, by : MUTESI Scovia
    Yasomwe na

BY HABIMANA Jean Claude
Akarere ka Nyagatare kagaragaza ko umubare munini w’abimukira baza baturutse hirya no hino mu gihugu, bari mu batuma igipimo cy’abana bafite imirire mibi kitagabanuka uko bikwiye. Ibi ngo biterwa n’ubuharike bukabije bugaragara mu bimukira, umugabo agata umugore we n’abana barenga bane akajya kwishakira abandi bagore yagerayo naho akabyarirayo abandi bana.

Mukabunani Florence avuga uko yatawe n’umugabo we
Florence Mukabunani, umudamu wo mu mudugu wa Ryamuvara, mu Kagari Nyamikamba, mu Murenge wa Gatunda mu karere ka Nyagatare avuga ko nyuma yaho umugabo amutanye abana bane akajya kwishakira inshorekere, abana be bahuye n’ikibazo cy’imirire mibi.

Ati “Ubuzima mbayeho ni bubi cyane. Nashakanye na Nzirorera Jean Claude byemewe n’amategeko tukaba tumaranye imyaka 16 dushakanye, nibura navuga ko twabanye imyaka 12 gusa kuko guhera 2015 nibwo umugabo wanjye yinjiye mu bushoreke ansigiye abana batatu n’undi wa kane nari ntwite. Umugabo wanjye ntiyigeze ampa amahoro kuko umutungo wose yazaga akawunsahura awujyanira inshoreke ye kugeza ubwo nsigarana ubusa, ntangira kujya guca inshuro ntarigeze mbikora mu buzima bwanjye.”

Florence avuga ko kurera abana bane wenyine n’umutungo umugabo yarawumaze byaje gutuma abana be bagira imirire mibi irimo kugwingira.

Imibare itangwa n’ubuyobozi bw’Akarere ka Nyagatare igaragaza ko muri uku kwezi kwa Werurwe 2019 abana 1631 ari bo bafite ikibazo cyo kugwingira.
Jean Claude Nzirorera uwahoze ari umugabo byemewe n’amategeko wa Florence, yicuza umwanya n’umutungo yamariye ku nshoreke, none ubu akaba ntacyo kureresha abana be asigaranye dore ko n’inshoreke bari bamaraye imyaka ine babana babyaranye undi mwana.

Jean Claude Nzirorera umugabo wa Florence avuga icyo yicuza
Ati “Mfite agahinda ku mutima kubona narataye umugore wanjye w’isezerano n’abana nkajya gushaka inshoreke nkayimariraho umutungo wanjye wose none abana banjye bakaba baragiye barangwa n’imirire mibi irimo kugwingira, ndetse naho nabaga nkaba mpasize undi mwana.”

Murekatete Juliet, Umuyobozi w’Akarere ka Nyagatare ushinzwe imibereho myiza y’abaturage, yabanje kunga uyu muryango wa Florence
Mu nteko y’abaturage yahuje ubuyobozi bw’akarere n’abaturage bo mu Mudugudu wa Kibuye mu Kagari Nyamikamba mu Murenge wa Gatunda mu karere ka Nyagatare, Murekatete Juliet, Umuyobozi w’Akarere ka Nyagatare ushinzwe imibereho myiza y’abaturage, yabanje kunga uyu muryango wa Florence Mukabunani na Jean Claude Nzirorera nyuma yo kumva ibibazo byabo.

Ati “Birababaje kubona umugabo wasezeranye byewe n’amategeko ata umugore we n’abana bane akajya gushaka inshoreke akabyarirayo undi mwana nyamara nabo yabyaye mbere atabasha kubarera.”

Murekatete ashimangira ko imyinshi mu miryango ifite abana bafite imirire mibi iba iri mu bushoreke.

Ati “Aka karere kacu tugira abantu b’abimukira baturutse hirya no hino mu gihugu aho baza aha ngaha imitungo yabo yo ku ivuko barayigurishije yose, noneho baza bagera ino, umugabo n’umugore n’abana ntibabashe kumvikana, umugabo agahitamo kwishakira inshoreke naho yagerayo akabyarirayo, ubwo umugore agasigara atakibasha kurera ba bana”.

Akarere ka Nyagatare kavuga ko katangiye ingamba zo kubarura abimukira binjiye n’abasohotse mu karere, hakabarurwa abana bafite imirire mibi bakitabwaho byumwihariko bahabwa ifu n’izindi servisi zigamije kuzahura ubuzima bwabo, kandi ahagaragare ubushoreke ako kanya bagahita babatanya.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru