Friday . 14 August 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Nyiri inzu arataka kutishyurwa n’ukodesha agataka koronavirusi

Friday 1 May 2020, by : MUTESI Scovia
    Yasomwe na

Yandistwe na Scovia Mutesi

Icyorezo cya koronavirusi gikomeje kwibasira ibihugu bitandukanye ku isi harimo n’u Rwanda cyatumye haba impinduka ku buzima n’imibereho y’abaturage mu byiciro bitandukanye. Mu bagezweho n’ingaruka zo kwirinda ikwirakwizwa rya koronavirusi harimo abari abakozi bagahagarikiwe amasezerano y’akazi mu gihe cy’amezi atatu.

Aba bemeza ko ubuzima bubakomereye cyane.

Peter yari umushoferi mu kigo gitwara abagenzi muri Ritco. Umukoresha we yamubwiye ko amasezerano y’akazi asubitswe mu gihe cyamezi 3 akaba aheruka ifaranga ry’umushahara w’ukwezi kwa gatatu.

Yagize ati “Narakoraga nkahembwa amafaranga ibihumbi ijana na mirongo itanu (150,000) akantunga n’umuryango wanjye. None ubu dufite ikibazo gikomeye kuko nahashye ibyo kurya byinshi mvuga ngo bitazabura nzi ko nzahembwa nkishyura nyiri inzu, nayishyuraga ibihumbi mirongo rindwi (70,000) none akazi karahagaze. Ubu nyirinzu avuga ko mpahira abana banjye abe bashonje, kumwumvisha ko nta mafaranga mfite ntibikunda, mbese ubu twatakaje ubunyangamugayo.”

Undi twaganiriye n’umunyamakuru w’Imvaho nshya nawe ni umwe mu bagowe no kwishyura inzu kuko yahawe ibaruwa yo guhagarikwa ku kazi amazi 3 y’agateganyo kandi avuga ko byabaye bitunguranye. Ati “Nari mu rugo banyoherereza ibaruwa bati ntuzagaruka ku kazi, kubwira nyirinzu ko utamwishyura ntabyumva kuko nawe atunzwe n’inzu ze. Nkajye nishyura ibihumbi jana (100,000) cyokora turimo kumvikana tukazajya tumuha macye nyuma ya covide kuyo tumwishyura turenzeho ibihumbi makumyabiri (20,0000) mu rwego rwo kwishyura ayo tubarimo muri iki gihe”.

Ba nyiri inzu nabo barakomerewe

Mu gihe abakodesha bataka, na ba nyiri amazu nabo ni uko. John ni we Nyiri inzu Peter akodesha, avuga ko na we inzu ze arizo zimutunze ariko kuva iki cyorezo cyaza nta n’umwe mu bapangayi wari wamwishyura kandi harimo n’abagihembwa. John ati “Hari abitwaje iki cyorezo baranyambura kuko hari abo nzi bagihembwa kuko barimo n’abakijya ku kazi kubera imiterere y’akazi kabo. Abandi amafaranga babonye barayahahisha bakarya mu gihe abana banjye bicwa n’inzara, bakitwaza ko nta birukana mu nzu. Muri ibi bihe rwose ntabwo barimo kumbera inyangamugayo.”

Rutagengwa Emmanuel atuye mu murenge wa Jabana mu karere ka Gasabo akaba afite amazu akodesha avuga ko ariyo amutunze kuko ari mu cyiruhuko cy’izabukuru avuga ko muri ibi bihe bya covide 19 bigoye ko uri mu nzu akwishyura. Yagize ati “biragoye ko twishyuza abari munzu kuko ntawe ugikora birirwa aha nkajye,gusa twagiranye amasezerano ko uzajya agira icyo abona azajye ampaho kuko yabonera rimwe ntibikunda ugurikije ibihe”.

Rutagengwa avuga ko ubusanzwe inzu ze zimuha angina n’ibihumbi 500 ku kwezi ariko ukwezi kwa 3 yabonye ibihumbi 170 gusa. Ubu ategereje kureba niba nyuma y’ukwa kane hari icyo bazamuha ariko ntabyo yizeye. Avuga ko Leta yari ikwiye no kuzareba ku musoro w’ubukode bw’amazu kuko aya mezi turimo ntawishyuye bakazayasonerwa uyu mwaka nibura.

Hakenewe umuhuza hagati y’ukodesha na nyiri inzu

Iyo usesenguye ibyo ukodesha inzu avuga ndetse na nyri inzu usanga bose bafite ukuri. Umunyamabanga mukuru w’urugaga rw’abakozi mu Rwanda Bwana Biraboneye Africain avuga ko nk’uko bakomeje gukora ubuvugizi ko abakoresha badakwiye kwihisha inyuma ya covid-19 ngo birukune abakozi ariko inzego zitandukanye zikwiye gushyiraho uburyo bwo kumvikanisha abakodesha na ba nyiri amazu.

Yagize ati “Inzego za Leta zitandukanye zikwiye gukangurira abantu kumvikana mu gihe nk’iki kuko yaba ukodesha nta mafaranga afite ariko na nyir’inzu nawe iyo nzu iba imutunze, nibumvikane nubona macye ube uyamuhaye ariko na nyir’inzu ye kumva ko kumwirukana ari igisubizo kuko covid ni icyorezo cyaje kidateguje”.

Biraboneye akomeza avuga ko abitwaza koronavirusi ngo bambure ba nyir’inzu bidakwiye.“Abafite aho bakura mukomeze kwishyura neza ubunyangamugayo burange buriwese, ariko na Leta ifashe aho bishoboka.”

Ibi bibaye nyuma y’aho imirimo hafi ya yose yari ifunzwe mu Rwanda mu gihe cy’ibyumweru 6. Guhera tariki ya 4 Gicurasi indi mirimo myinshi ikaba nayo izatangira kongera gukora. Ibi bikaba bishobora kuzavamo umuti ku bibazo ba nyiri amazu bafitanye n’abapangayi babo.

Buri munsi hatangwa ubutumwa bwo kurwanya COVID 19 busaba gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kuguma mu rugo, kwambara udupfukamunwa mu gihe umuntu avuye mu rugo cyangwa ahuye n’abantu benshi no gusiga metero imwe hagati y’abantu mu gihe bibaye ngombwa ko gusohoka.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru