Thursday . 21 March 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

P FLA YAVUZE UKO YAHINDUTSE UMUJYANAMA W’ABIJANDITSE MU BIYOBYABWENGE

Monday 25 February 2019, by : MUTESI Scovia
    Yasomwe na

Umuhanzi uririmba injyana ya Hip Hop uzwi nka P FLA, yatangaje ko nyuma yo kureka ibiyobyabwenge, ubu hari ababyeyi basigaye bamwifashisha kugira ngo agire inama abana babo batangiye kubyishoramo.

Murerwa Hakizimana Amani [PFLA] ni izina rimaze igihe kinini ryumvikana muri Hip Hop yo mu Rwanda, gusa ibikorwa bye bya muzika byahindanyijwe no gukoresha ibiyobyabwenge.

Byatumye atandukana n’umubyeyi we babanaga muri Amerika, ajya kuba mu Bubiligi, arahava ajya muri Norvège, aho yavuye yirukanywe.

Yagarutse mu Rwanda akomeza kubikoresha mu bihe bitandukanye akajya afungwa ariko ntiyikosore. Ubwo aheruka muri gereza hari mu mpera za 2017, ubwo yarangizaga igihano cy’umwaka umwe yari yarakatiwe.

Yazanye ingamba zidasanzwe, yiyemeza ko azibukiriye burundu ubuzima bwo gukoresha ibiyobyabwenge, yari amazemo imyaka isaga 10.

Yabwiye IGIHE dukesha iyi nkuru ko amaze imyaka ibiri atarongera gukoresha ikitwa ikiyobyabwenge, nubwo abantu benshi bamutegaga iminsi bemeza ko adashobora guhinduka.

Akiva muri gereza yari afite gahunda yo gukora ubukangarumbaga mu rubyiruko ku ngaruka zo gukoresha ibiyobyabwenge nk’umwe mu babinyuzemo, gusa ntabwo byageze ku ntego nk’uko yari yabyiyemeje, kuko ngo yabuze abamutera inkunga.

Yagize ati “Nabuze abantu banyegera. Hari abagerageje ko tubijyamo, ndababwira nti ‘njyewe igihe cyose nditeguye.’ Tugahana gahunda, nkabategereza nkababura kuko kiriya ni igikorwa kinini ntakwishoboza njyenyine ariko nakoze ibishoboka.”

Nubwo yabuze abamushyigira P FLA avuga ko hari ababyeyi bajya bamuhamagara ngo abafashe kugira inama abana babo bijanditse mu biyobyabwenge.

Mu miryango irenga itanu amaze gusura yo mu Mujyi wa Kigali, yaduhaye urugero rw’umwe utuye i Kinyinya, aho yagiye akaganiriza ababyeyi n’umwana wabo kandi bigatanga umusaruro.

Yagize ati “Hari umubyeyi utuye Kinyinya nagiyeyo banyakira neza turicara turaganira neza n’umwana turaganira arishima cyane noneho tuza kugira igihe cyo kuganira n’ababyeyi umwana adahari mbabwira icyo bakora.”

Yunzemo ati “Narababwiye nti ‘icya mbere umwana ufite ikibazo nk’icyo kumutererana sibyo’, kuko bituma bifata indi ntera kuko ni kimwe mu bintu nanjye nabuze.”

Kugeza ubu ngo imico mibi uyu mwana yari afite yatangiye guhinduka nk’uko ababyeyi be babibwiye P FLA.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru