Thursday . 21 March 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

PEREZIDA W’U BUFARANSA YATUMIWE I KIGALI MU MUHANGO WO KWIBUKA JENOSIDE YAKOREWE ABATUTSI

Saturday 9 March 2019, by : MUTESI Scovia
    Yasomwe na

Perezida w’u Bufaransa, Emmanuel Macron yatumiwe mu muhango wo kwibuka ku nshuro ya 25 Jenoside yakorewe Abatutsi, tariki ya 7 Mata 2019, i Kigali. Kugeza ubu ngo u Bufaransa bukaba butaratanga igisubizo kuri ubu butumire bw’u Rwanda.

Ikinyamakuru JeuneAfrique dukesha iyi nkuru, gitangaza ko ubu butumire ari ikimenyetso cyiza kigaragaza ugukomeza kuzura umubano w’u Rwanda n’u Bufaransa wari umaze imyaka myinshi urimo agatotsi, utangiye gusubira kuba mwiza nyuma y’aho Emmanuel Macron atorewe kuyobora iki gihugu.

Gitangaza ko atari ubutumiwe bwa mbere u Rwanda ruhaye u Bufaransa nyuma y’aho umubano w’ibi bihugu byombi uziyemo agatotsi, mu gihe u Rwanda rushinja iki gihugu kugira uruhare muri iyi jenoside yakorewe Abatutsi abasaga miliyoni baburiyemo ubuzima, ndetse n’umubano w’ibi bihugu ukaba umaze imyaka isaga 20 utifashe neza.

Iki kinyamakuru gitangaza ko amakuru gifitiye gihamya kandi yizewe, ari uko mu ntangiriro z’iki cyumweru u Bufaransa bwashyikirijwe ubutumire, busabwa kuzifatanya n’u Rwanda kwibuka ku nshuro ya 25 Jenoside yakorewe Abatutsi, mu muhango uzatangira tariki ya 7 Mata.

Kuva aho Perezida Macron atorewe kuyobora u Bufaransa, umubano w’u Rwanda n’iki gihugu wongeye gusa nk’uzutse, mu gihe wari umaze igihe kirekire utifashe neza, uzambywa n’isubukurwa rya hato na hato ry’iperereza bwakoraga ku ihanurwa ry’indege y’uwari Perezida Habyarimana Juvenal, ndetse n’uruhare iki gihugu gishinjwa kugira muri jenoside yakorewe Abatutsi.
Mu itangazo yanyujije ku rubuga rwa twitter, Guverinoma y’u Rwanda yatangaje ko yamenye amakuru avuga ko abacamanza Jean Marc Herbaut na Nathalie Poux bahagaritse burundu ibijyanye n’iperereza ku ihanurwa ry’indege ya perezida Habyarimana ngo biturutse ku kubura ibimenyetso.

Nta Ambasade u Bufaransa bugira mu Rwanda. Aho Macron agiriye ku butegetsi, bica amarenga ko ishobora kuzahashyirwa vuba, mu gihe amaze kugirana ibiganiro na Perezida Kagame inshuro nyinshi, ndetse ubu Umunyarwandakazi, Mushikiwabo Louise akaba anayoboye Umuryango w’Ibihugu bihuriye ku rurimi rw’Igifaransa (OIF), nk’ibimenyetso by’umubano mwiza ibi bihugu byombi byatangiye.

Mu ruzinduko Perezida Kagame yagiriye mu Bufaransa muri Gicurasi 2018, Perezida Macron yatangaje ko afite ubushake bwo gusubukura no kunoza umubano n’u Rwanda gusa, ngo ntabwo ari ibintu byakorwa mu munsi umwe, bizafata igihe.

Umunyamabanga wa Leta muri Minisiteri y’Ububanyi n’Amahanga, Ubutwererane n’Umuryango w’Ibihugu bya Afurika y‘Iburasirazuba, Amb. Nduhungirehe Olivier, yatangarije Bwiza.com, ko aya makuru ari impamo. Mu magambo make yagize ati “Yeyo, nibyo”.

Abakurikirana umubano hagati y’u Rwanda n’Ubufaransa bavuga ko Perezida Macron ashobora kuzawukoramo byinshi kurusha abaperezida bamubanjirije kubera ko we nta sano nini afitanye n’amakosa yabayeho dore ko nka Jenoside yakorewe Abatutsi yabaye afite imyaka 16 gusa.

Inkuru ya bwiza.rw

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru