Tuesday . 21 May 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Polisi y’ u Rwanda yatangiye gusura abakomerekeye mu mpanuka zo mu muhanda

Wednesday 21 November 2018, by : MUTESI Scovia
    Yasomwe na

Polisi y’ u Rwanda ikorera mu Ntara y’Amajyepfo yasuye inashyikiriza ingemu abarwayi bakomerekeye mu mpanuka zo mu muhanda barwariye mu bitaro bya Kabgayi mu Karere ka Muhanga.

Buri murwayi yahawe amafaranga ibihumbi 72Frw nk’ingemu Polisi yamugeneye kubera impanuka kuko imiti gusa itatunga umurwayi, kandi ngo abakoze impanuka bakenera ibintu byinshi byo kubitaho. Abarwayi bavuze ko iki gikorwa polisi yakoze cyabatunguye.

Polisi igaragaza ko yabikoze mu rwego rw’ibikorwa byayo byahariwe umutekano wo mu muhanda, kugira ngo igeze ku barwayi bakomerekeye mu mpanuka, ubutumwa bwo kubihanganisha no kubashishikariza gukoresha neza umuhanda igihe bazaba basubiye mu miryango yabo.

ACP Kajeguhakwa Jean Claude, Umuyobozi wa Polisi mu Ntara y’Amajyepfo yavuze ko impanuka mu muhanda zikunze kwibasira abakoresha amaguru kubera kutamenya amategeko y’umuhanda, uburangare no kudasoma ibyapa byo ku mihanda.

Yakomeje avuga ko abatwara ibinyabiziga bakora impanuka kubera umuvuduko no kutoroherana mu mihanda mu gihe cy’ibisikana ry’ibinyabiziga.


ACP Kajeguhakwa areba ibikomere umwa mu bakoze impanuka afite

Polisi y’ u Rwanda yahisemo kujya isura abakoze impanuka kugira ngo ibahumurize kandi ibashishikarize kurwanya amakosa yatuma abakoresha umuhanda bahura n’impanuka.

Agira ati “Twahisemo kwegera abakoresha umuhanda ariko twanasanze nka Polisi y’igihugu kwegera n’abarwayi bo mu bitaro ngo turebe uko barwaye, uko babaye kandi tukanabazanira ifunguro kugira ngo barifatanye n’imiti bahabwa na muganga kuko imiti ntifasha yonyine”.

Uhagarariye umuyobozi w’ibitaro bya Kabgayi yagaragaje ko kuba Polisi isura abagizweho ingaruka n’impanuka zo mu muhanda bizatuma ibyo batakazaga ku barwayi kubera impanuka bikoreshwa ibindi kandi uko zigabanuka abaturage barusheho kwiteza imbere.

Mbarushimana Barnabé wavunitse amaguru, avuga ko yaririho asunika igare rye, akaza kugongwa n’imodoka avuga ko kuba Polisi ibasura bivuze ko n’ibindi bagenerwa n’amategeko kubera impanuka bizagenda neza ariko ko ari n’isomo ku bakoresha umuhanda.

Niyitegeka Anastasie wavunitse amaguru kubera impanuka y’imodoka ebyiri zagonganye avuga ko byatewe n’uko abashoferi bombi batabashije kumvikana ku ibisikana ry’ibinyabizi bari batwaye.

Yagize ati “Birakwiye ko rwose abatwaye ibinyabiziga bumva ko batwaye abantu, bakitonda kugira ngo babageze aho bagiye amahoro. Maze ibyumweru bibiri mu bitaro”.

Niyitegeka yakomeje ashimira polisi ati “Polisi ni iyo gushimirwa kuko na twe yatwibutse ikanatugemurira, biratuma n’impanuro iduha zitugaragariza ko batuzirikana koko usibye kuturaruza gusa aho tuba twaguye”.

Umuyobozi w’Akarere ka Muhanga Uwamaliya Betarice yavuze ko impanuka zo mu muhanda zimunga ubukungu bw’abaturage. Nk’ uko Kigalitoday yabitangaje Uwamariya yavuze ko impanuka zagabanutse agereranyije na mbere.

ACP Kajeguhakwa Jean Claude, Umuyobozi wa Polisi mu Ntara y’Amajyepfo

Mu mezi atandatu ashize Polisi mu Ntara y’Amajyepfo ibarura impanuka zo mu muhanda 316, zahitanye abagera kuri 66, naho abasaga 200 barakomereka.

Kubera ubukangurambaga n’ubushishozi mu kurwanya impanuka, ngo zigenda zigabanuka ugereranyije na mbere.

Polisi ikaba ivuga ko izakomeza kwigisha no gukangurira abantu kwirinda impanuka atari muri iki cyumweru gusa ahubwo no mu yindi minsi.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru