Tuesday . 21 May 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Rwanda : Gukingiza umwana inkingo zose zamuteganyirijwe biri mu birinda indwara z’ibyorezo

Wednesday 9 January 2019, by : MUTESI Scovia
    Yasomwe na

Mu rwego rwo kubungabunga ubuzima, harimo no gukingiza umwana kuva akivuka kugeza ashoje inkingo zose yagenewe nk’imwe mu ngamba zo kumurinda zimwe mu ndwara z’ibyorezo zishobora kumwibasira nk’igihe yaba atarakingiwe.

Indwara z’ibyorezo mu Rwanda, si kenshi zivungwagukingiza abana inkingo zose bateganyirijwe
bigabanya indwara z’ibyorezo nk’indwara y’Iseru, Mugiga indwara z’ubuhumekero n’izindi zibasira cyane cyane abana.

Ababyeyi batandukanye twasanze ku Kigo Nderabuzima cya Remera bavuga ko kugeza ubu nta mwana udakingirwa akivuka, kuko bose bavukira kwa muganga, ababyeyi bavuga ko aho batuye batarabona umwana urwaye mugiga cyangwa iseru n’izindi ndwara zitandukanye.

Mu kiganiro ikinyamakuru MamaUrwagasabo.rw cyagiranye na Sibomana Hassan, Umuyobozi w’Agateganyo w’Ishami Rishinzwe Gukingira, mu Kigo k’Igihugu gishinzwe Ubuzima (RBC) avuga ko gukingira umwana akivuka kugeza arangije inkingo zose zamuteganyirijwe ari bimwe mu bifasha kwirinda zimwe mu ndwara.

Hassan yagize ati : ”Ubu mu Rwanda dukingira umwana akivuka kugeza agize amezi 15, indwara zitandukanye ; zirimo Iseru, Mugiga, Imbasa, Umusonga, impiswi, umwijima wo mu bwoko bwa B n’izindi zirimo izifata mu myanya y’ubuhumekero.

Ariko n’ubwo dukingira izo ndwara ntiziracika burundu, muri iyi minsi hagaragaye indwara y’iseru muri amwe mu Magereza yo mu Rwanda, aho abafashwe n’iyo ndwara ari abantu bakuru.
batakabaye barwara iyi ndwara mugihe baba barakingiwe
Bivuze ko hari abatarakingiwe izi ndwara bakiri bato yagize ati : “Abayirwaye baravuwe barakira hanyuma abandi barakingirwa mu rwego rwo gukumira ko hari abakomeza kwandura iyo ndwara y’iseru. kugeza ubu gukingira abana bihagaze neza mu Rwanda, abana bakingiwe ku ijanisha rya 95%”.

Ubushakashatsi bwakozwe n’ikigo cy’ibarurishamibare muri 2015,bwagaragaje ko abana 93 ku ijana, bakingiwe inkingo zose, mu gihe ubwakozwe na RBC (Kigo k’Igihugu gishinzwe Ubuzima) ku bufatanye na UNICEF muri 2017, bwagaragaje ko 95 ku ijana, aribo bakingirwa inkingo zose, bikaba aribyo kwishimira.

Hassan akomeza avuga ko kuva batangira guhangana n’izo ndwara bakingira abana, basanga hari umusaruro byatanze, yagize ati: ”Indwara y’imbasa, kugeza ubu mu Rwanda yaracitse, kuko umurwayi uheruka kuyirwara yagaragaye muri 1993, mu Karere ka Rusizi.(ahoze hitwa cyangugu) Ibyo ni ibyerekana ko gukingiza abana byabarinda indwara zikingirwa”.

Igishushanyo cyerekana uko gukingiza bihagaze mu ntara n’umujyi wa Kigali abana inkingo zose zabateganyirijwe .

Umujyi wa Kigali biri kuri :96,1% nkuko bigaragara mu igishushanyo.
Intara y’Iburasirazuba biri kuri :95,1%
Intara y’amajyaruguru biri kuri :94,8%
Intara y’Amajyepfo biri kuri :94,5%
Intara y’Uburengerazuba 89,8%
Nkuko bushakashatsi bubigaragaje buvuga ko abatuye mu mijyi bitabira kurusha abatuye mucyaro
Mu mijyi bari 93,4%
Mu cyaro bari 92,5%

Inshuro bakingiza umwana n’ikigero aba agezemo.

Dore uko inkingo zikurikirana :

1. Umwana ukivuka akingirwa igituntu n’imbasa

2. Umwana umaze ukwezi n’igice akingirwa Impiswi, Imbasa, Akaniga, agakwega,
kokolishe, umwijima wo mu bwoko bwa B, indwara ziterwa n’udukoko two mu bwoko bwa Hemophilus Influenzae Type B ndetse n’utwo mu bwoko bwa pneumocoque (aritwo dukunze gutera indwara y’umusonga na Mugiga kubana)

3. Umwana umaze amezi abiri n’igice yongera guhabwa inkingo yabonye ku kwezi kumwe n’igice(ibyo bita gushimangira ingingo yabonye mbere)

4. Umwana umaze amezi atatu n’igice nanone yongera kubona inkingo yabonye kumezi abiri n’igice havuyemo urw’impiswi

5. Umwana umaze amezi icyenda abona urukingo rw’iseru na Rubewole

6. Umwana umaze amezi cumi n’atanu akabona urukingo rwo gushimangira rw’iseru na rubewole.

Izindi nkingo zishobora kwiyongeraho mu gihe hari indwara yihariye ndetse no mu kigero cy’imyaka itandukanye. Urugero ni urukingo rwa Kanseri y’Inkondo y’umura cyangwa izihabwa abagore batwite.
Iyo umwana akingiwe inkingo zavuwze haruguru, nibwo umwana aba akingiwe inkingo zuzuye.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru