Wednesday . 17 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

SUDAN YA RUGURU: OMAR AL-BASHIR YAKUWE KU BUTEGETSI N’IGISIRIKARE

Friday 12 April 2019, by : MUTESI Scovia
    Yasomwe na

By imfurayabo Pierre Romeo
Mu gitondo cyo ku munsi wejo kuwa Kane ni bwo amakuru yamenyekanye ko Omar Al-Bashir yaba yakuwe ku butegetsi n’igisirikare cy’iki gihugu nyuma y’igitutu gikomeye yari amaze iminsi yotswa n’abaturage be.

Igisirikare kikaba cyari cyatangarije abaturage ko hari itangazo rikomeye kiri bushyire ahagaragara mu masaha make ari imbere gusa abaturage bamaze amasaha arenga 4 baritegereje.

Ni nako kandi abigaragambyaga bakomeje kwihereza imihanda bagaragaza ko bishimiye kuvaho kwa Bashir, Radio na Televisio ndetse n’ingoro y’umukuru w’igihugu byari bigoswe n’abasirikare ndetse n’ikibuga k’indege cyafunzwe.

Dore ibyari biri kubera Khartoum mu murwa mukuru wa Sudani ku munsi w’ejo:

11:20: Hatangiye kumvikana urusaku rw’amasasu mu mugi wa Khartoum aho abasirikare bari basanzwe basangirira, abigaragambya na bo baragenda bihisha uko abasirikare bagenda bahagera.

11:40: Imfungwa zose za politiki zarizimaze maze kurekurwa naho bamwe mu bategetsi bariho ndetse n’abahoze bategeka bari bamaze gutabwa muri yombi

11:52: Abayoboye abigaragambya barahamagarira abaturage kutagira uwo bahohotera yaba abakozi ba Leta cyangwa ibigo byabo. Batangaje ko impinduramatwara yabo ari iy’amahoro ndetse ko uza kurenga kuri ibi azabihanirwa n’amategeko.

11:53: Abigaragambwa ndetse n’abasirikare bari bakomeje kwishimira intsinzi
11:57 Uko abasirikare bakuru baca mu baturage bigaragambya ni ko berekwa ibyishimo bikomeye

Abasirikare bakuru banyuraga mu baturage babishimiye

Abaturage bari buzuye umurwa mukuru Khartoum bishimira intsinzi

12:00: Abaturage bari bagitegereje inkuru ikomeye igisirikare cyari cyabasezeranije kuva mu gitondo.

12:18: Abigaragambya bari bamaze gushyira ahagaragara amabwiriza ngenderwaho mu gushyiraho guverinoma nshya muri Sudani.
Ishyirahamwe ry’abigaragambya rizwi nka: The Soudaneses Professionals Association ryagize riti:

• Nyuma yo kwiyuha akuya mu mezi 4 yose ashize, twicwa, tubira ibyuya turira, turasaba ko hashyirwa hamwe abagomba kwinjira mu buyobozi kandi bikitabwaho by’umwiyahariko
• Turahamya ko abaturage ba Sudani nta kindi na kimwe bashaka Atari Leta y’abasivil kandi igizwe n’itsinda ry’abakunda igihugu kandi badafite aho bahuriye n’ingoma yari iriho
• Abayoboye igisirikare cy’igihugu cyacu barasabwa gusubiza ubutegetsi abaturage nk’uko byagaragajwe mu nyandiko yashyizwe hanze y’Ubwigenge n’impinduka(Freedom and Change)
Igisirikare cyari kimaze amasa arenga 6 kijeje abaturage ko kiri bushyire hanze itangazo ry’ingenzi ibintu byatumye benshi bakeka ko bari butangaze ko Perezida Bashir yahiritswe ku butegetsi.

12:29: Abaturage bose mu mugi wa Khartoum bari banezerewe, bari mu birori, barize kubera ibyishimo nk’uko umwe mu bigaragambya yabitangarije BBC aho yavuze ko bishimiye kuba ingoma y’umunyagitugu ishyizweho iherezo. Ati: “Guverinoma niveho, niveho, niveho…”
Twabibutsa ko Perezida Omar Al Bashir yabaye umusirikare mu ntambara yo kurwanya Israel, anaba umwe mu bantu bakomeye barwanyije byimazeyo inyeshyamba zo muri Darfur yo muri Sudan y’epfo. Ni umunyagitugu ushinjwa ibyaha by’intambara n’urukiko mpuzamahanga mpanabyaha

13:10: Umwe mu bagore yatangaje ko bakomeje kwicwa n’amatsiko kuko kugeza kuri iyi saha ntacyo igisirikare cyari cyavuga.

Yagize ari: "Hashize amasaha menshi dutegereje. Abantu Bose bari my mihanda. Birasa naho barimo kuganira uburyo hajyaho Let’s y’inzibacyuho. Sinugeze mbona aba polisi, cyangwa ingaboz zigenzurwa n’urwego rw’umutekano my gihugu nk’ibisanzwe. About nabonye ni Abasirikarr barinze inyubako zaba, abandi barinze abigaragambya nk’uko bamaze iminsi 4 babigenza. Kuba ku butegetsi kwa Bashir ntibihagije. Icyo dushaka ni uko ubutegetsi busubizwa abaturage."

14:30: Igisirikare cya Sudan cyafashe ubutegetsi kinashyiraho amabwiriza ngenderwaho mu itangazo cyashyize ahagaragara rikubiyemo ibi bikurikira:
• Perezida Omar Al-Bashir yafashwe ashyirwa ahantu arindiwe umutekano
• Hashyizweho amezi 3 y’ibihe bidasanzwe
• Hashyizweho kandi inzibacyuho y’imyaka 2 izayoborwa n’igisirikare nyuma hagategurwa amatora
• Hazashyirwaho itsinda rya gisirikare rishinzwe kugenzura inzibacyuho uko rizashyirwaho n’ibindi bijyanye na ryo bikazamenyeshwa nyuma
• Itegekonshinga rya Sudan ryashyizweho muri 2005 ryahagaritswe
• Imipaka yose irafunze kugeza igihe kitazwi

14:50: Ubutumwa igisirikare cyagejeje ku baturage ba Sudani ntibwabanyuze na gato cyane ko bo basabaga ko inzibacyuho yayoborwa n’abasivire nyamara muri ubu butumwa akaba ntaho byavuzwe ko abasivire bazayobora ahubwo havuzwe ko hashyizweho inama nkuru ya gisirikare izagenzura iby’iyi nzibacyuho. Bamwe bakaba basanga igisirikare cyakuyeho isura y’umutwe gusa nyamara ariko ubuyobozi bwose bukaguma mu maboko yabo aho Bashir n’ubundi ashobora kuba ari we ubugumana.

15:00: Sudanese Professionals Association hamwe n’abandi bigaragambya bari bamaze gutangaza ko batazahagarika kwigaragambya nyuma yo kubona ko igisirikare cyahinduye amasura gusa muri Leta nyamara ubutegetsi bukaguma mu biganza by’abari babufite

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru