Thursday . 3 December 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Sena igiye gufata umwanzuro ku kibazo k’ihohoterwa rishingiye ku gitsina rikorerwa abana riri kwiyongera

Tuesday 17 November 2020, by : MUTESI Scovia
    Yasomwe na

MUTUNGIREHE SAMUEL

Inteko rusange ya Sena igiye gufata umwanzuro ku kibazo cy’ubwiyongere bw’ihohoterwa rishingiye ku gitsina rikorerwa abana rimaze imyaka igera kuri ibiri ryiyongera.

Ni umwanzuro uri bufatwe nyuma y’uko tariki ya 16 Ugushyingo 2020 abasenateri bagize komisiyo y’Imibereho Myiza y’Abaturage n’Uburenganzira bwa Muntu bagaragaje ko mu birego by’ihohoterwa rishingiye ku gitsina byakiriwe n’Urwego rw’Igihugu rw’Ubugenzacyaha (RIB), kuva mu 2018 kugeza mu 2020, harimo 2167 by’ihohoterwa ryakorewe abana bari munsi y’imyaka icumi.

Imibare yagaragajwe na Raporo y’iyi komisiyo, igaragaza ko mu 2018/19 gusa, Urwego RIB rwakiriye ibirego 3215 by’ihohoterwa rishingiye ku gitsina, muri byo ibingana na3135 ni iby’ihohoterwa ryakorewe abakobwa naho 80 bikaba ari iryakorewe abahungu.

Iyi raporo igaragaza kandi ko ibirego 928, bingana na 29% by’ibirego byose RIB yakiriye ari ibirego by’ihohoterwa ryakorewe abana bari munsi y’imyaka icumi y’amavuko mu gihe ibirego 2287 ari ibyakorewe abana bari hagati y’imyaka 11 na 17.

Umwaka ushize, mu 2019/2020 hatanzwe ibirego 4265; muri byo 4154 ni iby’ihohoterwa ryakorewe abakobwa, naho 111 byakorewe abahungu.

Muri ibyo birego uko ari 4265 ibingana na 1239 ni iby’ihohoterwa ryakorewe abana bari munsi y’imyaka 10, mu gihe 3026 ari ibyakorewe abari hagati y’imyaka 11 na 17.

Iyi raporo yakozwe nyuma y’uko bisabwe na Sena muri Gashyantare uyu mwaka, hamaze kurebwa raporo y’ibikorwa by’umwaka wa 2018/19 ya Komisiyo y’Uburenganzira bwa Muntu, yagaragagaje ikibazo cy’ubwiyongere bw’ihohoterwa rishingiye ku gitsina rikorerwa abana n’inda ziterwa abangavu.

Icyo gihe Komisiyo y’Imibereho myiza n’Uburenganzira bwa muntu n’ibibazo by’abaturage, yahise isabwa gucukumbura icyo kibazo, ikagaragaza impamvu abakuze bakomeza guhohotera abana, ingaruka z’icyo kibazo ndetse n’inama yatanga kugira ngo icyo kibazo kiranduke burundu.

Umuntu wese uhamijwe n’urukiko icyaha cyo gusambanya umwana ufite cyangwa uri hejuru y’imyaka 14, ahanishwa igifungo kitari munsi y’imyaka 20 ariko kitarengeje imyaka 25. Iyo uwahohotewe ari munsi y’imyaka 14, igihano kiba igifungo cya burundu.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru