Saturday . 19 September 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Somalia: Al-Shabab yatangije ikigo cyo kuvura Covid-19’

Saturday 13 June 2020, by : MUTESI Scovia
    Yasomwe na

By Imfurayabo Pierre

Intagondwa zo mu mutwe ugendera ku mahame akaze y’idini ya kisilamu wa al-Shabab zisubiyeho ku byo zari zatangaje mbere zihinyura icyorezo cya coronavirus ko kitabaho, ubu noneho zatangaje ko zafunguye "ikigo cyo kuvura" abarwaye Covid-19.

Al-Shabab ivuga ko yafunguye icyo kigo mu mujyi wa Jilib mu majyepfo ya Somalia, umujyi uri mu gace uwo mutwe ugenzura.

Radio Andalus y’uyu mutwe yatangaje ko washyizeho umurongo wa telefone utishyurwa ukora amasaha 24 buri munsi kugira ngo umuturage uwo ari we wese wo muri uwo mujyi ugaragaje ibimenyetso bya coronavirus ahamagare.

Iyo radio ntiyatangaje umubare w’abamaze kwandura Covid-19 muri ako gace.

Iryo tangazo ryanyuze kuri radio ya al-Shabab ntiryanavuze niba uwo mutwe ufite ibikoresho byo gupima coronavirus cyangwa niba abaganga bawo bafite ubushobozi bwo gutahura ubwandu bwayo.

Mu ntangiriro y’uku kwezi kwa gatandatu, umukuru mu by’idini wa al-Shabab, Mohamed ala-Mohamed, yashishikarije abantu kwirinda Covid-19 banywa imvange y’imiti rwatsi avuga ko ivura Covid-19.

Ishami ry’umuryango w’abibumbye ryita ku buzima (OMS/WHO) rivuga ko kugeza ubu nta muti nta n’urukingo byari byaboneka kuri Covid-19.

Minisiteri y’ubuzima muri Somalia itanga amakuru mashya buri munsi ajyanye n’imibare yuko coronavirus ihagaze mu gihugu, ariko ntibizwi niba iyo mibare irimo n’abarwayi bo mu turere al-Shabab igenzura.

Ubwo coronavirus yatangazwaga bwa mbere ko yagaragaye muri Somalia mu kwezi kwa gatatu uyu mwaka, al-Shabab yamaganye ayo makuru ivuga ko ari "igihano cy’Imana".

Mu kwezi kwa kane uyu mwaka, Fuad Shangole, umwe mu bakuru akaba n’umubwiriza-butumwa muri al-Shabab, yavuze ko "Imana yohereje iyo virusi mu guhana abatari abayisilamu".

Muri uko kwezi kwa kane kandi, umuvugizi wa al-Shabab, Ali Mohamud Rage, na we yavuze ko Covid-19 ari igihano cyatanzwe n’Imana kubera "akarengane kari mu bihugu bitari iby’abayisilamu no kwibasira abayisilamu".

Umutwe wa al-Shabab ukorana n’uwa al-Qaeda. Umaze igihe ugaba ibitero bigamije guhirika ubutegetsi bwa leta ya Somalia bwemewe n’amahanga bufite icyicaro mu murwa mukuru Mogadishu.

Sourec/BBC

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru