Thursday . 24 June 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

U Rwanda rwiyemeje gutanga umusanzu warwo mu kuzahura umubano n’u Burundi

Wednesday 21 October 2020, by : MUTESI Scovia
    Yasomwe na

MUTUNGIREHE SAMUEL

Minisitiri w’Ububanyi n’amahanga w’u Rwanda, Dr Biruta Vicent, yijeje mugenzi we w’u Burundi, Albert Shingiro, ushinzwe ushinzwe ububanyi n’amahanga n’ubutwererane mu iterambere w’u Burundi, ko u Rwanda rwiteguye gutanga umusanzu warwo mu gutuma umubano w’ibihugu byombi ugaruka ku murongo.

Yabitangaje mu mu biganiro byahuje abahagarariye ibihugu byombi, byabereye ku mupaka wa Nemba mu karere ka Bugesera, tariki ya 20 Ukwakira 2020, nyuma yo kubanza guhana ikaze ku bayobozi bombi n’abagize itsinda ryaje riherekeje buri muminisitiri mbere yo kwinjira mu biganiro byabaye mu muhezo.

Minisitiri Dr Biruta yabanje gushimira Leta y’u Burundi yagize igitekerezo cyo kugira ngo impande zombi zihurire mu biganiro bigamije kuzahura umubano w’ibihugu byombi, umaze imyaka igera kuri itanu urimo agatotsi.

Yakomeje agira ati “Ntabwo turi abaturanyi gusa ni n’ibihugu by’abavandimwe. Ni nayo mpamvu ubungubu mvuga Ikinyarwanda, muvuga Ikirundi, tukaganira, tukumvikana nta we dukeneye ko adusemurira. Uru ruzinduko rwanyu rero rw’uyu munsi turizera ko ari intambwe ikomeye mu buryo bwo gusubiza mu nzira umubano hagati y’u Rwanda n’u Burundi; kandi ndagira ngo tubabwire ko twiteguye rwose gusubiza mu nzira nziza uwo mubano.

Twiteguye kuganira, n’ibibazo byaba biriho tukabiganira hanyuma tukabishakira ibisubizo kuko niko tugomba gukora, tukabikora kuko twumva bifitiye akamaro leta zacu zombi, ariko cyane cyane bifitiye akamaro abaturage; bifitiye akamaro abaturage b’u Rwanda, bifitiye akamaro abaturage b’Abarundi kandi ubundi ubuyobozi nicyo bushinzwe, ni ugukora ibifitiye inyungu abaturage bahagarariye.”

Dr Biruta yakokemeje ijambo rye agira ati “Aha turi ni mu Rwanda ariko ni n’iwanyu, tubahaye ikaze mwisanzure tuganire, kandi ibyo tuganira byose ni ibifitiye akamaro abaturage bacu, kandi rero turatangiye, tuzakanomeza kugeza igihe ibintu byose bigiriye mu buryo ahubwo noneho tukajya mu bikorwa by’ubutwererane bigamije iterambere.”

Ku ruhande rw’u Burundi, Minisitiri Albert Shingiro, yavuze ko bishimiye uburyo bakiriwe na mugenzi we w’u Rwanda n’uburyo ibihugu byombi byateguranye ibyo biganiro.

Ati “U Burundi nka leta twaje kugira ngo tubereke ko twifuza ko imigenderanire yacu n’igihugu cy’abaturanyi cy’u Rwanda. Imigenderanire nk’uko mu bizi yahungabanye mu 2015, ubu rero leta y’u Burundi irifuza ko iyo migenderanire twagerageza tukayinagura, kugira ngo twongere kubana neza nka mbere, tubane nk’abavandimwe, nk’abaturanyi.”

Yakomeje agira ati “Nibyo nakunze kubwira abantu baba bashaka guhuza u Rwanda n’u Burundi, ababimbwira benshi mbabwira ko bidakenewe, turaziranye cyane Abanyarwanda n’Abarundi, ibibazo dufite tubishakira umuti nta muntu utugiye hagati, ni byo by’ibi turimo gukora ubu.”

Shingiro yizeye ko akurukije aho ibintu bigeze n’uburyo buri gihugu gishishikariye uzahura umubano n’ikindi, yizeye mu minsi iri imbere imigenderanire y’u Burundi n’u Rwanda ishobora kugenda neza kurushaho mu gihe hari ubushake bw’Abarundi n’ubw’Abanyarwanda.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru