Thursday . 3 December 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

U Rwanda rwizihije umunsi mpuzamahanga w’abafite indwara y’igicuri

Friday 13 November 2020, by : MUTESI Scovia
    Yasomwe na

MUTUNGIREHE SAMUEL

U Rwanda rwifatanyije n’isi kwizihiza umunsi mpuzamahanga w’abarwaye igicuri, Ikigo k’Igihugu cy’ubuzima RBC gikangurira abanyarwanda kurushaho kwihutira kugeza kwa muganga umuntu babonanye ibimenyetso by’indwara y’igicuri aho kujya mu bavuzi ba gakondo cyangwa mu masengesho bakeka ko ari izindi ndwara, bigatuma amahirwe yo gukira yiyongera.

Umuhango wo kwizihiza umunsi mpuzamahanga wabereye i Kigali kuri uyu wa gatanu, tariki ya 13 Ugushyingo 2020, harebwa ibyakozwe na Leta y’u Rwanda mu gutuma ubuzima bw’abarwaye igicuri burushaho kuba bwiza, abigeze kurwara iyo ndwara batanga ubuhamya bw’uko baafshijwe kuvurwa bagakira ikibazo kikagabanuka bakarushaho kwiteza imbere nk’abandi banyarwanda.

Umuyobozi w’Ishami ry’Ubuzima bwo mu mutwe ry’ikigo RBC, Dr Kayiteshonga Yvonne, yavuze ko kuri iyi nshuro u Rwanda rwagarutse ku nsanganyamatsiko yo kwita ku buzima bw’abafite igicuri.

Ati “Rero ntabwo babaho neza tudasobanukiwe ibimenyetso, ubuvuzi bwiza, nta handi buboneka ni kwa muganga; ntabwo wabaho neza kwa mu ganga hatari abaganga n’imiti. Ibyo byose Leta yabishyizemo imbaraga, birahari kuva mu bajyana b’ubuzima kugera mu rwego rwo hejuru.

Iyo tugize icyumweru nk’ikingiki ubwa ari umwanya mwiza kugira ngo dufatanye kuri buri wese harimo n’abanyamakuru, iki cyumweru kidusigiye ko imbaraga zashyizwemo zigomba gukomeza. Njye kunda kuvuga nti inyigisho ziboneka mu bukangurambaga ni ikintu kiba kigomba guhoraho cyane cyane iyo bigeze ku ndwara igenda igira imyumvire idahwitse.”

Dr Kayiteshonga yakomeje asobanura ko mu Rwanda abajyanama barenga ibihumbi 55 bahawe amahugurwa, bigishwa kumenya ibimenyetso by’igicuri, basobanurirwa uko bafasha abafite ibimenyetso kugera ku buvuzi bwo kwa muganga.

Ati “Kwa muganga, kuva ku kigo nderabuzima kugera ku rwego rw’ibitaro byo ku rwego rw’igihugu n’iby’ikitegererezo hose dufite ubuvuzi bw’indwara y’igicuri tukaba dufite imiti, dufite amavuriro umunani yo ku wrego rw’igihugu afite icyuma kinoza isuzuma ry’indwara y’igicuri kandi ikindi kubera imyumvire itari myiza aho abantu bavuga ngo ni ibirozi bakaba bajya ku bavuzi ba gihanga abandibati ni amadayimoni bakajya mu amsengesho, ibyo ntabwo bivura indwra y’igicuri.

Ni yo mpamvu hamwe n’ubwo buvuzi, hamwe n’izo mbaraga dushyira mu kwigisha n’ubukangurambaga tuba tugira ngo dusobanure aho indwara y’igicuri ivurirwa.”

Imibare y’ikigo RBC yavuye mu bushakashatsi bwakoze mu 2018 ku ngo 7205 zirimo abantu bafite imyaka kuva kuri 14 kugeza kuri 65 basanze muri zo ngo 1910 zabajijwe abangana na 2,9%, ni ukuvuga 3%, bangana na 555 bafite indwara y’igicuri.

Ku rwego rw’igihugu iyo indwara abafite indwra runaka bari ku ijanisha rirenze 1% biba ari indwara ifatwa nk’izikomeye mu gihugu.

Mukandaga Odette, Umuyobozi w’Umushinga wita ku buzima bw’umubyeyi n’umwana no kurwanya indwara y’igicuri muri Handicap International yavuze ko ibibazo byiahriye mu kwita ku bafite iyo ndwara birimo kuba iyo uyirwaye ikamufata atiteguye kandi ari kumwe n’abandi ibatera ipfunwe.

Ati “ugasanga ibateye ipfunwe n’iyi ndwara kuko isa naho ibakoza isoni kuko ibafata batiteguye, ikindi ni uko imiryango ifite abarwayi b’igicuri akenshi usanga itiyakira, bumva ko ari umuntu ukwiye kuguma mu gikari ntagaragare ndetse bagakoresha ubuyo abantu ntibamenye ko muri uwo muryango hari umurwayi w’igicuri cyane ko bamwe babifata nk’umuvumo cyangwa imyuka mibi yaba iri mu muryango.”

Akomeza avuga ko iryo pfunwe rituma bamwe biheza ntibajye kwa muganga, ati “Ni yo mpamvu harihi ingamba zo gukora ubukangurambaga ku banyarwanda bose, ku baganga no ku baturage kugira ngo umuntu wese amenye ko indwara y’igicuri ari indwara nk’izindi kandi atari iyo myuka mibi n’amarozi n’ukundi bagenda babyita, bumve ko ari indwara ivurwa igakira.”

Umwe mu barwaye igicuri, Habiyaremye Laurent, uhagarariye urugaga rw’abashinzwe kwita no kurwanya indwara y’igicuri mu Rwanda, RNOE, akaba ari umugabo w’imyaka 46 wubatse, yavuze ko mu 2007 ari bwo yamenye ko arwaye igicuri.

Ati “Guhera icyo gihe mbimenya ndi ku miti ya Depacline, ndayigendana; njye mbona hari igihinduka kuko njye igicuri mfite ni kimwe gifata igice kimwe cy’ubwonko, njye singwa ngo niture hasi ngagaca akaboko k’iburyo.

Icyo gihe bigitangira byabaga kenshi nkagira ikibazo cy’umutwe ariko ubu n’imiti mba ndi kunywa ntabwo nyinywa kenshi, hair igihe mara nk’ukwezi nta kibazo ndagira ariko kubera ko muganga aba yaransabye gukomeza nkayinywa ndabyubahiriza kandi nta kibazo bintwaye, ndi muzima cyane.”

Mugenzi we Ndayishimiye Jean de Dieu, na we ni umwe mubagize uruyango RNOE, avuga ko ataibagirwa akato yigeze guhabwa n’umuhungu babanaba mu cyumba cy’ishuri mu mashuri yisumbiye, ubwo yabonaga afatwa n’igicuri akamuta mu cyumba bararanagamo amutinye.

Ati “Iyi ndwara yatangiye kumfata mu 2001, icyo gihe nari ndi mu mashuri yisumbuye mu mwaka wa kabiri, ariko mu byukuri nari mfite ikerekezo ko ngombwa kwiga nkarangiza nkakomeza kaminuza nk’uko numvaga nzajya kwiga ubuvuzi muri kaminuza y’u Rwanda.

Birumvikana muri icyo gihe mfatwa nayo nubwo nari ndwaye sinacitse intege; iyo wikubise hasi nabi ushobora gukomereka wenda nl’urugingo runaka, hari igihe nakomeretse biba ngombwa ko bajya kundoda, iyo udakomeretse hari igihe uhahwa akato muri sosiyete.

Ndibuka hari igihe mugenzi wanjye twararanaga yigeze kuncika avuga ko ngo nazamwanduza indwara y’igicuri. Kumva aho kato umuntu ahawe icyo gihe byarambabaje, ariko bitewe n’iekrekezo cyo kwiga nari mfite bagerageje kubyima amaso n’amatwi.”

Ibyago bituruka kandi ku kurwara igicuri Ndayishimiye avuga ko byatumye aza kwiga nabi umwaka wa nyuma mu masomo y’ibinaybuzima n’ubutabire, biba ngombwa no kubera gukoresha ubwonko cyane ngo azatsinde ku manota yo hejuru yagize ibibazo byo kwitura hasi cyane bituma agira amanota make ariko aza kwiga mu zindi kaminuza ubu akaba ari umuhanga mu byo gupima ubutaka nk’umunyamwuga.

Bamwe mu barway eindwara y’igicuri bagerageje kwivuza bakarwanya akato kakiri muri sosiyete bageze ku bushobozi bwo kugira uruganda rukora ifu y’ibigori rubiniriza kandi batanga akazi mu bandi banyarwanda.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru