Monday . 14 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

UPDF IGIYE KUGURA IGIKORESHO CYA GISIRIKARE KIZATWARA IGICE KININI CY’ INGENGO Y’ IMARI Y’ IGIHUGU

Monday 29 April 2019, by : MUTESI Scovia
    Yasomwe na

By Imfurayabo Pierre Romeo
Igisirikare cya Uganda cyateganyije miliyari 1900 z’ amashilingi yo kugura igikoresho cya gisirikare kitatangajwe izina, bituma ingengo y’ imari y’ igisirikare yiyongera cyane.
Iki gikoresho kizatwara 6% by’ ingengo y’ imari y’ igihugu ya 2019/2020 inganga na miliyari 34 300 z’ amashilingi.

Ikinyamakuru cya Leta ya Uganda, Chimpreports cyatangaje ko kuba icyo gikoresho cya igisirikare kizagura miliyari 1900, bitazakuraho andi miliyari 225 asanzwe agenewe kugura ibikoresho by’ intambara.

Ingengo y’ imari y’ igisirikare cya Uganda mu mwaka wa 2019/2020 ni miliyari 3 400 bivuze ko yiyongereye ku kigero cya 58%.

Abagenerali , Minisitiri w’ Ingabo n’ abasezerewe n’ Umunyamabanga wa Leta Rosette Byengonga nta bisobanuro birambuye bahaye abadepite bagize komisiyo ishinzwe igisirikare n’ibibazo by’ imbere mu gihugu ku gikoresho UPDF igiye kugura.

Muri 2014, Minisitiri w’ Ingabo za Uganda yagiranye ibiganiro na Banki y’ Abarusiya , binyuze mu kigo cy’ Abarusiya ‘Rosboronexport’ gishinzwe intwaro zoherezwa mu mahanga ngo Uganda ihabwa inguzango ya miliyoni 170 z’ amadorali y’ Amerika yo kugura ibikoresho bya gisirikare.

Muri 2012 , Uganda yaguze mu Burusiya indege 6 z’ intambara kuri miliyari 654 z’ amashilingi. Icyo gihe kandi guverinoma yakuye muri Banki Nkuru ya Uganda miliyari 1700 z’ amashilingi zo kugura ibikoresho bya gisirikare mu bihugu byo mu burasirazuba bw’ Uburayi.

Izi miliyari 1900 z’ amashingi uyashyize mu madorali y’ Amerika ni miliyoni 524, aya yagura indege zikomeye z’ intambara 14 zo mu bwoko bwa ‘multirole Sukhoisu-30 zikorwa n’ Abarusiya. Ubu bwoko bw’ indege buri mu bugezweho mu bisirikare byo muri Afurika. Uganda isanzwe ifite iyi ndege.

Aya mafaranga kandi yagura burende 112 z’ intambara zo mu bwoko bwa T-90. Chimpreports yatangaje ko Uganda isanzwe ifite izi burende 44.

Byitezwe ko mu mwaka utaha w’ ingengo y’ imari 2020/2021 ingengo y’ imari y’ igisirikare cya Uganda izagabanukaho miliyari 2400 by’ amashilingi.

Umuvugizi wa Minisiteri y’ Ingabo akaba n’ umuvugizi wa UPDF yatangaje ko igisirikare cya Uganda gikeneye ziriya miliyari 1900 z’ amashilingi mu rwego rwo kurangiza inshingano z’ igisirikare. Yagize ati “Ziriya miliyari 1900 z’ amashilingi turazikeneye ngo turangize ibyo dushinzwe”.

UPDF mu nshingano zayo harimo kurinda ubusugire bw’ igihugu n’ ubutaka bwacyo, gufatanya n’ abaturage igihe habayeho ibiza, kubaka umubano mwiza hagati y’ abaturage n’ abasirikare, no gutanga umusanzu mu bikorwa biteza imbere igihugu.

SRC//ukwezi

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru