Saturday . 19 September 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Umuntu wa 20 mu Rwanda yishwe na COVID-19

Tuesday 8 September 2020, by : MUTESI Scovia
    Yasomwe na

Minisiteri y’Ubuzima yatangaje ko umubyeyi w’imyaka 70 yabaye umuntu wa 20 wishwe na COVID-19 mu Rwanda, mu gihe abandi bantu 30 basanzwemo ubu burwayi mu bipimo 3253 byafashwe mu masaha 24 ashize.
Imibare yatangajwe kuri uyu wa Kabiri yatumye umubare w’abamaze kwandura Coronavirus mu Rwanda uba 4439, mu gihe abakize biyongereyeho 36, baba 2307. Bivuze ko abakirwaye ari abantu 2112.

Kugeza kuri uyu wa 8 Nzeri hamaze gufatwa ibipimo 447603.

Minisiteri y’Ubuzima ikomeje gushishikariza abantu kurushaho gufata ingamba zo kwirinda, mu gihe hari icyizere ko mu gihe cya vuba hashobora kuboneka urukingo rwa COVID-19, nubwo ku bijyanye n’umuti, ubushakashatsi bushobora kuba bukiri inyuma.

Kuri uyu wa Mbere Minisitiri w’Ubuzima, Dr Ngamije Daniel yabwiye abanyamakuru ko iyi ndwara mu gihugu ihari kandi igenda irushaho kugaragara ahantu hatandukaye, kenshi ubwandu bukibasira abantu bakorera ahatwikiriye kandi hafunganye.

Yakomeje ati “Ni uguhozaho rero kuko mu minsi iri imbere, mu mezi atatu ari imbere urukingo rushobora kuboneka, abantu nibihangane tugeze kuri kiriya gihe inzego zacu z’ubuzima zitaremerewe cyane, kandi tugumya kubitaho neza.”

Kugeza ubu abantu bakomeje kuzahazwa n’iki cyorezo mu Rwanda ni ababa basanganywe ibindi bibazo by’ubuzima nk’indwara zidakira zirimo diabete, umuvuduko w’amaraso cyangwa umubyibuho ukabije.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru