Tuesday . 28 September 2021

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Umwana ufite ubumuga bwo mu mutwe ashobora kugera kure muri siporo

Friday 10 September 2021, by : MUTESI Scovia
    Yasomwe na

Mutungirehe Samuel

Bishobora kubaho ko hari ababyeyi bafite umwana wavukanye ubumuga bwo mu mutwe ariko ntibamuhe amahirwe yo kugera aho abandi bana bari, haba no ku ishuri kugira ngo bitume hari amahirwe yahagirira mu bumenyi butandukanye burimo n’ubwo gukora siporo ashoboye bikaba byatuma akuza impano ye ikaba yamugeza kure hashoboka igiha yafashijwe kuyiteza imbere akanayibyaza umusaruro.

Umunyamabanga Mukuru wa Special Olympics Rwanda, Karenzi Christopher avuga ko hari ababyeyi batariyumvisha ko umwana wabo ufite ubumuga bwo mu mutwe hari icyo yakibashiriza, cyane nko mu gukora siporo, bigasaba ko ubanza ubakangurira gukura abana babo mu bwigunge cyane ko baba barabahejeje mu nzu.

Umuryango Special Olympics Rwanda ushinzwe gukurikirana abana bafite ubumugabwo mu mutwe binyuze muri siporo; wavukiye muri Amerika ushinze na Eunice Kennedy mu 1968, akaba yari mushiki wa John F. Kennedy wabaye Perezida wa Leta zunze Ubumwe za Amerika wa 35.

Avuga ko mu Rwanda bakorera mu turere 23 aho bakurikirana ibijyanye na siporo y’abana bafite ubumuga bwo mu mutwe kandi byagaragaye ko nabo bafite impano zo gukina imikino itandukanye irimo umupira w’amaguru, gusiganwa ku maguru n’undi witwa Boccia bakina udutenesi bicaye mu tugare.

Akomeza agira ati "Hariho ababyeyi mu by’ukuri usanga bisaba mu by’ukuri kugira ngo ubakangurire kugira ngo bakure abana babo mu bwigunge, harimo abo usanga batarasobanukirwa ibyo bintu, abana bamwe ugasanga baracyari mu nzu ariko baragenda bajijuka buhoro buhoro, ni uguhozaho.

Ugasanga hari nk’umwana ushobora kuba afite iyo mpano yo kuba yakina umupira ariko ugasanga aracyari hasi ahongaho cyangwa ashobora kuba ari mu ishuri. hari imikino rero itandukanye; nk’ubu hari abana batangye kujya gukora imyitozo , iyo habayeho gutoranya ni hahandi usanga harimo abana bake bake baza ugasanga hari ikintu kitwa guhitamo abana bashobora gukira National Team, Ikipe y’Igihugu."

Karenzi avuga ko gutoza siporo n’imikino itandukanye umwana ufie ubumuga ababyeyi badakwiye kwinubira ko bibafata umwanya kuko uwo mwana aba afite umwihariko we cyane nk’abafite ubumuga bwo mu mutwe.

Ati "Guysa ni ibintu bisaba guhozaho, ukaba wamubwira uti mugiye kwiruka, nimwirukanke kandi wowe uzi ko ari ukugira ngo urebe uza gutanga undi; noneho uasanga aho kugira ngo akomeze aze kurangiza mbere ubone ko yabarushije, ari umuhanga wo kwirukanka ariko mbere yuko agera aho ategerejwe hasigaye nka metero ebyiri cyangwa eshatu ugasanga arahagaze, atangiye kureba bagenzi be, akibaza ati ’aba bantu bari mu biki ra’ kandi ataragera aho yagombaga kugera.

Ibyo ni ibintu bikunze kubaho ariko noneho izo mpano z’abo bana zibaho kandi benshi barazifite mu by’ukuri bashoboa kuba bakora ibitangaza ku rwego mpuzamahanga no mu gihugu."

Umuyobozi Mukuru w’Umushinga HVP Gatagara /Gikondo uterwami inkunga n’
Umuryanggo w’Ubumwe bw’Uburayi ifatanyije na n’Umuryango w’Abadage wita ku bafite ubumuga, CBM, Nsekambabaye Andre, avuga ko byagiye bigaragara ko abana bafie ubumuga bwo mu mutwe ibijyanye na siporo byagiye bisigara inyuma kuko nta mashuri yo kubitaho.


Akomeza avuga ko nabo basanze hari ababyeyi bagiheza abana babo afite ubumuga bwo mu mutwe, akumva ibyo ashoboye yabimwifasiriza wenyine nyamara aramutse amugejeje hanze akagera aho abandi bana bari yahungukira ubundi bumenyi bwanamufasha kuzagira icyo yimarira mu gihe kiri imbere.

Mu ntangiriro z’uyu mwaka wa 2021 abana bo mu Rwanda mu ikipe y’abafite ubumuga ni bo bazanye umudari wa Zahabu bawukuye mu MISIRI bamaze gutsinda ikipe y’icyo gihugu ku mukino wa nyuma wa Pana-African Games.

Birakekwa ko amarushanwa akurikira y’umwaka wa 2024 amarushanwa yabera mu Rwanda, ibiganiro bikaba bikomeje ngo ayo mahirwe agere ku Rwanda binyuze mu nzego zitandukanye.

feature-top
feature-top

Any message or comments?

Twibire !
Igitekerezo Cyawe

Iyandikishe ujye ubona Amakuru

Iyandikishe ujye ubona Amakuru