Friday . 30 October 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Urubyiruko rwasabwe guhitamo ubuhinzi bubungabunga ibidukikije mu gukemura ikibazo k’ibiribwa birambye

Friday 16 October 2020, by : MUTESI Scovia
    Yasomwe na

Urubyiruko rukora mu by’ubuhinzi rwasobanuriwe amahirwe ari mu guhitamo ubuhinzi bubungabunga ibidukikkije nk’ubuhinzi bugezweho bw’umwimerere bukoresha ifumbire y’imborera igezweho, buzagira uruhare mu gukemura ikibazo k’ibiribwa mu buryo burambye no guhanga imirimo ariko bugakorwa hanabungwabungwa ibidukikije n’urusobe rw’ibinyabuzima.

Byatangajwe mu nama y’iminsi ine yateraniye i Kigali ihuza n’abari ku mbuga nkoranyambaga, yiga ku buryo urubyiruko rwahitamo gukora ubuhinzi bubungabunga ibidukikije “Youth And Agroecology National Summit 2020” yatangiye kuri uyu wa Gatanu tariki 16 Ukwakira 2020 mu nsanganyamatsiko igira iti “Ubuhinzi bujyanye n’igihe nk’inzira iganisha kuri gahunda irambye y’ibiribwa ndetse no gufungura amahirwe y’ubucuruzi ku rubyiruko”.

Ni inama ku rwego rw’igihugu yateguwe n’umuryango Agri-Profocus binyuze muri gahunda igenewe guhuza urubyiruko rukora mu buhunzi n’ubucuruzi bw’ibibukomokaho bibungabunga ikirere (YALTA), ikaba ihuriweho n’ibihugu bine ari byo Ethiopia, Kenya, Uganda n’u Rwanda.

Umuhuzabikorwa w’Umuryango Agr-ProFocus, Uwizeye Alexis yavuze ko gusaba abakiri bato kwinjira muri ubwo buhinzi bitavuze ko ubusanzwe gukoresha ifumbire mvaruganda bufite ibibazo cyangwa budatanga umusaruro ahubwo ari uko ari ho hari amahirwe .

Ati “Kuba rero hari amahirwe runaka azanywe mu buhinzi ntabwo kuba haje andi mahirwe byatubuza kuyabyaza umusaruro; ni ukuvuga ngo hari amahirwe ku rubyiruko ko rushobora gukora ubuhunzi bw’umwimerere bukabaha akazi kandi bukinjiza n’amadovize u gihugu igihe tubonye amasoko yo hanze.”

Ikinyamakuru MamaUrwagasabo kifuje kumenya uko ku isoko mpuzamahanga umusaruro uvuye mu buhinzi bukoresha ifumbire y’umwimerere y’imborera ugereranyije n’umusaruro uvuye mu buhinzi bukoresha ifumbire mvaruganda n’imborere mu iyamamazabuhinzi risanzwe mu gihugu, Umuhuzabiorwa wa Agri-ProFocus, Uwizeye Alexis, asubiza ko n’ubusanzwe igihingwa cy’umwimerere kigira akandi gaciro kisumbuye.

Ati “urebye igiciro cy’ikawa yahinzwe mu buryo kamere ‘Organic Coffe’ uyu munsi ku isoko cyangwa urebye agaciro k’inyanya zahinzwe mu buryo bw’umwimerere bitandukanye n’inyanya zahinzwe mu buryo butari ubwo. Ariko ntibivuze ko ibitahinzwe muri ubwo buryo buri kamere biteshwa agaciro, ahubwo ni ukugira ngo turebe n’ayo mahirwe ko ataducika.

Ku bijyanye n’ibiciro byabyo, umusaruro uva mu byahinzwe mu buryo bw’umwimerere ushobora kutaba mwinshi cyane wenda ngo amatoni yikube inshuro nyinshi ariko uwakoresheje iriya fumbire atubwira yuko yejeje toni 25 z’ibirayi kuri hegitari.

Mu busanzwe wenda dushobora gukuraho nka toni 30 zirenga; ariko nubwo bitagera kuri cya kigero cya za fumbire mvaruganda ariko amahirwe arimo n’agaciro bifite n’ukuntu bishobora gusana immibiri yacu kurushaho byagira imbaraga cyane bigatuma ayo mahirwe rero nayo tyatekerezaho tukayabyaza umusaruro kandi dukoresheje imbaraga z’urubyiruko.”

Umunyamabanga uhoraho muri Minisiteri y’Ubuhinzi n’Ubworozi Musabyimana Jean Claude, yavuze ko ubwo buhinzi bw’umwimerere mu Rwanda butaragera ku ntera nini kubera ko uburyo bwo kubukora ndetse n’ubushakashatsi kuri bwo bitaratezwa imbere ngo bumenywe na bose.

Akomeza agira ati “Ariko ni ubuhinzi bwiza bukorwa, ndetse hari n’amasoko y’umusaruro uvamo bigira agaciro kanini kubera ko byakozwe mu buryo bw’umwimerere. Ubu buhinzi muri rusange nk’ubumenyi buracyari ku rwefo rwo hasi ariko hari uburyo bukorwa umuhinzi afata imbuto akayishyira mu butaka yonyine atiriwe agira ikindi kintu ashyiramo kugeza asaruruye.

Ibyo ariko byashobokaga igihe isi yacu yari ikimeze neza, ubutaka butaragunduka, nibwo bwabanje gukorwa mbere. Nyuma rero uko isi yagiye yangirika ubutaka bugunduka byagiye bisaba ko abantu bashaka ubundi buryo bwo gugutunga ibihingwa biri ku butaka; ni bwo habonetse uburyo bwo gukora amafumbire anyuranye ndetse n’imiti yica udukoko uko indwara zagiye ziyongera.”

Umwe mu bahanga mu buryo bwo gukora amafumbire y’imborera ajyanye n’ubuhinzi bw’umwimerere, Imbabazi Dominico Savio, ukorera mu karere ka Musanze, yavuze ko afata udusimba turimo iminyorogoto akura hanze kuko mu Rwanda itahaboneka, amajeri, ibinyamunjonjorerwa, inyo, n’ibindi akabikoresha mu gutuma birya ibisigazwa by’ibiribwa bikabora vuba bigatanga ifumbire y’umwimerere.

Mu buhinzi busanzwe bukoresha ifumbire mvaruganda n’imiti yo kwica udukoko twona imyaka mu murima hasanzwe havugwamo inenge ko iyo miti igira uruhare mu kwica inzuko n’utundi dusimba tugira uruhare mu kubangurira imyaka hagamijwe gutanga umusauro, abahanga bakajya inama ko haramutse hakoreshejwe ubundi buryo butuma habungwabungwa urwo rusobe rw’ibinyabuzima mu bihingwa byarushaho kongera umusaruro ku mpande zombie nta kibangamiwe hakarushaho gukmura ikibazo k’ibiribwa cyane cyane kiganje ku mugabane w’Afurika.

Mu minsi ine iyo nama izarebera hamwe ibibazo urubyiruko rufite muri ubwo buhinzi, uko rwabona ubushobozi bwo kubushoramo imari n’ibindi byatuma harushwaho gushaka ibyatuma mu bihe biri imbere ubutaka buhingwa buzaba bukibasha gutunga abazabaho kandi budasaza cyangwa ngo bwangize ikirere butumeharushaho kuba ihindagurika ry’ibihe.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru