Tuesday . 25 June 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Urukiko rwo muri Siwede rwagumishije ku gihano cya burundu Rukeratabaro Theodore wakoze jenoside ya korewe batuts

Tuesday 30 April 2019, by : MUTESI Scovia
    Yasomwe na

Urukiko rwo muri Siwede rwagumishije ku gihano cya burundu Rukeratabaro Theodore wakoze jenoside ya korewe batutsi.

Urukiko rw’ubujurire rwa Sweden i Stockholm rwanze ubujurire bwa Rukeratabaro Theodore wakoze icyaha cya jenoside yakorewe Abatutsi mu Rwanda. Uyu mugabo w’imyaka 50 ,akomoka mu karere ka Rusizi, Umurenge wa Mururu ,Akagari ka Kabahinda ahahoze hitwa Komine Cyimbogo, Segiteri W’inteko.

Ubwo bibukaga ku nshuro ya 25, jenoside yakorewe abatutsi mu w’1994,bamwe mu barokotse jenoside yakorewe abatutsi bakimenya inkuru y’uko Rukeratabaro Theodore wayoboye ibitero byishe abatutsi n’ubusambanyi bwakorewe abagore, bashimye urukiko kuba rwabahaye ubutabera.

Aganira n’ikinyamakuru mamaurwagasabo.rw, Ndagijimana Laurent Perezida wa Ibuka mu karere ka Rusizi yagize ati “Abarokotse twishimiye ko twabonye ubutabera. Kuba umuntu wadukore icyaha cy’indegakamere cya jenoside, Rukeratabaro ni umuntu wari mubi cyane. yayoboye ibitero byishe abatutsi beshi,ikindi kuba yahamijwe icyaha cyo gusambanya abagore na byo byadushimishije kuko gusambanya abagore ni imwe muntwaro mbi yakoreshejwe mu kwicya abatutsi. Ni icyaha cyakomerecyeje imitima yabagikorewe n’ababakomokaho.”

Icyaha cyo gusambanya abagore mu gihe cya jenoside bishingiye ku bwoko na byo byabaye icyaha cya Jenoside. urugero mu rubanza rwa Kayezu Jean Paul rwabereye mu rukiko mpuzamahanga mpanabyaha rwashyiriweho uRwanda Arusha (ICTR) rwaburanishijwe muri 2001 kucyaha cyo gufata abagoro kungufu yahawe igihano kimyaka 15 bihuye nibindi byaha byamuhamye, ahabwa burundu, ubu akaba afungiye mu gihugu cya Mali.

Ndagijimana Laurent Yakomeje avuga ko aya makuru ahamya ko Rukeratabaro Theodore yahawe igifungo cya burundu, bayamenye kandi bakanayamenyesha abari bitabiriye umuhango wo kwibuka ku nshuro ya 25 jenoside yakorewe abatutsi mu w’1994.

Juvens Ntampuwe ukuriye RCN; umushinga w’ubutabera mu muryango utari uwa Leta, yagize ati “…, kugira ngo ajurire, arabanza kubisaba basanga yujuje ibisabwa akabyemererwa kandi ntibabiha buri wese,bimwe mu bishingirwaho ni ukureba niba urwo rubanza rushobora kuba rwafatirwaho indi myanzuro. bivuga ko byemerwa iyo hari andi mategeko atarubuhairijwe.”.

SIBOYINTORE Jean Basco; umuyobozi ushinzwe gukurikirana abakekwa ho gukora ibyaha bya jenoside baba mu mahanga, yagize ati “Twishimiye icyemezo cy’urukiko cyo kuba rwagumishijeje kugihano cyo gufungwa burundu kwa Rukeratabaro Thoedore, icyindi kubijyanye n’ubujurire nubwo hari urukiko rw’ikirenga rwakira izindi mpamvu zitari ubujururire nko kuba hari amategeko yishwe mukuburana cyangwa ubundi burenganzira yimwe nabyo abitangira ibimenyetso kuko inzira y’ubujurire yararangiye,urugero Mbanenande Stanislas na Berinkindi Claver ibirego byabo byanzwe n’urukiko rw’ikirenga uretse Ahorugeze Sylivere ubujurirebwe bwemewekubera ko bwari ubujurire ku cyemezo cyo kugarurwa mu Rwanda(Extradition)".

Ku wa gatatu tariki ya 27 Kamena 2018 ni bwo Urukiko rw’Akarere rwa Stockholm rwahanishije Rukeratabaro igihano cy’igifungo cya burundu, nyuma yo kumuburanisha rugasanga ahamwa n’ibyaha bya Jenoside n’ibyibasiye inyokomuntu muri Jenoside yakorewe Abatutsi mu 1994.

Yageze muri Suède mu 1998 abona ubwenegihugu mu mwaka wa 2006 aho yiyise Tabaro Theodore.
Ku itariki ya 9 Mata 1994 , Rukeratabaro afatanyije n’abandi nka Karemera Modeste wari umucamanza, Katabarwa Jean wari Konseye, Nsengumuremyi Jean n’izindi Nterahamwe nyinshi zo ku w’inteko hamwe n’abandi bajandarume .yayoboye igitero cyahitanye Abatutsi benshi muri w’inteko nyuma yo kubavumbura aho babaga bihishe mu mashyamba n’ibihuru kandi bagafata abagore n’abakobwa ku ngufu.

Ku itariki ya 13 Mata 1994, ngo yayoboye igitero giturutse ku Winteko cyagiye kwica Abatutsi bari bahungiye ku ishuri ribanza rya Nyakanyinya. Igitero cyishe abahungiye kuri iri shuli cyarimo Interahamwe ziturutse muri Segiteri za Mururu, Nyakanyinya na Winteko cyishe Abatutsi basaga ibihumbi bitatu, bicishwa amasasu, gerenade, imihoro n’amahiri maze abagabo, abagore n’abana bari bahahungiye hafi ya bose baricwa.

Rukeratabaro Theodore kandi yayoboye igitero cyaturutse ku Winteko kijya gufatanya n’abandi kwica Abatutsi bari bahungiye kuri Paruwasi gatolika ya Mibilizi ahishwe Abatutsi benshi mu mpera z’ukwezi kwa Mata 1994.

Rukeratabaro kandi yagize uruhare rukomeye mu iyicwa ry’Abatutsi bo muri w’inteko bari bahungiye muri Sitade ya Rusizi (yitwaga sitade Kamarampaka icyo gihe), aho yagiye yitwaje lisiti afatanije n’abasirikari bagasohora bamwe muri abo Batutsi bakajya kubicira ahitwa mu Gatandara. Aha mu Gatandara hakaba hariciwe mu buryo bw’agashinyaguro benshi mu Batutsi babaga batoranijwe mu bandi muri sitade Kamarampaka.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru