Thursday . 21 March 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Utarakuremye ntazagucire urubanza –Aline Gahongayire

Sunday 29 April 2018, by : Muremyi Viateur
    Yasomwe na

Umuhanzikazi nyarwanda wamamaye mu kuririmba indirimbo zihimbaza Imana, Aline Gahongayire, yibutse Ubuntu bw’Imana buhora bumurinze aterura amagambo yo kuyishima no kuyihimbaza abwira abakunzi be ko kwizera Imana no gukunda gukiranuka bizabarinda gucirwa urubanza n’abana b’abantu.

Umuhanzikazi Aline Gahongayire akunze kunyuza ubutumwa butandukanye ku mbuga nkoranyambaga ze bugakundwa na benshi bakunze kubigaragariza mu byo bagenda babuvugaho.

Ingingo nyamukuru ubutumwa bw’uyu muhanzikazi bukunze kugarukaho ni uburyo Imana yamurinze mu bihe bitandukanye by’ubuzima agenda anyuramo bituma akomeza guhamya gukomera kw’Imana agakomeza no kuyishimira haba mu bihangano agenda ahanga no mu butumwa atambutsa akoresheje uburyo butandukanye.

Akoresheje urukuta rwe rwa Facebook, uyu muhanzikazi yatangaje amagambo akora ku mutima agaruka ku burinzi bw’Imana n’ubuntu bwayo idahwema kugaragariza ikiremwa muntu.

Gahongayire yateruye agira ati: “Imana ishimwe. Kubaho ni Ubuntu! Ntekereje ukuntu hari abantu bava mu rugo ntibahasubire wenda bagakora impanuka bagapfa mbona byose ari Ubuntu. Rero ukuntu waba umeze kose, ukennye cyangwa ukize, icyangobwa nukumenya ko byose ari ubuntu.”

Yakomeje asaba Imana ubwenge anayisaba kumwigisha kubara iminsi ye kuko ubuzima ari bw’umuntu ari bugufi. Ati: “ Uhoraho unyigishe kubara iminsi nsigaje kubaho, Umpe kubana na buri wese amahoro, umpe guca bugufi, unyibutse aho nibagiwe. Burya umubwiriza yabivuze neza ngo byose nubusa, rero uwirata yirate Yesu Christo.”

Uyu muhanzikazi yakomeje avuga ko iki ari igihe cyiza abantu bakwiriye kuramya Imana no kuyihimbaza kuko uko abantu barushaho kwegera Imana ari ko barushaho kubona ububi bwabo bigatuma habaho kwihana no guhinduka.

Gahongayire yagarutse no ku kamaro k’isengesho mu buzima bwa buri munsi anavuga ko we ubwe afite ubuhamya ko yasenze Imana kandi ikamusubiza akabibona.

Aho yagize ati: “Gusenga biraruhura, gusenga birakiza, gusenga birakora, gusenga ni byiza. Narasenze aransubiza, andemera umunezero mu cyimbo cy’amakuba, ampanaguza amarira ibishura bye byera, ansezeranya kundinda no kumba hafi. Kuva ubwo nshira ubwoba nshimangira ku ijambo rye ndongera mbaho.”

Muri ubu butumwa Kandi Gahongayire yahumurije abantu bashobora kuba bari mu bibazo bitandukanye ababwira ko nubwo bababaye bakwiye kwibuka ko kubaho ari itegeko ry’Imana kandi ko umuntu utarakuremye adakwiye kugucira urubanza.

Ati:“Baho Wongere ubeho kuko burya kubaho ni itegeko ry’Imana,…baho rero nubwo bimeze uko, baho. Izere wiringire Imana ukunde gukiranuka. Bizagufasha kubona ibyiza by’abakunzi b’Imana. Utarakuremye ntazagucire urubanza.”

Ubutumwa bwe yabusoje ashimira Imana ko ikomeje kumwongerera ibihe byiza byo kubaho mu munezero n’amahoro. anaboneraho gushishikariza abantu gusenga no kwizera Imana mu buzima bwabo.

Ati: “Nshimye Imana kunyongerera ibihe byiza byo kubaho mu munezero n’amahoro. Nanjye sinzahwema kwamamaza ineza y’umwami mubayibonye ndimo. Komera senga wizere ushikame birakubyarira ishimwe. Mu ntambara dukuramo ubuhamya budutera kwamamaza itsinzi.”

Uyu muhanzikazi ni umwe mu baririmba indirimbo zo kuramya no guhimbaza Imana bakunzwe cyane mu Rwanda ndetse bakurikirwa n’abantu ibihumbi n’ibihumbi ku mbuga nkoranyambaga zabo.

Ubutumwa bwe bwaba ubwo mu ndirimbo cyangwa ubwo agenda anyuza ku mbuga nkoranyambaga bufasha benshi cyane bakurikiranira hafi ibikorwa bye n’ubutumwa bwe.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru