Mama U rwagasabo

Gicumbi: Abarwanashyaka ba Green Party basabwe guhangana n'ibiyobyabwenge

Valens Nzabonimana — 2026-03-01T17:12:00Z

Hon. Masozera wo mu ishyaka riharanira Demokarasi no kurengera ibidukikije mu (Rwanda Green party of Rwanda) yasabye Abarwanashyaka ko bakwiye guhangana n'ibiyobyabwenge nk'abantu baturiye umupaka.

Hon. Jacky Icyizanye Masozera

Ibi yabigarutseho kuri iki Cyumweru ubwo yari yaje mu nama ikomatanyije n'amahugurwa y'Abarwanashyaka yabereye mu karere ka Gicumbi.

Dusengima Domithila n'umurwanashyaka wa Green Party avuga ko bagiye gukomeza kwigisha ndetse bagatangira amakuru ku gihe .

Ati”Guhangana n'ibiyobyabwenge ntabwo uhangana n'abanyirabyo ahubwo utangira amakuru ku gihe ku nzego z'umutekano, nk'abarwanashyaka ni ukubyirinda dukurikiza inama abayobozi bacu batugiriye tukabyirinda kuko biduhesha isura mbi.”

Dusabyimana Theoneste ni Chairman w'abarwanashyaka ba Green Party mu karere ka Gicumbi avuga ko bagiye gukomeza ingamba zo guhashya ibiyobyabwenge.

Ati”ibyo bintu bijyanye n'ibiyobyabwenge birahari inaha kubera ko duhanye imbibi na Uganda ndetse na Tanzania, ariko Abarwanashyaka bacu ba Green Party tubashishikariza kutajya muri ibyo bintu ubu dutahanye ingamba zo gukomeza kubyirinda cyane ko mwabonye ko twarikumwe n'urubyiruko rwinshi cyane kuko ari bo bakunda kubyijandikamo cyane twababwiye ko bagomba kugeza ubu butumwa hose mu mirenge.”

Abarwanashyaka ba Green Party biyemeje kurwanya ibiyobyabwenge.

Hon.Masozera waje ahagarariye Perezida w'ishyaka rya Green Party yavuze ko umuntu w'umusinzi atajya gutanga ubutumwa ngo abayoboke bamwumve.

Ati”Umuntu agusanisha n'icyo uri cyo ntabwo waba uri umusinzi ngo ujye gutanga ubutumwa bwo kuyoboka ishyaka ryacu ngo hagire ukumva, ntabwo waba ugira urugomo ngo ujye gukora ubukangurambaga ubwo umuntu yakumva ko Abarwanashyaka ari iyo myitwarire bafite, rero turasaba Abarwanashyaka bacu dutumye kujya gushaka abayoboke kurangwa n'imyitwarire myiza.”

Ndayambaje Jean Claude

Huye: Hakomeje kuboneka imibiri y'abazize Jenoside yakorewe abatutsi mu 1994

Valens Nzabonimana — 2026-01-14T06:46:54Z

Mu cyumweru gishize nibwo umuturage witwa nkurunziza Aimable ucuruza resitora mu mudugudu wa Rusisiro akagari ka Matyazo umurenge wa Ngoma w'akarere Huye yarimo akora umuyoboro w'amazi maze ubwo yacukuraga aba aguye ku mibiri y'abazize Jenocide yakorewe abatutsi mu 1994.

Mu karere ka Huye hagaragaye mibiri y'abazize Jenocide yakorewe abatutsi mu 1994.

Ati “Nari kumwe n'abakozi turimo dushaka akarigori kayobora amazi ducukuye gato cyane nka santimetero enye tuba dutangiye kugwa ku mibiri”.

Bamwe mu baturage barokoye muri Matyazo bavuga ko biteye inkeke kuba muri akaga gace hashize imyaka isaga 30 hakigaragara imibiri yabazize Jenocide yakorewe abatutsi, akaba ariho bahera basaba ko bamwe bagize uruhare muri Jenoside babasha kutanga amakuru ya hantu hagiye hajunyunywa imibiri yabishwe kugira ngo binadufashe kugera ku ntego y'ubumwe n'ubwiyunge twiyemeje.

Umwe yagize ati “Biteye impungenge cyane kuko nugiye gukora nk'umurimo mu murima agahita abonamo imibiri urumva nawe bimutera ikibazo kuko hano birakabije pe nta mwaka ushira”.

Undi nawe yagize ati”Ni ukuvuga ngo ikintu kibura hano habura ukuri ababizi ntibashaka kubivuga bamwe barahunze abandi barafunze ariko abafunze babizi bakagombye kuza ahangaha bakaduha ukuri iki kibazo kigakemuka burundu”.

Yongeyeho ko ibyifuza byabo ari kugira ngo hubakwe ubutabera ndetse n'ubumwe n'ubwiyunge nuko buri wese ufite amakuru yayatanga kugira ngo nababakomokaho bakomeze kubona ibintu bimeze neza”.

Umuyobozi w'akarere ka Huye Sebutege Ange yashimiye abatanga amakuru ndetse anagira inama abaturage batuye aha gutanga amakuru kuko ari yo nkingi izatugeza ku bumwe n'ubwiyunge.

Icyambere ni ugushimira abaturage nyuma y'ubukangurambaga bugenda bukorwa ahabonetse amakuru cyangwa ibimenyetso bakabigeza ku buyobozi, ariko nanone turashishikariza abagifite amakuru kuyatanga kuko birafasha kwimakaza no kubaka urugendo turimo rw'ubumwe n'ubudaheranwa”.

Yongeho ko kandi iyo bigaragaye ko hari umaze icyo gihe cyose ataratangiye amakuru ku gihe nawe arakurikinwa k'umuntu wahishe amakuru.

Ubuyobozi bwa IBUKA mu karere ka Huye butangaza ko kuri ubu hamaze kuboneka imibiri igera kuri 34 ni mu gihe iki gikorwa kigikomeje.

Muri aka gace Kuva mu 2024, mu Murenge wa Ngoma mu tugari twegeranya twa Ngoma na Matyazo, hamaze kuboneka imibiri isaga 2800, ibigaragaza ko amakuru ajyanye n'ubwicanyi bwahakorewe muri Jenoside hari ayagizwe ubwiru.

Moise Munyaneza

Nyagatare: Biteguye kwiyubakira igihugu cyabo

Valens Nzabonimana — 2026-01-13T19:55:01Z

Ni urubyiruko rwo mu murenge wa Kiyombe ahatangirijwe gahunda y'urugerero mu karere ka Nyagatare aho uru rubyiruko ruvuga ko rwiteguye kwiyubakira igihugu.

Akimana Vestine umwe mu bitabiriye urugerero.

Akimana Vestine n'umukobwa urangije ayisumbuye yagize ati''tugiye hanze kandi tuje gukora rero tugiye gufasha abaturage aho dutuye ku buryo ntamuturage uzabura ubwiherero aho atuye cyangwa ngo abure akarima k'igikoni mu buryo bwo guhangana n'imirire mibi''.

Umuyobozi w'akarere ushinzwe imibereho mwiza avuga ko itorero ari inyingi ya mwamba mu iterambere ry'igihugu. Yagize ati''usanga gahunda za Leta bazizi kandi bitabira, turabizi rero ko urubyiruko ari imbaraga zubaka kandi vuba, rero turabigisha ko bakwiye guhangana n'ibyaha batangira amakuru ku gihe kandi banagaragaza uruhare rwabo mu kwiyubakira igihugu''.

Gasana Pascal ni umuhuza bikorwa muri Ministeri y'Ubumwe bw'Abanyarwanda n'Inshingano mbonera gihugu asaba uru rubyiruko mu guhangana n'icyabatandukanya nk'abanyarwanda.

Yagize ati''Murasabwa kuzarangwa n'indangagaciro n'icyabacamo ibice nk'abana b'u Rwanda mwirinda amacakubiri. Murasabwa kandi kugira indagagaciro mwirinda ubwomanzi ubwaribwo bwose''.

Urubyiruko rugiye gutangira urugerero mu karere ka Nyagatare ni 1045 mu gihe mu gihugu hose ari ibihumbi 41,931. Amasomo azatangirwa ku rugerero azibanda cyane ku mateka y'igihugu ndetse n'icyerekezo cy'igihugu.

HAKIZIMANA Fisto

Mushikiwabo nk'umukandida uzahagarira u Rwanda ku buyobozi bwa OIF

Valens Nzabonimana — 2026-01-13T13:06:10Z

Perezida Paul Kagame yafashe icyemezo cyo kongera gutanga Louise Mushikiwabo nk'umukandida ku mwanya w'Umunyamabanga Mukuru w'umuryango OIF uhuza ibihugu bikoresha Igifaransa.

Louise Mushikiwabo ashobora kongera kuyobora OIF.

Minisitiri w'Ububanyi n'Amahanga n'Ubutwererane, Ambasaderi Olivier Nduhungirehe, niwe wemeje aya makuru ubwo yagirana ikiganiro n'ikinyamakuru Jeune Afrique.

Min. Nduhungirehe yavuze ko hashingiwe ku bikorwa by'indashyikirwa by'Umunyamabanga Mukuru byahawe agaciro cyane kandi bigashimirwa, ndetse no nyuma yo kujya inama na we, u Rwanda rwafashe icyemezo cyo kongera gutanga kandidatire ya Louise Mushikiwabo mu nama y'Abakuru b'Ibihugu n'Intumwa za OIF izabera i Phnom Penh muri Cambodge, mu Gushyingo."

Minisitiri w'Ububanyi n'Amahanga n'Ubutwererane, Ambasaderi Olivier Nduhungirehe niwe wemeje aya makuru.

Minisitiri Nduhungire kandi yavuze ko biteganyijwe ko mu nama y'Inteko Rusange ya OIF izabera mu mujyi wa Phnom Penh muri Cambodge mu Gushyingo 2026 ari bwo hazaba amatora y'Umunyamabanga Mukuru w'uyu muryango.

Ibi Ministiri yabitangaje mu kiganiro yagiranye n'abanyamakuru ku wa 20 Ugushyingo 2025, ubwo hasozwaga Inama ya 46 y'Abaminisitiri b'Ububanyi n'Amahanga b'ibihugu bya OIF yabereye i Kigali. Naho Mushikiwabo yari yavuze ko yashimishijwe n'uko hari ibihugu byinshi binyamuryango byamusabye gukomeza muri izi nshingano ndetse bimwizeza ko bizashyigikira kandidatire ye.

Yagize ati “Muri urwo rwego nasabwe n'ibihugu byinshi bivuga ko bishaka gushyigikira kandidatire yanjye, navuze ko ntari nka Abdou Diouf wayoboye manda eshatu. Mu by'ukuri byanejeje, byankoze ku mutima kubera ubusabe bw'ibihugu byacu binyamuryango.”

Yari yavuze kandi ko azabanza kureba niba imyaka yo kujya mu kiruhuko cy'izabukuru hagendewe ku mategeko yo mu Rwanda itamubera imbogamizi kuko ayegereje. Ati “Nzasubiza ibi bihugu nyuma yo kuganira n'abayobozi b'igihugu cyanjye.”

Mushikiwabo agiye guhatanira manda ya gatatu.

Amakuru avuga ko mu gihe yaramuka yongeye gutorerwa uyu mwanya yaba akuyeho agahigo ka Abdou Diouf wo muri Sénégal, wabaye Umunyamabanga Mukuru wa OIF kuva mu 2003 kugeza mu 2014.

Louise Mushikiwabo imirimo yakoze.

Minisitiri w'Itangazamakuru 2008-2009: Yabaye Minisitiri w'Itangazamakuru mbere yo kugira inshingano z'ububanyi n'amahanga.

2009-2018: Mushikiwabo yabaye Minisitiri w'Ububanyi n'Amahanga n'Ubutwererane w'u Rwanda.

Kuva mu Mutarama 2019, Louise Mushikiwabo ayobora Umuryango Mpuzamahanga w'Ibihugu Bikoresha Igifaransa (OIF) ku rwego rw'Umunyamabanga Mukuru. Yatorewe manda ya kabiri mu Gushyingo 2022, kandi u Rwanda rwamaze gutangaza ko rumushyigikiye kugira ngo yiyamamarize manda ya gatatu.

1984-1986: Louise Mushikiwabo yabaye umwarimu w'umwuga aho yigishije Icyongereza muri Lycée de Kigali, mbere yo kujya gukomereza amashuri muri Amerika.

Ikindi wamenya nuko Louise Mushikiwabo yavutse mu 1961.

Richard Ruhimbana

Gasabo na Nyarugenge babonye ababahagariye bashya muri Green Party

Valens Nzabonimana — 2025-12-14T15:44:11Z

Ishyaka riharanira Demokarasi no kurengera ibidukikije mu Rwanda (Democratic Green Party of Rwanda) muri Gasabo na Nyarugenge bamaze kubona Abarwanashyaka bashya babahagarariye.

Ishyaka Green Party ryungutse abarwanashyaka.

Aya matora abereye muri utu turere nyuma y'iminsi ibi bikorwa bibera mu Ntara zitandukanye z'Igihugu.

Komiseri Mukuru, Hon. Alexis Mugisha, afungura aya mahugurwa yarakomatanyije yibukije abarwanashyaka ba Green Party amahame agomba kubaranga aho bahuguwe ku ngingo zitandukanye zirimo no gukora ibibateza imbere.

Muhawenimana Louise, niwe wongeye gutorerwa kuyobora Green Party mu Karere ka Gasabo yagize ati”Iyi ishinga yo kwiteza imbere, n'ayo n'amahirwe baduhaye, turi kuyabyaza umusaruro, abana bacu bariga, abari mu murongo w'ubukene barateza imbere imibereho yabo, kandi gutanga mituweli ntibikigoye, urebye intumbero yacu iragana aheza.”

Batsinda Juliet Umunyamabanga muri Komisiyo y'Itangazamakuru n'imbugankoranyambaga muri Green Party Rwanda, yasabye abitabiriye aya mahugurwa gukoresha neza imbuga nkoranyambaga bagahangana n'abaharabika u Rwanda.

Yagize ati”Hari icyizere cyo kubona amajwi menshi mu matora y'umwaka utaha Kandi birashoboka, mukwiye gukoresha neza imbuga nkoranyambaga mukimakaza amahame agomba kuturanga.”

Komiseri Mukuru, Hon. Alexis Mugisha, yagaragaje ko izi nama zikomatanyije n'amahugurwa bamaze igihe bakorera hirya no hino mu gihugu bitanga icyizere cy'uko mu matora ya 2029 bazatsindira imyanya myinshi.

Komiseri Mukuru, Hon. Alexis Mugisha, avuga ku mahungurwa amaze iminsi akorwa

Ati“Ishyaka ryacu rikomeje kwegera abarwanashyaka baryo, ari na ko barushaho kurikunda, bikaduha icyizere cy'uko mu matora azakurikiraho tuzabona amajwi ahagije.”

Hon. Mugisha yakomeje avuga ko uko abantu barushaho kurikunda, ari na ko bagenda barisobanurira abandi.

Ati”Ku buryo bugaragara, twumva ari ibikorwa bikomeje kutuzanira umusaruro nk'uwo twari twiteze mu rwego rwa politiki.”

Nyuma y'inama, amahugurwa n'amatora mu turere twa Gasabo na Nyarugenge, Green Party isigaje guhura n'abo mu turere twa Kicukiro, Huye na Nyamagabe, ikaba isoje uturere rwose.

Jean Claude Ndayambaje

Nyaruguru: Ishyaka rya DGPR, rigaragaza ko ryishimira ubwitabira bw'abarwanashyaka baryo

Valens Nzabonimana — 2025-12-08T12:34:47Z

Ku Cyumweru tariki ya 7 Ukuboza 2025, Ishyaka Rihanira Demokarasi no Kurengera Ibidukikije (Democratic Green Party of Rwanda) abayobozi baryo ku rwego rw'igihugu berekeje mu Karere ka Nyaruguru mu Ntara y'Amajyepfo, mu nama yabahuje n'abarwanashyaka biri shyaka muri kano karere.

Juliette Batsinda, Umunyamabanga wiri shyaka, Uhagarariye Komisiyo y'Itumanaho, ahugura abarwashyaka ba DGPR, uburyo bwo gukoresha neza imbuga nkoranyambaga.

Aka Karere ka Nyaruguru, kaje gakurukira utundi turere dutanu, natwo twabereyemo inama nk'izi.

Ibi byagarutsweho kandi na Hon MugishaAlexis, watangije iyi inama n'amahugurwa ndetse hakaba harabaye igikorwa cy'amatora yo kuzuza inzego ziri shyaka kuva ku mirenge kugera ku rwego rw'akarere.

Yagize ati" Mu Ntara y'Amajyepfo aho tumaze kugera mu turere dutandatu, twiyo ntara, mu munani, uyu munsi turi mu karere ka gatandatu, ariko ka Nyaruguru, kabanjirijwe ejo n'Akarere ka Gisagara, utwo turere tukaba tuje nyuma y'utundi turere tune, tw'Intara y'Amajyepfo, ari two Kamonyi, Muhanga, Nyanza na Ruhango".

Iri shyaka, ryakunze kugaragaza ko aho ryakomeje gukorera inama nk'izi, hirya no hino mu gihugu, bagiye babona ukwiyongera mu bwitabira bw'abarwanashyaka baryo ndetse ko ibikorwa babaga bateguye byakomeye kugenda neza muri rusange cyo kimwe no mu Ntara y'Amajyepfo.

Hon Mugisha, yakomeje agira ati' Mu by'ukuri rero aha tugeze, ibikorwa byacu birimo biragenda neza, nkuko bimaze iminsi bigenda mu tundi turere, nkuko narimaze kubivuga haruguru, abarwashyaka baritabira, kandi barimo kurushaho gukunda ishyaka biyemeje kubera abayoboke".

Eulade Mahirwe.

Muhanga: Ishyaka DGPR, rivuga ko mu mirenge yose ryahasanze abarwanashyaka baryo

Valens Nzabonimana — 2025-11-24T10:23:45Z

Kuri iki Cyumweru ku itariki 23 Ugushyingo 2025, Ishyaka Rihanira Demokarasi no Kurengera Ibidukikije, DGPR, abayobozi baryo ku rwego rw'igihugu berekeje mu Karere ka Muhanga mu Ntara y'Amajyepfo mu nama ihuza abarwanashyaka baryo muri kano karere.

Habaye n'igikorwa cy'amatora yo kuzuza inzego z'ishyaka rya DGPR.

Komiseri mukuru wa DGPR Mugisha Alexis watangije inama n'amahugurwa ndetse haba igikorwa cy'amatora yo kuzuza inzego z'ishyaka kuva ku mirenge kugera ku rwego rw'akarere.

Iri shyaka muri gahunda rifite mu ngendo zitandukanye abayobozi baryo bakomeje kugirira mu turere dutandukanye two mu Rwanda harimo gahunda yo kuzamura ubushobozi bw'abarwanashyaka baryo.

Hon Mugisha yabisobanuye, ati"Gahunda turimo ni iyo kuzamura ubushobozi bw'abarwanashyaka bacu biciye mu mahugurwa agaruka ku ingengabitekerezo y'ishyaka riharanira Demokarasi no kurengera ibidukikije mu Rwanda, tukareba n'ibirango dufite.

DGPR, kandi muri gahunda ifite ngo harimo gushaka kumenya uruhare rw'abarwanashyaka baryo mu iterambere ry'igihugu.

Hon Mugisha yakomeje agira ati"ariko muri uru rugendo turimo habonetsemo agashya ko twasanze mu mirenge hafi ya yose dufitemo abarwanashyaka kandi bakaba bifuza gushyiraho inzego z'ubuyobizi mu rwego rwo kugirango babashe guhuza ibikorwa bakorera ishyaka n'ibyo bakorera Abanyarwanda kandi n'ishyaka mu buyobozi bwaryo". Rigakora ku buryo ribasha kumenya uruhare abarwanashyaka baryo kugera ku nzego zo hasi mu iterambere ry'igihugu".

Eulade Mahirwe.

Musanze:Ba Ofisiye 75 basoje amasomo yo kuyobora Ingabo no kuzirwanisha ku rwego rwa Brigade

Valens Nzabonimana — 2025-10-24T16:30:02Z

Ba ofisiye 75 barimo babiri bo muri polisi y'u Rwanda, babiri ba RCS nibo basoje amasomo mu ishuri rikuru rya Gisirikiri riherereye i Nyakinama mu karere ka Musanze aho bari bamaze amezi atanu bahabwa amasomo ajyanye no Kuyobora Ingabo no kuzirwanisha ku rwego rwa Brigade.

Ba ofisiye 75 basoje amasomo yabo.

Major Jackson Karama ni umwe mu basoje aya masomo wanabaye indashyikirwa yavuze uburyo bazakoresha ubumenyi bahawe.

Maj Jackson Karama umwe mu basoje aya masomo.

Ati”Iyi course itoza abasirikari ibintu bibiri by'ingenzi ari byo kuyobora Ingabo ndetse no kuzirwanisha ku rwego rwa Brigade, aya masomo tugiye kuyabyaza umusaruro iyo wize ikintu ugishyira mu bikorwa, Kandi murabizi ko intambara z'iki gihe zitakirwanwa nkizakera, hano badutegura kurwana intambara zikoranabuhanga (Modern war) murabizi ko ababyeyi bacu barwanishije ubuhanga buhanitse ariyo mpamvu batsinze intambara babohora Igihugu noneho rero ubwo butwari ni nkumurage badusigiye.”

Maj Mutesi Dinna nawe yasoje amasomo.

Nanone kandi mugenzi we witwa Major Dinah Mutesi aravuga ko ubumenyi bahawe ari ingirakamaro.

Ati”Aya masomo dusoje hano afite intego mu byiciro bibiri harimo kuyobora ku rwego rwa Brigade, ikindi twiga kurwana ingamba zitandukanye nshobora kurwanisha Ingabo muri operasiyo zitandukanye cyangwa se no kubayobora.”

Umugaba mukuru w'Ingabo z'u Rwanda (RDF) zirwanira ku butaka Maj Gen Vincent Nyakarundi wari umushyitsi mukuru muri uyu muhango yabasabye kuzakoresha neza ubumenyi bahawe.

Maj Gen Vincent Nyakarundi, umushyitsi mukuru.

Ati”Mfite Icyizere ko amasomo mwize azabategura kuzaba abayobozi beza mu kazi kanyu ka buri munsi ndetse ndashimira imiryango yanyu inshuti n'abavandimwe baje kubashyigikira, uyu munsi ni agaciro gakomeye cyane mwabaye ab'Ingenzi mu gushyigikira aba ba Ofisiye basoje amasomo ndetse n'inkunga ikomeye ku mutekano w'Igihugu cyacu muri rusange.”

Aya masomo ari ku rwego rw'aba ofisiye ni cyiciro cya 25 yaramaze igihe kingana n'amezi atanu (Junior Command and staff course 25)

Jean Claude Ndayambaje

Rubavu: Amahugurwa y'Ishyaka rya DGPR, yarakomeje, haba n'amatora

Valens Nzabonimana — 2025-10-13T09:00:06Z

Ku Cyumweru, tariki ya 12 Ukwakira 2025, ibikorwa by'Ishyaka Democratic Green Party of Rwanda, DGPR, byakomereje mu Karere ka Rubavu, aho habayemo amahugurwa ahabwa abarwanashyaka ba DGPR ku miyoborere, demokarasi, ubumenyi mu kurengera ibidukikije, kwiteza imbere, ndetse no gukoresha imbuga nkoranyambaga n'ibindi.

Abarwanashyaka ba DGPR, bahuguwe ku ngingo zitandukanye

Nyuma y'aya mahugurwa yanabayemo igikorwa cyo gutora bamwe mu bagize inzego z'ishyaka mu karere ka Rubavu.

Hon Mugisha Alex, yagaragaje gahunda zitandukanye za DGPR

Hon Mugisha Alex, Komiseri Mukuru muri DGPR, yasobanuye gahunda y'ibi bikorwa n'intego yabyo.

Yagize ati"Imirimo yacu rero irakomeje n'utundi turere twose tw'Uburengerazuba, mu mpera z'icyumweru gitaha, tuzakomereza mu tundi turere bitewe nuko gahunda yateguwe, tukaza mu bikorwa bigendanye n'ingengabitekerezo yacu, birimo kubahiriza demokarasi, birimo kurengera ibudukikije, inzira bikorwamo, icyo bimarira ishyaka, n'icyo bimarira Abanyarwanda".

Mu ishyaka rya DGPR, bakomeje gahunda yo gushyiraho inzego zitari zihari ndetse no gusimbuza izicyuye igihe.

Hon Mugisha yakomeje agira ati"iyi gahunda yo guhura iyo isojwe muri buri karere twahuriyemo n'abarwanashyaka bacu, dukora gahunda y'amatora, hari aho tuba dufite inzego zisanzwe zicyuye igihe, manda y'imyaka itanu tubatorera, tukaba tugomba gutora abandi bagomba kubasimbura mu buyobozi bw'imyaka itanu y'indi igiye gukurikiraho, ndetse hari naho tuba dufite inzego zitari zihari, twubaka".

Ishyaka rya DGPR, ritangaza kandi ko hari intambwe rimaze gutera yo kwishimira nkaho mu Karere ka Rutsiro, ryabashije kubona komite zihagarariye abarwanashyaka mu mirenge yose.

Eulade Mahirwe

Perezida Kagame yasabye abambitswe ipeti rya Sous Lieutenant kwirinda ubusinzi n'izindi ngeso mbi

Valens Nzabonimana — 2025-10-03T22:16:49Z

Perezida Paul Kagame akaba n'Umugaba w'lkirenga w'Ingabo z'u Rwanda yatanze ipeti ku basirikare rya Sous Lieutenant ku basirikare bashya 1029 barimo abakobwa 117 mu Ngabo z'u Rwanda.

Aba Ofisiye barenga 1000 basoje amasomo, muri bo abakobwa ni 117.

Ibirori byo gusoza ayo masomo kuri aba basirikare byahujwe no kwizihiza isabukuru y'imyaka 25 iri shuri Rikuru rya Gisirikare rya Gako rimaze ritanga amasomo yo ku rwego rw'aba Ofisiye bato.

Umukuru w'igihugu yasabye aba ba ofisiye kwirinda ubusinzi Yagize ati "Hari imico mibi hanze aha, ndetse tutari dusanganywe tukayiga ahandi, mugerageze murebe ukuntu mwayirinda Inzoga iyo zagutesheje umutwe, zigutesha n'imurimo, zigutesha n'inshingano mwarahiriye".

Umukuru w'igihugu yongeyeho ko ufite ubwenge bwayobye ntabwo aba acyuzuza inshingano. Byose kandi bikomokamo ibintu bitwara ubuzima bw'abantu bihereye no kuri mwebwe ubwanyu. Abakiri bato ntabwo rero twifuza ko ibi byose mumaze kugeraho, aho mwigejeje byagira bitya bikaba imfabusa, umunsi umwe kubera ko murushijwe imbaraga n'imico mibi, no gusinda, ibiyobyabwenge n'indi mico ubusanzwe idakwiriye ubundi mu bantu. Byaba ko byaturutse hano I wanyu cg se byaturutse n'ahandi, ntabwo ari imico yo kwiga.

Mu ba Ofisiye bato 1029 binjiye mu ngabo z'u Rwanda harimo 557 bize amasomo y'umwaka umwe, 248 bize amasomo y'igihe gito, abagera ku 182 bize amasomo y'igihe kirekire cy'imyaka ine na 42 bize mu mashuri ya gisirikare hanze y'u Rwanda.

Abakobwa ni 117 naho abahungu ni 912, bakaba bagize icyiciro cya 12 cy'lshuri Rikuru rya Gisirikare rya Gako.

Brian Kagame, bucura bwa Perezida Paul Kagame na Madamu Jeannette Kagame, ari mu binjiye mu Ngabo z'u Rwanda, aho asanzemo mukuru we Capt lan Kagame kuri ubu ubarizwa mu Ngabo z'u Rwanda mu mutwe urinda abayobozi bakuru b'igihugu.

Umuyobozi Mukuru w'lshuri Rikuru rya Gisirikare rya Gako, Brig Gen Franco Rutagengwa, yagaragaje ko abasoje amasomo bakoze urugendo rutoroshye cyane ko hari bagenzi babo batangiranye uru rugeno ariko ntibabaje kurusoza.

Yagize ati "Urugendo aba banyeshuri bagenze ntirwari rworoshye kuko 36 batangiranye ntibabashije kusa iki kivi kubera impamvu zitandukanye, zirimo iz'ubuzima, gutsindwa amasomo ndetse n'imyitwarire itajyanye n'indangagaciro zituranga nk'ingabo z'u Rwanda."

Yagaragaje ko kuri ubu iri shuri ritanga amasomo y'icyiciro cya kabiri cya Kaminuza mu bijyanye n'ubuhanga mu bya gisirikare n'ubumenyamuntu, ubuvuzi, imibare, ubugenge, ibinyabuzima, ubutabire, amategeko, ubuforomo, ubuhanga mu bya mudasobwa n'ubuhanga mu by'ubwubatsi.

Yashimye kandi abahisemo kwinjira mu ngabo z'u Rwanda abasaba gukomeza kurangwa n'indangagaciro ziranga Ingabo z'u Rwanda.

Perezida Kagame kandi yatanze ibihembo ku bahize abandi mu byiciro bitandukanye, barimo uwahize abandi mu bize igihe kigufi ni Jean de Dieu lyakaremye, abize imyaka ine ni Yves Ndamukunda, mu baturuka mu bihugu by'inshuti, ni Dan Bakangambira wo muri Uganda mu gihe uwahize abandi muri byose ni Emmanuel Kayitare.