Mama U rwagasabo

REG VC YEGUKANYE MEMORIAL KAYUMBA 2026 ITSINZE GISAGARA VC

Chadadi Habimana — 2026-03-09T08:59:39Z

Ikipe ya REG VC yegukanye igikombe cy'irushanwa ngarukamwaka rya Volleyball, rizwi nka Memorial Kayumba 2026, nyuma yo gutsinda Gisagara VC amaseti 3-1 ku mukino wa nyuma wabereye mu Karere ka Huye.

Iri rushanwa ribaye ku nshuro ya 16, rikaba ritegurwa buri mwaka mu rwego rwo kwibuka Padiri Kayumba Emmanuel wabaye Umuyobozi wa Groupe Scolaire Officiel de Butare (Indatwa n'Inkesha.)

Ni irushanwa ryabaye kuva ku wa Gatandatu tariki ya 7 kugeza ku Cyumweru tariki ya 8 Werurwe 2026, ribera ku kigo cy'amashuri cya Groupe Scolaire Officiel de Butare (GSOB), kizwi nka Indatwa n'Inkesha.

Amakipe yitabiriye muri Volleyball yari mu byiciro bitatu,shampiyona y'icyiciro cya mbere mu bagabo,icyiciro cya kabiri,abakiri bato n'abakanyujijeho
Mu cyiciro cya mbere mu bagabo, REG VC yegukanye igikombe itsinze Gisagara VC amaseti 3-1 (25-14, 25-20, 24-26, 25-21).

REG V.C yatsinze Gisagara yegukana igikombe cya Memorial Kayumba.

Ikipe ya East African University Rwanda (EAUR) yegukanye umwanya wa gatatu nyuma yo gutsinda Kepler.

Mu cyiciro cya kabiri, ikipe ya Kinyinya yegukanye igikombe itsinze UR Huye amaseti 3-0, naho Win Star itsinda UR Busoro amaseti 3-2.

Mu cyiciro cy'abakiri bato, ikipe ya U Poly yegukanye igikombe itsinze Nyanza TSS amaseti 3-1. Mu batarengeje imyaka 17 (O'Level), Regina Pacis yegukanye igikombe itsinze GSOB amaseti 3-2.Mu bakanyujijeho, ikipe ya Kinyinya yegukanye igikombe itsinze Umucyo amaseti 3-0.

Hanabaye andi marushanwa atandukanye arimo gusiganwa ku magare aho mu bahungu batarengeje imyaka 16, Butwari Bob yabaye uwa mbere, naho mu bakobwa Ineza Butera Kevine aba uwa mbere mu bilometero 8.3 byakinwe.

Umukino waranzwe n'ishyaka ryinshi ku mpande zombi.

Padiri Kayumba Emmanuel witabye Imana mu mwaka wa 2009, yari umuyobozi wa Groupe Scolaire Officiel de Butare ndetse n'umukunzi ukomeye wa Volleyball. Mu kumwibuka, iri rushanwa ryatangiye gutegurwa mu 2010, rigamije gukomeza guteza imbere uyu mukino n'indi mikino irimo Beach Volleyball ndetse no koga, nubwo Volleyball ari yo ihabwa umwanya munini.

Yvette Niyigena

Mugabe Aristide yasezeye burundu gukina Umukino wa Basketball nk'uwabigize umwuga

Chadadi Habimana — 2026-02-10T17:02:52Z

Mugabe Aristide, umwe mu bakinnyi b'inararibonye bakiniye Ikipe y'Igihugu ya Basketball y'u Rwanda, yatangaje ko yasezeye burundu gukina uyu mukino ku rwego rw'ababigize umwuga, ashyira akadomo ku rugendo rw'imyaka 18 yari amaze muri Basketball.

Abinyujije ku rukuta rwe rwa instagram, Mugabe Aristide yashyize hanze amwe mu mafoto ye y'urwibutso aho yari kumwe na bagenzi be bakinana Basketball maze ayakurikiza amagambo agira aAti “Uyu munsi, mu byiyumviro bivanze, nyuma y'imyaka 18, ntangaje ko nasezeye gukina Basketball. Ndashimira buri wese wagize uruhare mu rugendo rwanjye. Inshuti n'umuryango wanjye, abatoza bose, abo twakinanye, abafana, ubuyobozi bw'amakipe. Mwarakoze.”

Mugabe Arstide yari amaze iminsi akinira KEPLER BBC

Mugabe yabaye umwe mu bakinnyi ngenderwaho mu Ikipe y'Igihugu, aho yagaragaje ubuhanga, ubuyobozi n'ubunararibonye byatumye agira uruhare rukomeye mu iterambere rya Basketball nyarwanda. yakiniye amakipe atandukanye arimo Patriots BBC, Espoir BBC, CSK, Rusizi BBC ndetse na Kepler BBC ari nayo yarangirijemo umwuga we.

Mu gihe cye cyo gukina, Mugabe Aristide yegukanye Ibikombe bya Shampiyona umunani, ibintu byamushyize mu bakinnyi babaye indashyikirwa mu mateka ya Basketball mu Rwanda. Yanegukanye igihembo cy'Umukinnyi Mwiza wa Shampiyona inshuro ebyiri, mu mwaka wa 2012 n'uwa 2013, bigaragaza urwego rwo hejuru yagize mu mukino.

Mugabo Arstide na Patriots bitabiriye BAL ya mbere banagera 1/2.

Uretse kuba yaritwaye neza mu kibuga, Mugabe yanabaye kapiteni w'Ikipe y'Igihugu, aho yamenyekanye nk'umuyobozi mwiza ushobora guhuza bagenzi be no kubatera imbaraga.
Abakunzi ba Basketball n'abakurikiranira hafi siporo bagaragaje ishimwe ku ruhare rwe, bamwifuriza amahirwe masa mu buzima bushya nyuma yo gusezera, benshi bakifuza ko yakomeza gutanga umusanzu we muri Basketball mu bundi buryo.

Yvette Niyigena

DORE IBYO WAMENYA KW'IKIPE YA GASOGI UNITED.

Chadadi Habimana — 2026-02-04T10:49:44Z

Gasogi united ni ikipe ifite ibigwi n'amateka hano mu Rwanda bidakanganye ariko nanone ikaba ari imwe Mumakipe afite izina rizwi kubera umuyobozi wayo akaba na nyirayo witwa Kakooza Nkuriza Charles (KNC) ibyo kuba izwi cyane bituruka ku kuba nyirayo anafite igitangazamakuru gisanzwe gifite igihe cyagenwe cyo kuvuga kuriyi kipe ntayindi kipe bavuze bakayimenyekanisha no kuyikundisha abakunzi b'umupira w'amaguru.

Ibi bituma imenyakana kuko mukiganiro cya mugitondo cyo kuri Radio na tv 1 cyitwa RIRARASHE bagitangirana amakuru avugwa muriyo kipe bigatuma abantu bayimenya muricyo kiganiro gito baboneraho no kwibutsa abakunzi bayo gushyigikira iyi kipe mu buryo bw'amikoro bibutsa abakunzi bayo kuyiha amafaranga binyuze mukuyikandira akanyenyeri.

Mu kiganiro gito gikorwa na Angel Mutabaruka na KNC bita (INTANGAMARARA) mubijyanye n'ibigwi yubatse iyi kipe ya Gasogi ntago bihambaye cyane kuko kure yageze ari muri ½ cy'igikombe cy'amahoro muri 2024. Yabigezho isezereye ikipe ya APR FC kuri penaliti ni nyuma yuko amakipe yose yari yanganyije mumikino yombi ubanza n'uwo kwishyura.

GASOGI MU MIKINO 5 BYIBUZE IMAZE GUHURA NA APR FC YABASHIJE KUNGANYAMO 3 ITSINDWA IMIKINO 2

Imikino itanu iheruka guhuza ikipe ya Gasogi United na APR Football Club.

Tubibutsako ikipe ya gasogi yazamutse mukiciro cya mbere mu Rwanda mu mwaka wa 2019 kuva icyo gihe ntirasubira mukiciro cya kabiri ikindi nuko idapfa gusoreza shampiona mumakipe amanuka.

Ikindi wa menya ni uko iyi kipe yihuse gukura doreko yazamutse imaze imyaka 3 yonyine ishizwe kuko yashinzwe 2016 mugihe yaje kumara imyaka hafi 2 mukiciro cya kabiri umwaka wa 3 uwuzamukamo.

Egide Niyoyita

Isoko ry'igura n'igurisha ryaraye rishyizweho akadomo, dore zimwe muri transfer zakozwe.

Chadadi Habimana — 2026-02-03T08:43:26Z

Mw'ijoro ryakeye ku mugabane w'ubulayi isoko ry'igura n'igurisha ry'abakinnyi ryo mu kwezi kwa mbere ryaraye risojwe muri iyi nkuru yacu tugiye kurebera hamwe abakinnyi bahinduye amakipe ku munsi wa nyuma.

Ikipe ya Chelsea Football club yagaruye
Mamadou Sarr wari intizanyo muri Strasbourg wabisikanye na Aaron Anselmino werekeje muri iyo kipe ikina mu cyiciro cya mbere mu bufaransa isanzwe ari iya Blue Co ariyo kampani ifite Chelsea Football Club Ltd.

Umunyasenegal Mamadou Sarr yagarutse muri Chelsea avuye muri Strasbourg

Umufaransa Karim Benzema yasinyiye ikipe ya Al Hilal avuye muri Al Ittihad.
Uyu mufaransa wakiniraga Al Hilal yayivuyemo nyuma yo kutumvikana mu kongera amasezerano n'iyi kipe yerekejemo avuye muri Real Madrid mu 2023.

Karim Benzema yerekeje muri mukeba wa Al Ittihad; Al Ahli.

Umufaransa Dayot Upamecano ukinira Bayern agiye kongera amasezerano muri iyi kipe azamugeza muri 2030.
Uyu myugariro ngenderwaho wa Bayern Munchen n'ikipe y'igihugu y'ubufaransa le Bleu yarimo yifuzwa n'amakipe menshi atandukanye yo mu burayi yiganjemo ayo mu bwongereza.

Dayot Upamecano yongereye amasezerano muri Bayern Munchen

Umufaransa Jeremy Jacquet wakiniraga Rennes yerekeje muri Liverpool kuri €60m zizongerwaho €12m Rennes, akana yasinye amasezerano azamugeza muri 2031.

Jeremy Jacquet yifuzwaga bikomeye na Chelsea ariko ikipe ya Rennes yari yanze kumugurisha muri uku kwezi kwa mbere byanatumye Liverpool ibasha kumusinyisha.

Leicester City yasinyishije Divine Mukasa nk'intizanyo avuye muri Manchester City.

Axel Disasi yerekeje muri West Ham, avuye muri Chelsea nk'intizanyo.
Axel Disasi yari amaze igihe gisaga amezi 8 adakina nyuma y'uko umutoza Enzo Maresca yamubwiye ko atamufite muri gahunda ze.

Nzabonimana Valens

CAF yahannye Maroc na Sénégal kubera imyitwarire mibi mu mukino wa nyuma wa CAN

Chadadi Habimana — 2026-01-29T11:41:43Z

Impuzamashyirahamwe y'umupira w'amaguru muri Afurika (CAF) yafatiye ibihano amakipe y'ibihugu bya Maroc na Sénégal, nyuma yo gusanga yaragaragaje imyitwarire itari myiza mu mukino wa nyuma w'Igikombe cya Afurika (CAN).

Ibihano byatanzwe ni ibi bikurikira kuri Marrocan Royal Football Association

Ibihumbi 200$ ryaciwe kubera imyitwarire idahwitse yaranze abana batanga imipira (ball boys) muri sitade mu gihe cy'umukino.

Ibihumbi 100$ ryaciwe kubera imyitwarire idahwitse yaranze abakinnyi ba Morocco n'abatoza bayo, aho binjiye mu gice VAR, bakabangamira umusifuzi.

Ibihumbi 15$ ryahanishijwe kubera ko abafana Morocco bakoresheje udutoroshi dutanga urumuri, aho bigaragara ko batunze imirasire yatwo mu maso y'umunyezamu wa Senegal Edouard Mendy ku mukino wa nyuma wa AFCON2025.
Ku ruhande rwa Senegal ho CAF yemeje ibihano bikurikira:
Ibihumbi 300$ kubera imyitwarire idahwitse y'abafana yatumye umukino utagenda uko biteganyijwe.
Andi ibihumbi 300 $ kubera ibikorwa bibangamiye ruhago byakozwe n'abakinnyi ndetse n'abatoza
Ibihumbi 15$ by'imyitwarire idahwitse nyuma yaho abakinnyi batanu bahawe gasopo ariko bakabirengaho.
Muri uyu mukino ikipe ya Senegal ntiyigeze yishimira byinshi mu byemezo by'umusifuzi kugera naho isohotse mu kibuga gusa nyuma ikaza kukigarukamo bigizwemo uruhare na Sadio Mane.
CAF kandi yatangaje ko Senegal yegukanye igikombe cy'Afurika ko bityo ikirego cya Maroc cyo gusaba ko haba undi mukino kikaba cyatewe utwatsi.

Chadadi Habimana

FERWAFA YAHAGARITSE UMUSIFUZI JABO KUBERA KWANGA IGITEGO CYA APR FC

Chadadi Habimana — 2026-01-20T08:24:58Z

Mu itangazo rigira riti “komisiyo y'imisifurire muri Ferwafa yateranye ku wa 19 mutarama 2026 isuzuma imisifurire ku mukino wahuje Apr Fc na El Merrikh sc (umukino wabaye ku wa 18/01/2026) mu marushanwa ya Rwanda Premier League.
Yasanze ku munota wa 88' w'umukino harabaye ikosa rikomeye ryakozwe n'umusifuzi wungirije wa kabiri (2nd assistant referee), aho igitego cya apr fc cyanzwe hashingiwe ku cyemezo kitari cyo cy'uko habaye kurarira.
Kubera iryo kosa, komisiyo y'imisifurire yafatiye umusifuzi ibihano bikurikira: Jabo Aristote ahagaritswe gusifura imikino igera kuri 4.”
Ferwafa izakomeza guharanira ubutabera.

Ni ryari igitego cyangwa ni ryari cyemerwa (offside):

Ni ryari igitego cyangwa ni ryari cyemerwa habayemo kurarira twifashishe itegeko rya fifa (law 11 – offside & law 12 – fouls).hagendewe ku byagaragaye ku mukino wa apr fc uakinaga na el merrick warangiye zinganyije ubusa k'ubusa.

Dusobanukirwe n'icyo amategeko abivugaho.

Igihe igitego cyemerwa:

Umukinnyi ahagaze mu mwanya wemewe (atari offside).abakinnyi bari imbere y'umuzamu batamubangamiye mu buryo bugaragara, urugero:Batamukingirije kureba umupira. Batamubuza gusimbuka cyangwa gufata umupira.nta gukinisha umubiri, gusunika, cyangwa gukingira umuzamu byabaye. Ibi byose ntabyabaye mbere yuko Dauda atsinda.

APR FC yari yatanze ikirego cy'uko yibwe mu mukino wayihuje na El Merreck.

Igihe igitego gihakanywa igitego nticyemerwa iyo:Umukinnyi wari mu mwanya wa offside:Ahagaze imbere y'umuzamu,amukingira kureba umupira,cyangwa agerageza gufata umupira bityo akabangamira umuzamu.umukinnyi:Asunika umuzamu,amubuza gusimbuka cyangwa kugenda, amukingira ku bushake (screening).

Kapiteni wa APR Fc Claude Niyomugabo imbere y'umusifuzi Jabo.

Ibi byitwa “interfering with an opponent”, kandi bihita bituma igitego kidakomeza.
Ibi byose ubirebye neza ukifashisha icyo amategeko avuga wavuaga ko apr fc yangiwe igitego kuko nta ruhare abakinnyi bari bararariye bagize mu itsindwa ry'igitego Dauda Yusuf yari aboneye Apr fc.

Iranzi Shema Bonheur

Marc Guehi yaguzwe na Manchester City

Chadadi Habimana — 2026-01-19T16:14:01Z

Ikipe ya Manchester City yo mu gihugu cy'ubwongereza yemeje ko yasinyishije myugariro w'umwongereza Marc Guehi w'imyaka 25 wakiniraga ikipe ya Crystal Palace, akaba yasinye imyaka itanu n'igice.

Marc Guehi w'imyaka 25 asinyiye iyi kipe nyuma y'uko yifuzwaga n'amakipe atandukanye arimo na mukeba wa Manchester City; Liverpool yagerageje kumugura mu mpeshyi ariko ntibyayikundira.

Ikipe ya Manchester City yari iherutse kuvunikisha ba myugariro babiri bayo b'inkingi za mwamba aribo Jasco Gvardiol na Ruben Dias, byatumye iyi kipe iri mu zikomeye mu bwongereza itakaza imikino igera kuri ine muri shampiyona.

Marc Guehi yaguzwe asaga miliyoni 20 z'amapound.

Marc Guehi yaguzwe miliyoni zirenga 20 z'ama Livres Streling (Pound) akaba ari miliyoni zisaga 23 z'amayero akoreshwa ku mugabane w'ubulayi mu gihe yari asigaje amezi agera kuri atanu ngo amasezerano ye arangire.

Kuri ubu akaba yamaze guhabwa nimero 15 azajya yambara mu mugongo, Guehi abaye umukinnyi wa kabiri uguzwe na Manchester City nyuma ya Antoine Semenyo waguzwe mw'ikipe ya Afc Bournemouth.

Manchester City iherutse kugura Antoine Semenyo ukomoka muri Ghana.

Kuri ubu Manchester City ni iya kabiri muri Premier League n'amanota agera kuri 43 ikaba irushwa amanota 7 n'ikipe ya Arsenal ikicaye ku ntebe y'icyubahiro n'amanota 50, mu gihe shampiyona igeze ku munsi wa 22.

Chadadi Habimana

Ikipe y'Igihugu Amavubi yatandukanye n'uwari umutoza mukuru

Valens Nzabonimana — 2026-01-14T18:02:04Z

Nyuma y'uko Amavubi atitwaye neza mu mikino yashakagamo itike y'igikombe cy'isi. Ku ngoma y'umutoza ADEL AMOUROUCHE ibi byatumye FERWAFA isohora itangazo rihagarika uyu munya Algeria ndetse kandi andi makuru ahari nuko yagiye agasiga iyi kipe nta ruhushya ahawe bivugwa ko yaragiye gushaka abakinnyi bakina ku mugabane w'Uburayi.

Amavubi yatandukanye na Adel wari umutoza mukuru.

Ibi bije n'ubundi hari umubare w'abanyarwanda benshi batishimiye guhabwa inshingano zo kuyobora ikipe y'igihugu k'uyu mutoza, aho bavuga ko habayeho kwihuta gusezerera umutoza ya Frank Tortsen Spittler wari wagerageje gufasha Amavubi agasezererwa ku buryo abenshi bise ko butari busobanutse.

Adel Amouruche yirukanywe amaze gutoza imikino 6 yo gushaka itike y'igikombe cy'isi, muri iyo mikino 6 yatsinzwemo 4 atsinda 1 anganya 1 ibi byose rero byatumye atishimirwa n'abakunzi b'ikipe y'igihugu.

Uyu mutoza kandi icyo wamenya ni umutoza ufite izina ku mugabane w'Africa mu bijyanye n'ubutoza kuko yatoje amwe mu makipe akomeye harimo na Tanzania aheruka kujyana mu gikombe cy'Africa mbere yuko aza gutoza Amavubi, kandi yatoje andi makipe yo muri Africa y'Uburasirazuba nk'ikipe y'U Burundi ndetse na Kenya.

Ayo ni amakipe y'ibihugu naho amakipe asanzwe arimo USM ALGER yiwabo na DC Motema Pembe, ubu akaba yamaze gutandukana n'Amavubi nta tike nimwe ayasigiye kuko twasoje amatsinda tubanziriza Zimbabwe.

Egide Niyoyita

Dr. Mugemana Charles witabye Imana yari muntu ki?

Valens Nzabonimana — 2026-01-14T09:12:19Z

Dr. Mugemana Charles yari umuganga w'ikipe ya Rayon Sports FC mu Rwanda wari umaze imyaka irenga 30 ayivura kandi ayitaho mu bijyanye n'ubuzima bw'abakinnyi.

Akaba yari azwi cyane ku ruhando rw'umupira w'amaguru mu Rwanda kubera ubwitange bwe mu kazi.

Yitaye ku buzima bw'abakinnyi b'ibihe bitandukanye: abato, abakuze, abakinnyi b'ibyamamare n'abari bagitangira.

Yari azwiho: Kwihangana,gukunda abakinnyi nk'abana be kutareba inyungu ze bwite, ahubwo agaharanira inyungu z'ikipe.

Mu minsi ye ya nyuma, yararwaye igihe kirekire, yitabwaho n'abaganga mu Bitaro Bikuru bya Kaminuza bya Kigali (CHUK).

Yitabye Imana ku itariki ya 13 Mutarama 2026, inkuru yababaje cyane abakunzi ba Rayon Sports n'umupira w'amaguru muri rusange.

Uyu muganga yari azwiho ubwitange budasanzwe, kwicisha bugufi no gukunda akazi ke, aho yakoraga atitaye ku bihe byiza cyangwa bibi ikipe yanyuragamo.

Abakinnyi benshi bakiniye Rayon Sports bagaragaje ko Dr. Mugemana atari umuganga gusa, ahubwo yari umubyeyi n'inshuti yabafashaga mu bihe bikomeye by'imvune n'indwara.

Ubuyobozi bwa Rayon Sports FC bwatangaje ko urupfu rwe ari igihombo gikomeye ku ikipe n'umupira w'amaguru nyarwanda muri rusange, rushimira umusanzu we udasanzwe yatanze mu gihe kirekire yamaze akorera Gikundiro.

Abafana ba Rayon Sports, bise Dr. Mugemana umwe mu nkingi z'amateka y'iyi kipe, bagaragaje akababaro kabo ku mbuga nkoranyambaga, basaba ko izina rye ryahabwa icyubahiro gikwiye mu mateka y'ikipe.

Dr. Mugemana Charles asize izina rizahora ryibukwa nk'iry'umuganga wagize uruhare runini mu kubaka Rayon Sports atari mu kibuga, ariko mu buzima bw'abakinnyi bayo IMANA imuhe iruhuko ridashira.

Iranzi Shema Bonheur

Imurora Japhet agiye kujyana Musanze FC mu nkiko

Valens Nzabonimana — 2026-01-08T18:41:00Z

Imurora Japhet wahoze ari Team Manager akaba n'umutoza wungirje wa Musanze FC, agiye kujyana iyi kipe mu nkiko bitewe n'umwenda bamubereyemo.

Imurora amaze igihe afitanye ibibazo na Musanze FC

Iyi bombori bombori ije nyuma yaho uyu Imurora yakuwe mu nshingano zo kuba hafi muri Musanze FC nkuru, akoherezwa gutoza ingimbi (Junior ) ndetse byakomeje kuba mu bwiru kugeza naho ubuyobozi bwa Musanze FC bwagiye bumushinja kugambanira ikipe kugira ngo itsindwe.

Amakuru agera kuri MAMAURWAGASABO TV nuko mu mukino ufungura shampiyona 2025-2026 Musanze FC yatsindiwemo na Mukura i Huye bavuze ko Imurora Japhet bakunze kwita Drogoba ariwe wabagambaniye barawutsindwa.

Muri iyi minsi hagiye haba inama nyinshi zijyanye n'ubuhuza aho Komite nshya yacyuye igihe yari iyobowe na Tuyishimire Palacide bakunda kwita (Trump) ndetse na Komite iriho ubu iyobowe na Richard bagiye bakora inama yo kuganiriza Imurora mu rwego rwo koroshya ibi bibazo bafitanye.

Mu ibaruwa MamaurwagasaboTV yabonye yanditswe na Imurora Japhet ku wa 26 Ugushyingo 2025, isaba Musanze FC kubahiriza ibikubiye mu masezerano y'akazi impande zombi zagiranye ku wa 1 Nyakanga 2024 ikaba yaranditswe na Imurora igaragaza ibyo arimo kubasaba.

Uwari umutoza mu ikipe nkuru, asigaye atoza abana.

Muri iyi baruwa harimo kunoza, ibirebana n'umushahara, agahimbazamusyi n'itumanaho, ndetse yagombaga kujya ahembwa umushahara ungana na miliyoni (1.000.000Frw )buri kwezi ariko guhera mu kwezi kwa Nyakanga 2025 kugeza mu Ugushyingo akaba yaragiye abona umushahara utuzuye kuko ubu ahembwa ibihumbi 500 Frw gusa.

Uyu Imurora akomeza avuga ko agahimbazamusyi kangana na 100.000 Frw ku mukino Musanze FC yatsinze, hari imikino ine ikipe yatsinze ari Umutoza Wungirije ariko akaba atarigeze ayahabwa, naho ibirebana n'amafaranga 15000 Frw y'itumanaho ya buri kwezi guhera muri Kanama 2025 kugera mu Ugushyingo akaba atarayahawe ibi byose bikubiye muri iyi baruwa asaba ko byubahirizwa.

Amafaranga yose ikipe imugomba avuga ko angana na Miliyoni (2.960.000 Frw,) ndetse ngo hashize imyaka 14 itamutangira imisanzu y'ubwiteganyirize (RSSB)

Muri iyi baruwa Imurora yagize ati“Mboneyeho kubamenyesha ko muhawe igihe cy'iminsi itanu y'akazi muhereye igihe muboneye iyi baruwa, kugira ngo mube mwakemuye ibibazo nabagaragarije kuko ari uburenganzira bwanjye bikaba inshingano zanyu, mutabyubahiriza, nkifashisha inzego z'ubutabera zibifitiye ububasha.”

Yakiniyeho iyi kipe ya Musanze FC

Ikindi ngo ubuyobozi bwamusabye gusinya andi masezerano mashya arabyanga ubu aho bigeze ubu barimo kumutega umutego wo kwandika ibaruwa asezera akazi mu rwego rwo kugabanya ibyo bagomba kumuha mu gihe yaba abatsinze mu rubanza.

Imurora Japhet bakunze kwita Drogoba yasezeye gukina umupira w'amaguru muri 2021, yakiniye Musanze FC imyaka 10 ndetse yahise ahabwa akazi.

Amakuru agera kuri MAMAURWAGASABO TV nuko biteganyijwe ko taliki ya 09 Mutarama 2026 aribwo ubuyobozi bwa Musanze FC buzitaba ishyirahamwe ry'umupira w'Amaguru mu Rwanda (FERWAFA) kugira ngo baganire kuri iki kibazo cya Imurora Japhet.