Mama U rwagasabo

Miss Rwanda wa 2020 Naomie NISHIMWE yamuritse igitabo cye "MORE THAN A CROWN"

Valens Nzabonimana — 2025-12-15T12:23:04Z

Miss Rwanda 2020 NISHIMWE Naomie yamuritse igitabo cye yise"MORE THAN A CROWN" Ku mugoroba wo kuri iki Cyumweru tariki 14 Ukuboza 2025 ni ibirori byabereye muri Kigali Convention Center (KCC).

Ibyamamare bitandukanye byari muri uyu muhango.

Ni ibirori byitabiriwe n'ibyamamare bitandukanye birimo abegukanye ikamba rya Miss Rwanda mu bihe bitandukanye barimo Miss Mutesi Jolly, MUHETO Divine, IRADUKUNDA Liliane na NIMWIZA Meghan.

Hari Kandi abandi bakobwa bitabiriye Miss Rwanda barimo MUYANGO Claudine, KAYUMBA Darina, UWICYEZA Pamella na UMUNYANA Shanitah n'abandi barimo abahanzi mu njyana zitandukanye barimo Juno kizigenza, Bull dog Ruti Joel na Christopher ndetse Kandi ibi birori byitabiriwe n'inshuti ze zitandukanye, abavandimwe be n'abakunzi be muri Rusange.

Miss Naomie yashimye buri umwe buri umwe wagize uruhare muri uru rugendo rwe n'abamubaye hafi bose ndetse ashimira abitabiriye ibi ibirori aho yavuze ko ari intambwe ikomeye ku buzima bwe kuba abashije kumurika igitabo kuvuga ku buzima bwe.

Yagize ati"uyu munsi mwakoze cyane kuza, Ndashima Imana yatumye uyu munsi ushobora kubaho, ntewe ishema nanjye ubwanjye kuba nabashije kwandika iki gitabo. Mfite amashimwe kuri buri umwe wagize uruhare mu kugirango ibi mbigereho".

Abarimo umugabo wa Miss Naomie , Michael Tuesday bafashe ijambo bashimira byimazeyo NISHIMWE Naomie kubwo umuhate yagaragaje mu kwandika iki gitabo gikubiyemo byinshi k'ubuzima bwe.

Muri ibi birori Kandi abantu batandukanye bitabiriye iki gikorwa baguze iki gitabo ku bwinshi aho igitabo kimwe cyaguraga ibihumbi mirongo ine (40kRfw), Miss Mutesi Jolly yaguzemo ibitabo 100 agahamya ko ari ibyo gufasha Mugenzi we Miss Naomie kugeza ahantu hanyuranye igitabo cye.

Miss Naomie yavuze ko yifuza kuzenguruka ibigo by'amashuri bitandukanye asobanurira abana bakiri bato ibikubiye mu gitabo cye akazagira n'umwanya wo kuzajya kukimurika mu bihugu bitandukanye ku mugabane wa Afurika, Amerika n'Uburayi. Yongeyeho ko iki gitabo ubu wakibona ku maguriro atandukanye kubari mu Rwanda ndetse kandi abari hanze y'u Rwanda bakibona banyuze ku rubuga rwa Amazon.

Yvette NIYIGENA

Kivu Beach Expo na Festival bigiye gukomereza mu Rutsiro

Valens Nzabonimana — 2025-11-15T12:20:17Z

Mu rwego rwo gukomeza imyiteguro y'iserukiramuco n'imurikagurisha ryiswe Kivu Beach Expo And Festival byateguwe na Yirunga LTD ifatanyije n'akarere ka Rutsiro kikazabera mu murenge wa Boneza mu rwego rwo kuzamura ibikorwa by'ubukerarugendo bushingiye ku muco muri aka karere.

Mu karere ka Rutsiro hamwe mu hantu hamaze kugezwa inyubako nziza.

Bamwe mu bafite ibikorwa by'ubukerarugendo muri uyu murenge byumwihariko mu nkengero z'ikiyaga cya Kivu barimo na Hon Odette Nyiramirimo ufite Hotel yitwa Ruchel na mugenziwe ufite KaySun Hotel ku nkombe z'ikiyaga cya Kivu bavuze ko iki gikorwa bacyishimiye cyane mu rwego rwo kuzamura ubukerarugendo muri aka karere kandi bakaba bakitezeho kuzamura umubare w'abahagana.

Harimo umukino wo gukataza (Hiking) aho abasiganwa bagenda 20km, uyu umukino uzatangiza Expo usorezwa kuri Palega Beach Inn, umukino umeze nka Tenis Badmethon uzakinirwa kuri Kay Sun Hotel ibarizwa ku gice cy'amahoteli cya Kariba, amarushanwa yo gutwara amato.

Hari ahantu nyaburanga ho gusura muri Rutsiro.

Umuyobozi w'umurenge wa Boneza Munyamahoro Muhizi Patrick aganira n'itangazamakuru yavuze ko iki gikorwa giteganyijwe mu mpera z'uyu mwaka kizatuma akarere ka Rutsiro by'umwihariko Umurenge wa Boneza uza ku rundi rwego mu rwego rw'ubukerarugendo bushingiye ku muco.

"Aha hari ibyiza byinshi nyaburanga bigaragara muri uyu murenge birimo ikiyaga cya Kivu, ibirwa bito n'ibinini, inka z'inyambo zizwi kuba i Nyanza ariko izo muri uyu murenge zo zikaba zifite umwihariko wo koga zikambuka i Kivu, Inyoni n"ibiti bitandukanye biba mu birwa byo mu mazi rwagati n'ibindi byinshi birimo amahoteri agezweho byose bitatse inkengero z'ikiyaga cya Kivu".

Palega Beach Inn ahazabera Expo.

Ibirori bya Kivu Beach Expo and Festival biteganyijjwe kuzaba mu ntangiriro z'ukwezi k'Ukuboza kuva kuwa 09-15/12/2025 bikazabera mu busitani bugari bwa Palega Beach Inn ahitegeye neza ikirwa cya Bugarura gituwe n'abaturage basaga 2,000.

Muri Kivu Beach Expo and festival i Rutsiro bwa mbere hazabera ibirori by'Ubwato
Boat Party kuwa 13-14/12/2025 aho abazabyitabira bazasusurutswa n'abahanzi batandukanye n'abavanga umuziki bagezweho bazaba bavanga umuziki ari nako abitabiriye barya banywa mu kiyaga rwagati.

Mahirwe Eulade

Rubavu: Hafunguwe Kivu Beach EXPO & Festival 2025

2025-07-08T08:07:14Z

Kuri uyu wa Mbere, i Rubavu, hafunguwe iserukiramucogurisha ryiswe Kivu Beach Expo & Festival 2025 yateguwe na kompanyi ya Yirunga Ltd ku bufatanye n'Intara y'Iburengerazuba, ikaba yaratangiye ku itariki 03 Nyakanga biteganyijwe ko izageza ku itariki 31 Kamena 2025, ku nkengero z'ikiyaga cya Kivu.

Ubwo Umuyobozi w'Akarere ka Rubavu, yafunguraga KIVU Beach EXPO & FESTIVAL 2025.

Ryafunguwe ku mugaragaro n'Umuyobozi w'Akarere ka Rubavu, Mulindwa Prosper, ari kumwe kandi n' Umuyobozi wa YIRUNGA Ltd, witwa Iyaremye Yves.

Uyu muyobozi wa Yirunga Ltd, yemeza ko hari byinshi byo kwitega muri Kivu Beach Expo & Festival 2025, kubaryitabira.

Yagize ati " Ibyo tubasaba ni ugukomeza kuza no gukomeza kugirango bakomeze babone ibyiza twabateguriye, birimo ibimurikwa, guhaha, kwishima, kuko iyi mpeshyi irakomeje, ni ibyiza byinshi bagomba kubona hano".

Harimo n'ibimirikwa bishingiye ku bukerarugendo bushingiye ku muco.

Umuyobozi w'Akarere ka Rubavu, Mulindwa Prosper, yashimiye abateguye kino gikorwa, aho agaragaza ko kizafasha mu guteza imbere ubukerarugendo muri kano Karere ka Rubavu.

Ati " Niyo mpamvu mbashimira ko muri iyi minsi muri gutanga umusanzu wanyu ku bukerarugendo bwa Rubavu kandi mukaba mwagaragaje n'ibundi by'iciro by'ubukerarugendo bidakunzwe kwitabwaho mu Karere ka Rubavu, biza byiyongera ku byo dusanganywe harimo ubukerarugendo bukorerwa ku mwaro w'ikiyaga cya Kivu."

Hari n'uburyo bwateguwe bwo gukunganira abashaka gukora ingendo mu mazi.

Abateguye iki gikorwa bemeza ko kizagira uruhare rukomeye mu kuzamura ubukungu bw'Intara y'Iburengerazuba, binyuze mu kongera amahirwe y'ishoramari, ubukerarugendo n'itumanaho ryambukiranya imipaka.

Mahirwe Eulade

Madederi muri Papa SAva yasezeranye n'umukinnyi wa ruhago

2025-03-25T08:07:53Z

Dusenge Clenia wamamaye muri Film z'uruhererekane za Papa Sava nka Madederi yasezeranye imbere y'amategeko na Rugamba Majabo Faustin uzwiho guconga ruhago mu Rwanda.

Uyu Rugamba Faustin bakunze gutazira akazina ka Côte Fort kubera guconga ruhago niwe urongoye Madederi.

Ni umuhango wo gusezerana imbere y'amategeko kwaba bombi wabereye mu Karere ka Rwamagana.

Madederi n'umukunzi we Rugamba Faustin bamaze igihe bakundana, gusa urukundo rwabo rwasakaye cyane ubwo Rugamba yahaga Madederi impano y'imodoka mu mwaka 2023.

Madederi yongeye kurongorwa mugihe ubusanzwe ari n'umubyeyi w'umwana yabyaranye n'uwari umugabo witwaga Ngiruwonsanga Innocent aho bari barasezeranye imbere y'amategeko mu 2017 ariko bakaza gutandukana ku bwumvikane.

Uyu Rugamba Faustin yakiniye amakipe y'umupira w'amaguru atandukanye mu Rwanda, arimo Zebra FC, Interforce, Musanze FC ndetse n'amwe yo muri Leta Zunze Ubumwe za Amerika.

Uyu mukunzi mushya wa Madederi yakomereje ubuzima muri Amerika akaba ari naho akora ubushabitsi.

Icyamamare John Legend yageze mu Rwanda

2025-02-21T08:06:24Z

John Legend utegerejwe mu gitaramo cya Move Afrika, yageze i Kigali mu gitondo cyo kuri uyu wa Gatanu tariki 21 Gashyantare 2025.

Yageze ku Kibuga cy'indege cya Kanombe ari kumwe n'umugore we, Chrissy Teigen, usanzwe ari n'umunyamideli ukomeye.

Igitaramo cya ‘Move Afrika' gitegerejwemo John Legend kiraza kubera muri BK Arena ku mugoroba wo kuri uyu wa 21 Gashyantare 2025, aho aza guhurira ku rubyiniro n'abarimo Bwiza na DJ Toxxyk.

John Legend abaye umuhanzi wa kabiri ukomeye utumiwe mu gitaramo cya Move Afrika, nyuma ya Kendrick Lamar.

Iki gitaramo cya John Legend kigiye kuba ku bufatanye bw'Umuryango mpuzamahanga uvuganira abaturage, ugamije kurandura ubukene, Global Citizen; ubinyujije muri gahunda ya Move Africa ku bufatanye n'Urwego rw'Igihugu rw'Iterambere, RDB.

Global Citizen ihuza muzika na politiki kugira ngo hakorwe ubukangurambaga bushingiye ku bikorwa, ibirori byerekanwa imbonankubone ku Isi hose, inama z'abayobozi, n'ibindi kugira ngo bikemure ibibazo byihutirwa byugarije ikiremwamuntu.

Umuntu Muremure n'umugufi ku Isi bahuye

2024-11-22T10:03:58Z

Umugore ufite uburebure buruta ubw'abandi ku Isi yahuye na mugenzi we w'umugore nawe ufite ubugufi bukabije nawe ku Isi, baganira ku duhigo bihariye kurusha abandi kuri uyu mugabane.

Umuhuro wa Rumeysa Gelgi wa metero 2.16 z'ubutebure wo muri Turkey na Jyoti Amge wa santimetero 62.8 wo mu Buhinde wabereye i Londre mu Bwongereza, basangira icyayi cya kumanywa, aho bishimiraga ibyo buri umwe afite bitandukanye n'iby'undi mu duhigo tw'Isi.

Umuremure afite imyaka 27 mu gihe umugufi afite imyaka 30.

Bombi kandi bafite ibyo bazwiho bakira neza, kuko Rumeysa asanzwe ari umushakashatsi akanakora akora porogaramu za mudasobwa muri Turkey mu gihe Amge asanzwe ari kimenyabose mu gukina filme mu Buhinde zisetsa abantu.

Gasongo Rumysa yitoye amanura ijwi abwira abwira Amge ati: "Uri mwiza cyane!" Undi nawe asunika ijwi ati: "Urakoze-Nawe nuko", maze umunezero wabo utangira ubwo.

Isoko: Washington Post

Inkuru ya Jennipher Hassan yashyizwe mu kinyarwanda na Samuel Mutungirehe

Platini na Ingabire babonye gatanya

2024-07-20T05:09:33Z

Urukiko rw'Ibanze rwa Nyamata rwemeje ubwumvikane bwabo bwo gutandukana burundu kwa Nemeye Platini na Ingabire Olivia.

Aba bari baherutse gusaba Urukiko ko rwakwemeza gatanya barusabye, rugasesa isezerano bagiranye mu 2021 ubwo bemeranyaga kubana uko babyiyemeje bakabyemereza imbere y'amategeko.

Urukiko rw'Ibanze rwa Kicukiro rwemeje ubwumvikane bwabo, rwemeza ko batandukanye burundu ndetse rusesa amasezerano bagiranye ndetse rwemeza ko bazandukurwa mu gitabo cy'irangamimerere mu Murenge wa Remera aho bari basezeraniye.

Ikindi Urukiko rwemeje ni uko Platini na Ingabire bemeranyije ko nta mwana bafitanye.

Urukiko rwemeje ko umutungo utimukanwwa ugizwe n'ibikoresho byo mu nzu byagabanywe mu bwumvikane.

Ku rundi ruhande Urukiko rwemeje ko inzu bari bafitanye mu Karumuna ho mu Karere ka Bugesera iguma ari iya Platini ndetse igomba guhita imwandikwaho wenyine.

Urukiko rwibukije ababuranyi ko ibyo bumvikanye bigomba guhita bishyirwa mu ngiro bahereye umunsi urubanza rwaciriweho ndetse rutegeka ko iki cyemezo gihita gishyirwaho inyandiko mpuruza.

Ikindi Urukiko rwibukije ababuranyi ni uko iki cyemezo kitajuririrwa.

Umuhanzi Nemeye Platini wamenyekanye nka Platini P niwe witabaje Urukiko rw'Ibanze rwa Nyamata, mu gusaba gatanya n'umugore we, Ingabire Olivia bari barasezeranye mu 2021.

RIB yataye muri yombi abakorera kuri Youtoube kubera amashusho yise urukozasoni

2024-05-09T09:27:51Z

Abantu batandatu batawe muri yombi n'Urwego rw'Ubugenzacyaha RIB rubakekaho gushyira ahagaragara amashusho yerekeranye n'imikoreshereze y'ibitsina hakoreshejwe mudasobwa cyangwa urusobe rwa mudasobwa.

Ni ibyaha RIB ivuga bakoze babinyujije mu biganiro binyuzwa ku muyoboro wa YouTube, bikaba bigize icyaha cyo gukora ibiterasoni mu ruhame n'icyaha cyo gutukana mu ruhame.

Mu batawe muri yombi barimo Gasore Pacifique uzwi nka 'Yaka Mwana' w'imyaka 38, Mukamana Francine w'imyaka 24, akaba akoresha shene ya YouTube izwi nka Fanny TV 250 na Iradukunda Themistocles uzwi nka T. Bless w'imyaka 27, akagira shene ya YouTube izwi nka Kigali Magazine.

Harimo kandi Uwase Natasha w'imyaka 20, Uwimana Jeannette uzwi nka Gaju w'imyaka 20 ndetse na Mugwaneza Christian w'imyaka 26, akaba afata amashusho anyuzwa kuri za shene ya YouTube.

Igihe dukesha iyi nkuru cyanditse ko aba bose bakurikiranyweho ibyaha bakoze mu bihe bitandukanye aho bakoraga ibiganiro kuri shene za YouTube zitandukanye zirimo Kigali Magazine, Umurava YouTube Channel, Sawa sawa show na Iryakabagari TV.

Abafashwe bafungiye kuri Sitasiyo ya RIB ya Nyamirambo, mu gihe dosiye zabo ziri gutunganywa kugira ngo zoherezwe mu bushinjacyaha. Icyakora dosiye ya Mukamana Francine na Uwase Natasha zamaze koherezwa mu Bushinjacyaha.

Icyaha cyo gushyira ahagaragara amashusho yerekeranye n'imikoreshereze y'ibitsina hakoreshejwe mudasobwa cyangwa urusobe rwa mudasobwa giteganywa n'ingingo ya 34 mu gitabo cy'amategeko ahana, No 60/2018 ryo ku wa 22/8/2018 yerekeye gukumira no guhana ibyaha bikoreshejwe ikoranabuhanga.

Abagikoze baramutse bahamwe n'iki cyaha, bahanishwa igifungo kuva ku myaka itatu ariko itarenga itanu, n'ihazabu kuva kuri miliyoni 1 Frw ariko atarenze miliyoni 3 Frw.

Gukora ibiterasoni mu ruhame ni icyaha giteganywa n'ingingo ya 143 y'itegeko riteganya ibyaha n'ibihano muri rusange. Uhamwe n'iki cyaha ahanishwa igifungo kuva ku mezi atandatu, ariko nanone iki gihano ntikirenza imyaka ibiri.

Gutukana mu ruhame ni icyaha giteganwa n'ingingo ya 161 y'itegeko riteganya ibyaha n'ibihano muri rusange.

Uhamwe n'iki cyaha ahanishwa igifungo kuva ku minsi 15 ariko ntarenze amezi abiri, ndetse n'amafaranga kuva ku bihumbi 100 Frw kugera ku bihumbi 200 Frw. Ashobora kandi guhanishwa gukora imirimo y'inyungu rusange mu gihe kitarenze iminsi 15, cyangwa kimwe gusa muri ibyo bihano.

Umuvugizi w'Urwego rw'Igihugu rw'Ubugenzacyaha (RIB) Dr Murangira B. Thierry yavuze ko “abafite imiyoboro ya YouTube, Instagram, Facebook, RIB irabasaba kuyikoresha mu murongo w'amategeko.”

“Ntabwo bikwiye kuyigira imiyoboro yo kwamamaza no gukwirakwiza ibikorwa by'urukozasoni, ubusambanyi cyangwa amashusho amagambo y'imikoreshereze y'ibitsina, kugira ngo bagwize ababareba. Ibikorwa byo guha udufaranga abantu bikorwa na ba nyiri shene bakabategeka kuvuga cyangwa gukora ibiterasoni mu ruhame ntabwo bikwiye.”

Yakomeje avuga ko “RIB iributsa abaturarwanda cyane cyane urubyiruko kwirinda kwishora mu bikorwa by'urukozasoni. Urubyiruko ruragirwa inama yo kubyaza umusaruro amahirwe ari mu gukoresha imbuga nkoranyambaga ariko bagendera mu nzira ziteganywa n'amategeko.

Abandi banyamakuru bakomeye bagiye kurushinga

2023-05-22T10:09:54Z

Umunyamakuru Ismael Mwanafunzi uzwi mu gukora ibyegeranyo bicukumbye byigaruriye amatwi ya benshi mu Rwanda, agiye kurushinga na mugenzi we MAHORO Claudine wamenyekanye kuri TV10.

Bitangiye kumenyekana ko abahuje umwuga, cyane cyane mu itangazamakuru mu Rwanda ko bahitamo kubana nk'umugabo n'umugore.

Mu kiganiro kigufi Mwanafunzi yagiranye na PRIMO.RW yemeje amakuru y'ubukwe bwe na Mahoro Claudine, ashimangira ko bamaze igihe mu rukundo n'ubwo byari hagati yabo gusa n'izindi nshuti zabo nkeya.

Yavuze ko ubukwe bwabo buteganyijwe taliki 1 Nyakanga 2023, aho imihango yose Gusaba no Gukwa ndetse no Gusezerana imbere y'Imana bizabera i Butare.

Yagize ati “Nibyo koko ubu ndi kwitegura kurushinga n'uwo tumaze iminsi mu rukundo. Ni Mahoro Claudine. Ibirori bizabera mu Majyepfo y'u Rwanda mu Karere ka Huye. Imihango yose [Gusaba no gukwa ndetse no kwakira inshuti n'imiryango] izabera Musée Ethnographique iherereye i Huye.”

Mwanafunzi avuga ko imyiteguro y'ubukwe bwabo irimbanyije.

Abagana BK Arena bashyiriweho uko baryoherwa n'uburanga bwayo

2023-05-09T09:24:23Z

Yanditswe na Mutungirehe Samuel

Ibigo bya Kigali City Tour (KCT) na QA Venue Solutions Rwanda bazanye agashya ko gutembereza abashyitsi bashaka kwihera ijisho ubwiza bw'inyubako ya BK Arena.

Ni serivisi yatangijwe ku wa gatanu tariki ya 5 Gicurasi 2023 yiswe "BK Arena Guided tours."

Ni gahunda igamije gutembereza abantu inyubako ya BK Arena iherutse gushyirwa mu biganza Banking ya Kigali (Bank of Kigali) mu 2022 ikanayitirirwa.

Iyi nzu mberabyombi isanzwe yakira inama, amarushanwa yaba ayo mu gihugu n'ayari ku rwego mpuzamahanga atandukanye.

Iyi nzu kandi, iherereye i Remera mu iruhande rwa Stade Amahoro, ni iya mbere nini yakira abantu benshi mu bihugu byo mu karere ka Afurika y'Iburasirazuba (EAC).

Mu kiganiro n'abanyamakuru, Umuyobozi Mukuri ushinzwe gutembereza abagana iyi nyubako, Aaron Gaga, yavuze ko iyo serivisi ije yiyongera ku buryo bwo kwamamaza busanzwe butuma yakira imikino n'imyidagaduro igera kuri 200 mu mwaka.

Ati: "Iyi Arena ifite ahantu henshi wasura ukanigira byinshi hatarafungurirwa abantu. Urugero, abagutembereza bagufasha kumenya amateka, serivisi zitangirwa hano, n'ibindi birimo nk'ibyicaro abayobozi bakuru bicaramo barebaimikino ya basketball mwese muzi."

Umuyobozi Mukuru w'agateganyo wa Kigali city tour, David Ndiwalana, avuga ko iyi serivisi igiye kuba akarusho ku zindi zisanzwe zihabwa ba mukerarugendo bagana igihugu.

Umuyobozi w'Imwe muri kompanyi zitembereza abantu, Ikaze tours, Yves Nkundabagenzi yavuze ko nk'ikigo gikorana na BK na KCT igiciro kiriho ubu kizavugururwa mu mezi atatu ari imbere.