Mama U rwagasabo

Urubyiruko rw'u Rwanda rutinya kubaka ingo kubera ubukungu n'inkwano ihenze

Chadadi Habimana — 2026-01-20T12:12:16Z

Mu Rwanda, icyemezo cyo kubaka urugo ntikikiri igishingiye ku rukundo gusa, ahubwo kiragenda gihinduka icyemezo gishingiye ku bushobozi. Kuri ubu, urubyiruko rwinshi ruvuga ko gutinya gushaka no gushinga ingo biterwa ahanini n'ubukungu bukomeje kugora imibereho ya buri munsi.

Abasore benshi bavuga ko kubura akazi, umushahara muto, inkwano ihenze n'ibiciro by'ibanze bikomeje kuzamuka bituma bumva ko kubaka urugo ari umutwaro batabasha kwikorera. Naho inkumi, zimwe zivuga ko gutinya gushaka guterwa no kubona ingo nyinshi zidahagaze neza bitewe n'ibibazo by'amikoro n'imibanire.

Ubukwe ni kimwe mu bimenyetso birambye byo kubaka umuryango

Mu mijyi n'icyaro, urubyiruko ruvuga ko urukundo rutakibanza imbere y'ubushobozi. Bamwe bavuga ko ari byiza gutegereza kurusha kwinjira mu rugo umuntu atiteguye inshingano zarwo.

Impuguke mu by'imibanire zivuga ko kubaka urugo atari amarangamutima gusa, ahubwo ari icyemezo gisaba gutekereza, kuganira no kwiyemeza. Basaba urubyiruko kubanza kwitegura mu mutwe, mu bukungu no mu myitwarire, ndetse bakaganira n'ababyeyi bakabagira inama.

Abakuru mu muryango nabo basanga ikoranabuhanga n'ibigezweho biri mu bituma bamwe mu rubyiruko batinda gufata icyemezo cyo kubaka, kuko bihatira kugereranya ubuzima bwabo n'ubw'abandi babona ku mbuga nkoranyambaga.

Mu bukwe abantu barahura bagasabana.

Nubwo bimeze bityo, hari abemeza ko kubaka urugo hakiri amahitamo ashoboka iyo habayeho kwiyemeza, kuganira no kwitegura neza, aho gutegereza kuba uwahiriwe mu bukungu.

Isoko y'Amafoto: Google Gemini

Rosine Nzakizwanimana

Nyagatare: Abakiribato bifuza ko bahabwa amasomo ku mateka y'igihugu mu buryo bwihariye bakarushaho kumenya ahahise h'igihugu

Valens Nzabonimana — 2025-10-02T06:40:38Z

Urubyiruko rwo mu Ntara y'Iburasirazuba ruvugako kuba hatariho amasomo yihariye ku mateka y'igihugu biri mu bituma ubumwe n'ubudaheranwa butagerwaho ijana ku ijana ibi babitangaje ubwo mu karere ka Nyagatare batangizaga ukwezi kwahariwe ubumwe n'ubudaheranwa mu banyarwanda.}} }

Urubyiruko rwo mu Burasirazuba rukeneye amasomo y'amateka y'Igihugu.

Ni bamwe mu batuye mu karere ka Nyagatare biganjemo abakiri bato bagaragaza ko kuba nta buryo bwagenwe nyuma y'ishuri bahabwamo amasomo ku mateka y'igihugu biri mu bituma ubumwe n'ubudaheranwa butagerwaho ijana ku ijana.
Emmanuel Munezero aba muri komite y'urubyiruko Mu murenge wa Kiyombe arasobanura impamvu

"urubyiruko akenshi turimo kugorwa no kubona amasomo akwiriye usanga ababyeyi batubyara aribo barimu bacu bityo bakaba bayagoreka cyangwa bakayaguha atuzuye"

Umuyobozi w'akarere ka Nyagatare wungirije ushinzwe imibereho mwiza madame Murekatete Juliet avuga ko bagiye gukoresha ingeri zitandukanye abakiri bato nabo bakaba bamenya amateka y'igihugu cyabo.

Murekatete Juliet umuyobozi w'akarere ka Nyagatare wungirije ushinzwe imibereho myiza y'abaturage.

Mu magambo ye yagize ati"dufite inteko tuzabasangayo hari Kandi n'amaradiyo bashyiraho bakumva gahunda z'igihugu ndetse n'ubundi buryo butandukanye tuzabagezaho"

Nk'uko ubushakashatsi bwabogaragaje igipimo cy'ubumwe n'ubudaheranwa mu mwaka wa 2010 bwari kuri 82.1 naho mu mwaka wa 2020 igipimo kikaba kigaragaza ko byageze kuri 94.7

HAKIZIMANA Fisto

Huye: Ingo ziri gusenyuka zitamaze kabiri

Valens Nzabonimana — 2025-09-27T01:01:26Z

Mu karere ka Huye umurenge wa Tumba akagari ka Mpare hari abaturage bavuga bahangayikishijwe n'isenyuka ryingo za bamwe rubyiruko zitamaze kabiri ngo ahanini biterwa no kuba barashakanye bataziranye kandi umwe akurikiye imitungo kuwundi.

Abanyarwanda bo hambere bajyaga gushyingiranwa imiryango iziranye kandi bose ntamakemwa kimwe mu byatumaga ingo za kera zishinga zigakomera ariko kuri ubu ngo siko bimeze kuko ubu umukobwa n'umuhungu basigaye bahura budakeye kabiri bagapanga ubukwe ejo ugasanga ngo batandukanye nkuko bamwe mu baturage batuye mu kagari mpare umurenge wa Tumba akarere ka Huye babivuga.

Mutuyima Dephine utuye I Mpare ygize ati “Ibyo bintu rero muri iyi minsi birenze, ubundi umugabo uragenda ugashaka umugabo ukava iwanyu ariko noneho muri iki gihe ntabwo ari umwe ntabwo ari babiri ibyo byo gusenya byo byose ni ibintu bireze mu rwanda. Reka nkuhe nk'urugero kuri ngewe ubu duhagararanye mfite abana batatu ariko papa wabo ntabwo turi kumwe noneho twarashwanye nyine ahigira indaya nanjye nkayigira abana banjye”.

Undi nawe ati “Nanjye mbona gutya ngo basezeranye ejo batandukanye umwe ngo yaciye undi nyuma nonese nkubungubu uzamenyana n'umuhungu uri muri amerika wowe uri ino I Mpare ntimuziranye umuzi kuri telefone ubwo se urwo rugo ruzamara kangahe”?

Aba baturage ariko batunga agatoki bamwe mu rubyiruko rumara kubana ugasanga barahunga inshingano z'urugo bimwe bitera intandaro y'amakimbirane no gutandukana.

Regine ni umuturage w'I Mpare yagize ati “Ibyo nge uko mbibona akenshi biterwa n'umuntu ku giti cye, kuko ntago wavuga ngo umuntu yashinze uyu munsi ejo rurasenyutse kandi hari n'abandi bazifite zikomeye. Yakomeje avuga ko ahanini biterwa no kuba umumama atamenya inshingano ze, kuko buri wese amenye n'umupapa bikaba uko ati “mwagakwiye kubiganiraho mugahuriza hamwe iyo hatabayeho guhuza rero nubundi birasenyuka”.

Kamana Andrew ni umuyobozi w'ungirije w'akarere ka Huye ushizwe iterambere ry'ubukungo aragira inama uru rubyiruko.

Ati “Abantu nibajijukire umurimo bakore aho kugira ngo utegereze ngo njyewe nzagenda nkurikiye ibyakozwe na kanaka, wowe ujyanye iki mbere yo kugirango uvuge ngo kanaka ni we uzanyubakira niwe uzantunga kuri byose. Inama tugira abantu rero kuruta uko ushobora kuvuga ngo ngewe mfite ikimero cyiza, ndasa neza. Ibyongibyo uyu munsi ntabwo bishobora kubaka urugo abantu rero nibarebe kure yo kujya kubaka avuga ngo ngewe ngiye kurwigeramo hanyuma mu gihe gitoya yumve yuko haza kubaho ikibazo icyo kuvuga ngo agiye gutana, banazirikana yuko iyo bamaze kubyara ingaruka nziza ku miryango baba bubatse”.

Mu mibare iheruka mu mwaka wa 2022/23, inkiko z'u Rwanda zemeje gatanya za burundu 3075 ku bashakanye mu buryo bwemewe n'amategeko. Raporo y'Urwego rw'Ubucamanza mu Rwanda igaragaza ko imiryango 2,833 ariyo yatse gatanya mu 2023.

Moise Munyaneza

Musanze: Ubusinzi Intandaro y'amakimbirane mu miryango

Valens Nzabonimana — 2025-09-25T08:03:51Z

Ikibazo cy'ubusinzi bukabije ni kimwe mu bibazo bikomeje gutiza umurindi amakimbirane mu miryango mu karere ka Musanze.

Ubusinzi n'ikibazo ku bashakanye.

Ibi byagarutsweho ubwo mu murenge wa Cyuve w'Akarere ka Musanze hatangizwaga icyumweru cyahariwe kwimakaza ihame ry'uburinganire mu Ntara y'Amajyaruguru.

Imiryango 35 yabanaga itarasezeranye yasezeranye.

Mu biganiro byo gusasa inzobe bakabwizanya ukuri byahuje abaturage na Minisiteri w'uburinganire n'Iterambere ry'umuryango bagaragaje ko ubusinzi bukomeje kuba umuzi w'amakimbirane aho ngo n'abagore batagitinya kujya kuringanira n'abagabo kuri Kontwari.

Minisitiri Uwimana Consolee yaganiye n'abaturage babwizanya ukuri ku bibazo byugarije umuryango.

Mukanoheri Annociata yagize ati'Impamvu mbona abagore bajya mu tubari nuko bumvise ihame ry'uburinganire nabi, Abagore bagenzi banjye bageza saa sıra z'ijoro bari mu tubari ibi rero nibyo bikurura y'amakimbirane ahanini mu miryango kuko ntabwo wahurira n'umugabo mu kabari ngo nutaha mubure kurwana.”

Meya w'akarere ka Musanze niwe wasezeranyije imiryango yabanaga itarasezeranye.

Undi muturage yagize ati”Muri musanze inzoga zirahari nyinshi kandi zose icyo ntaheruka kubona ni kanyanga, Nyakubahwa Minisitiri bya bibazo byose mwavuze biri mu miryango biterwa nubwo businzi bukabije hano, ibaze umugore kuri kontwari, umugabo kuri kontwari ubwo abana nihahandi bazaba inzererezi , bajye mu mirire mibi kuko babuze ubitaho.”

Nadine Gatsinzi umutoni Umugenzuzi mukuru w'Urwego rushinzwe kugenzura iyubahirizwa ryihame ry'uburinganire n'ubwuzuzanye bw'abagore n'abagabo mu iterambere ry'Igihugu GMO, yasabye abaturage kwirinda inzoga kuko ari ikintu kibi.

Ati”Ntabwo inzoga zubaka umuryango zirawusenya, niho uzumva abana bagwingiye, abana bishora mu biyobyabwenge, amakimbirane mu miryango by'umwihariko hano muri Musanze ubusinzi burakabije ngira Igihugu cyatangije gahunda ya tunyweless, Icyo twabwira abaturage ndetse n'abayobozi nukwirinda izi nzoga ntabwo zangiriza umuryango gusa ahubwo zangiriza n'ubuzima bwabo.”

Ibi kandi byashimangiwe na Minisitiri w'uburinganire n'Iterambere ry'umuryango Uwimana Consolee wari umushyitsi mukuru muri ibi birori.

Minisitiri yagiranye ikiganiro n'abaturage.

Ati”Umwana wabuze mama bimugiraho ingaruka kandi ubuzima bwe bwose, mbasabe rero badamu mugaruke mu nshingano, mugaruke mu rugo uburinganire ntabwo ari ukuringanira kuri kontwari ngo yatashye saa sita nanjye nzataha saa saba urwo rugo ntacyo rwageraho mbasabe icyo kintu mugikosore cyane muri Musanze birakabije.”

Muri Ibi birori kandi habayeho nigikorwa cyo gusezeranya imiryango irenga 30 yo mu karere ka Musanze yabanaga itarasezeranye.

Jean Claude Ndayambaje

Rubavu: Umuco wo gutabarana wagiye nka Nyomberi

Valens Nzabonimana — 2025-09-19T16:04:34Z

Bamwe mu baturage batuye mu Karere ka Rubavu, bavuga ko muri kano karere hakiri umuco mubi wo kudatabarana, aho umuntu ashobora guhura n'abagizi ba nabi bakarinda bamwica cyangwa bakamwambura ibyo afite agatabaza, ariko abari hafi aho bakabyumva bakaryumaho.

Ntarundenga Raheli, utuye mu Murenge wa Cyanzarwe, ni umwe mu bagaragaza iki kibazo.

Ntarundenga Raheli, utuye mu Murenge wa Cyanzarwe, ni umwe muri bano baturage bagaragaza kino kibazo ndetse atanga n'ingero.
Ati"Hari umukobwa baherutse gutemera muri Haiti ( ashaka kuvuga kamwe mu gace ko muri Rubavu), baramutema, bamutema amaboko, bashaka kumutema n'ijosi, abari aho ngaho mu gipangu muri Haiti ntihagira usohoka ngwamutabare".

Yakomeje agira ati" Hari n'undi uherutse gupfa ku Ikaragiro, umubyeyi yatatse cyane, ni umwisengeneza wanjye, nawe baramutemye ndetse baranamwica arapfa kandi hari abantu nawe ntibigeze bamutabara".

Ibi kandi bishimangirwa n'undi muturage twaganiriye, yagize ati"Umuturage akarinda aho arenganywa na mugenzi we w'igisambo, nuko nyine, nta no kuvuga, wakora no ku Munyesibo umwe, ngo reka da ntabwo ngiye gukubitwa".

Iki ni ikibazo kigararagazwa nk'igiteje inkeke, na bamwe mu baturage batuye muri kano Karere ka Rubavu, gahana imbibi n'Igihugu cya DRC.

Maniraguha Vestine, nawe atuye mu Murenge wa Cyanzarwe, nawe agaragaza kino kibazo ko gihari muri kano Karere ka Rubavu.

Maniraguha Vestine, nawe arabivuga.

Yagize ati"Hariho umuntu ugoganye n'umuntu runaka ari n'ijoro, yavuza akagoma abantu ntibamutabare, tuwuzi (umuco) ahantu bita muri Haiti, no muri za Murara, niho twumva ko abantu bagomba no kubicira mu muhanda, bagatabaza ntihagire umuntu ubatabara".

Mu gihe hari imvugo isabwa abaturage ngo bayishyira no mu bikorwa, aho basabwa gukumira icyaha kitaraba, mu gihe uyu muco wo kudatabara uri gukorerwa icyaha, utacika, birashobo ka ushobora kuyikoma mu nkokora muri kano karere, ndetse no gutezuka ku ishingano zo kugira uruhare mu kwicungira umutekano kubakigaragaza uyu muco unengwa.

Major General, Eugene Nkubito, ni Umuyobozi w'Ingabo z'u Rwanda mu Ntara y'Iburengerazuba, ni umwe mu banenga uyu muco wo kudatabarana.

Major General Eugene Nkubito, asaba abaturage kugira umuco wo gutabarana.

Ati"Kudatabarana, umuco Nyarwanda nabyo, ntabwo bibamo, iyo umuntu yaterwaga, akavuza induru, abandi baravugaga bati komera komera, siko byagendaga? Sikomera komera?Muracyabivuga? Buri muntu ni ukwirwariza? Ibyo byaje bite? Muze kutubwira ukuntu mutagitabarana, umuntu yatabaza ngo ni muntabara baranteye abajura, bati irwariza, wowe se uzatabarwa nande umunsi baguteye? Ubwo rero turasaba yuko uwo muco nawo ugaruka, wo gutabarana".

Eulade Mahirwe

Kirehe: Ubuharike bwabaye umuco

Valens Nzabonimana — 2025-09-11T06:21:58Z

Abaturage batuye mu murenge wa Nasho barataka ikibazo cy'ubuharike bavuga ko cyamaze kuba nk'umuco muri uyu murenge.

Aba baturage bavuga ko ubu byamaze kwemerwa nk'umuco aho usanga buri mugabo afite undi bacuditse abazwi nka [Shushu B]nyuma y'uwo babyaranye ufatwa nka A. Anite Mukeshimana ni umwe mu babyeyi twaganuriye nawe, avuga ko iki kibazo bamaze kukimenyera ati "ubu buri mugabo afite Shushu B ahubwo biba ikibazo iyo umugore wa mbere atabyumvise ngo yiyakire niho usanga abana batangiye guhura n'ikibazo.

Ndikumana Emmanuel nawe ati "nge ubwange mudugudu yanwariye umugore amujyana i Kayonza yanwaye ibintu byange byose ansigira abana".

Umuyobozi w'akarere wungirije ushinzwe imibereho mwiza madamu Mukandayisenga Janviere avuga ko ibyerekeye iki kibazo bakimenye ndetse bakaba baratangiye kwigisha umuryango muri gahunda ya Tugire umuryango mwiza.

Ikibazo cy'ubuharike gikunze guteza amakimbirane mu miryango ibiri gutuma imibare yagatanya yiyongera dore ko mu mwaka yagize abatse gatanya bageraga ku 2674

Ubuyobozi bw'akarere ka Kirehe buvuga ko bwatangiye kwigisha umuryango irangwamo amakimbirane mu rwego rwo guhangana n'iki kibazo.

Hakizimana Fisto.

Nyamasheke udatanze ikimasa ntiwabona umugabo

Valens Nzabonimana — 2025-09-02T08:37:34Z

Abakobwa bo mu karere ka Nyamasheke mu Murenge wa Gitambi bavuga ko kugira ngo umukobwa yubake urugo bimusaba guha umusore ikimasa cyangwa akakigurisha akamuha amafaranga.

Abakobwa bo mu murenge wa Karambi mu Karere ka Nyamasheke, bahamya ko kugira umukobwa abone umugabo babana bimusaba korora ikimasa, kugira ngo azakigurishe abone amafaranga yo guha umusore umurambagiza mbere yo kumugira umugore.

Ababyeyi n'ubuyobozi bahuriza ku mpungenge baterwa n'uwo muco wo gutanga ibimasa kugira ngo abakobwa babone abagabo babana nabo bagahamya ko ingo zubakwa umukobwa yatanze ikimasa zisenyuka vuba.

Uyu muco w'ubworozi bw'ibimasa mu bakobwa wiganje cyane mu murenge wa Karambi. Ni umurenge uhingwamo icyayi cyane aho abahatuye bahakorera amafaranga. Ayo bakuyemo bayagura amatungo yo kwiteza imbere abakobwa nabo bakayashora mu bimasa.

Nyirahabimana Ruth w'imyaka 22, afite ikimasa yaguze mu mafaranga yakuye mu cyayi. Uretse kwiteza imbere nawe yemeza ko kuri we kubona umugabo byoroshye kubera iki kimasa.

Uyu muco abatuye muri iyi mirenge bita guha ifumbire umukwe, bemeza ko ntacyo ubatwaye ariko hari n'abemeza ko hari abasore bawugize igikangisho ku buryo bahora batwara ibimasa by'abakobwa ntibabarongore.

Umwe mu basaza baganiriye na Mama urwagasabo TV yavuze ko ari ifumbire baha abakwe kugirango bafatanye kubakwa.

Ati "Narabiteguye nanjye nayihaye umukwe wanjye, nubwo atankwereye ariko aranyubaha, ni agafumbire duha umukwe. Njyewe mbona ntacyo bitwaye."

Ugiye gushaka umugabo ikimasa ngo arakijyana cyangwa akakigurisha amafaranga akayaha umusore , cyangwa yazamura inzu nawe agasakara.

Abaturage baho abato n'abakuru bavuga ko bimaze gufata intera muri Karambi kuko ngo hari n'ababana amafaranga yashira akamusubiza iwabo kuzana ayandi yayabura urugo rugasenyuka.

Hari bamwe bavuga ko kugurwa kw'abahungu kugira ngo barongore abo abakobwa , bigira ingaruka ku bakennye aho udafite amafaranga yo gutanga ku musore atabona umugabo.

Muri aka karere haba imico igiye itandukanye ugereranyije no mu tundi turere, uwamenyekanye akaba ari uw'isake bazimanira umukwe.

NDOLI Sitio

Rubavu: Ba Mutima w'urugo barashimirwa uruhare rwabo rukomeye mu iterambere, gusa ngo imihigo iracyakomeje

Valens Nzabonimana — 2025-08-27T15:48:56Z

Ku wa Kabiri, mu murenge wa Gisenyi, mu Karere ka Rubavu hateraniye Inama Rusange y' Inama y'Igihugu y'Abagore, yitabiriwe n'abagore baturutse mu mirenge itandukanye yo muri kano karere.

Iyi nama yitabiriwe n'abagore baturutse mu mirenge itandukanye yo mu Karere ka Rubavu.

Muri iyi nama kandi, hanasuzumiwemo ibyagezweho na ba Mutima w'urugo muri 2024-2025, ndetse no gusuzuma iyo mu mwaka ukurikiyeho wa 2025 - 2026.

Mu mwaka w'imihigo 2024-2025, akarere ka Rubavu, kasinye Imihigo ya ba Mutima w'urugo n'Inama y'Igihugu y'Abagore mu Karere ka Rubavu.

Iyi mihigo ikaba igabanyije mu nkingi 3 za Guverinoma y'u Rwanda, ari zo iterambere ry'ubukungu, iterambere ry'imibereho myiza ndetse n'iterambere ry'imiyoborere myiza. Iyi mihigo yose hamwe ikaba ari 8.

Uwineza Chantal, uhagarariye Inama y'Igihugu y'Abagore mu Karere ka Rubavu, yagaragaje ibizibandwaho mu mwaka w'ingengo y'imari yo mu mwaka 2025-2026, mu mihigo yaba Mutima w'urugo.

Uwineza Chantal, uhagarariye Inama y'Igihugu y'Abagore mu Karere ka Rubavu, yagaragaje ibyo bagezeho muri rusange

Ati"Gushishikariza umuryango kwihangira imirimo, guhuzwa n'amahirwe ahari abafasha kwikura mu bukene. Kugarura abana mu ishuri no kuribagumishamo, kurwanya guta ishuri kw'abana".

Yakomeje agira ati" Kurwanya imirire mibi n'igwingira mu bana, kwimakaza umuco w'isuku"

Muri iyi mihigo yaba Mutimawurugo kandi harimo, kurwanya ihotera rishingiye ku gitsina no gukumira inda ziterwa abangavu, kurwanya amakimbirane mu miryango".

Ubuyobozi bw'Akarere ka Rubavu, bushimira aba ba Mutimaburugo mu gufasha guteza imbere imibereho y'abaturage ndetse no mu iterambere ry'abo muri rusange.

Umuyobozi w'Akarere ka Rubavu, Mulindwa Prosper, nawe yitabiriye iyi nama.

Umuyobozi w'Akarere ka Rubavu Mulindwa Prosper, nawe wari witabiriye iyi nama, yagarutse no ku kamaro ko gukorera ku mihigo, ndetse ko ari n'ingenzi kuri ba Mutima b'urugo.

Yagize ati" Ibyo rero kuri ba Mutima w'urugo niyo mpamvu iyi mihigo yaje kugirango idufashe gukorera ku ntego kandi ikindi kiba mu mihigo habamo no gukorera hamwe, hakabamo kumenya ishingano za buri wese, akajagari kakavamo".

Uyu muyobozi yakomeje agira ati" Iyo umuhigo wanditse neza hari naho ushyira abazawushyira mu bikorwa. Igihe cyo kubishyira mu bikorwa buri wese agahabwa ibye".

Ibyagezweho naba Mutimawurugo muri uyu mwaka 2024 - 2025, muri kano Karere ka Rubavu, nkuko babigaragaza, nko mu musaruro wavuye mu bukangurambaga bwo kurwanya imirire mibi n'igwingira.

Nibura ngo hatewe ibiti by'imbuto ziribwa 2856, ngo hanakorwa uturima tw'imboga 72.

Hatanzwe amatungo magufi, harimo intama 20, zifite agaciro kagera Frw 2 600 000, ihene 5, zifite agaciro Frw 350 000, inkoko 103, zifite agaciro kagera Frw 825 000.

Ndetse banagaragaza ko hari abana bagera 34, bafashijwe kuvanwa mu kibazo cy'imirire mibi.

Eulade Mahirwe

Ubwumvikane ku nkwano bwakumira ihohoterwa rishingiye ku gitsina

2023-08-19T13:17:55Z

Hari abagore n'abakobwa bari mu miryango itandukanye iharanira iterambere no kurwanya ihohoterwa ry'umugore bavuga ko inkwano isigaye yarabaye kimwe mu bibazo abagore bamwe bahuriramo n'ihohoterwa rishingiye ku gitsina, aho umugabo wakoye yitwaza ko 'uwakoye akora aho ahaka'.

Ni ikibazo cyaganiriweho mu nama yahuje Abaharanira iterambere ry'umuryango, uburinganire n'ubwuzuzanye hagati y'abagabo n'abagore, yatumijwe n'Umuryango Rwanda Women Network kuri uyu wa Gatanu, barebera hamwe uko inkwano umusore akowa umukobwa itagira uruhande ibangamira ndetse banibaza niba ikuweho mu mihango y'ubukwe nkuko mu mategeko itakirimo byakakirwa neza n'imiryango yombi.

Bamwe mu bagore bahuriye muri iki kiganiro bavuze ko hakwiye gukorwa ibiganiro bivuga cyane ku mitangire y'inkwano ku miryango igiye gushyingirana, bigafasha kuzamura imyumvire ya bamwe mu bagabo bumva ko 'Uwakoye akora aho ashaka".

Kimwe mu byahuriweho na benshi ni uko inkwano ifite agaciro mu muco no mu mibanire y'abagiye gushinga urugo ariko mu gihe iyo nkwano itabonetse cyangwa iremereye umusore uyisabwa bitaba intandaro yo gutana kwabo cyangwa gusuzugurwa kwe kwa Sebukwe.

Umuyobozi wa Rwanda Women's Network, Mary Barikungeri avuga ko umuryango ukwiye kubakirwa ku rukundo ari nayo mpamvu inkwano idakwiye kuba impamvu yo gutandukanya abakundanye.

Ati “Umuco w'inkwano kuva na kera wari uvuze agaciro, wari uvuze urukundo, dukomeze tubijyane muri uwo murongo. Nitubijyana mu rukundo, bizaba ari rwa rukundo rugaruka kuri ba bana bacu, noneho rugende rusimbuke rugere ku miryango yombi ishakanye kuko abana bacu iyo bashakanye baba baguye imiryango.”

Barikungeri asaba ababyeyi kuganira n'abana babo kugira ngo bajye inama aho kugira ngo bashyireho ibiciro by'inkwano bibe byanaba imbogamizi ku ruhande rumwe.

Ati “Ibintu by'inkwano byabaye ngo umugabo niwe utanga ibi cyangwa umugore atanga ibi, twe tubigarura muri politiki y'ubwuzuzanye bw'umugore n'umugabo. Niba tugomba kuzuzanya ntabwo dukwiye kuvuga ko umwe akwa uyu, reka ibyo byo gukwa bigaruke mu babyeyi, babiganire n'abana babo.”

Ku ruhande rw'abatarashaka bari muri iki kiganiro bagaragaje ko inkwano itabuza abagiye kurushinga gukora ubukwe ndetse ahubwo imiryango yombi ikwiye gufasha abana babo kubana neza idaahingiye ku buremere bw'inkwano yatanzwe ku muryango w'umukobwa.

Uwitwa Annet Mukiga yavuze ko abona inkwano ikwiye kuvaho, bigahindurwa igatangwa n'ubishaka.

Ku rundi ruhande ariko abandi bagaragaje ko inkwano idakwiye kuvaho ahubwo n'umukobwa wifite kurusha umusore yagira uruhare muri iyo nkwano ye bitiswe 'Kwikwa'.

Madamu Barikungeri yavuze ko byaba binagaragaza ko umukobwa yateye intambwe ishimishije mu myumvire igihe yagira ubwo bushobozi n'imyumvire agafasha uwo bazarushingana kubona inkwano.

"Ubutwari buratozwa"-Intwari ikiriho

2023-01-30T10:36:49Z

Umwanditsi

Ni gake wakumva ku Isi ko hari umuturage w'Intwari ukiriho ahanini bishingiye ko abantu bamenyereye kumva ko utaha intwari ukuriho, gusa u Rwanda ruracyafite Intwari zikiriho.

Bamwe mu Ntwari z'u Rwanda zikiriho barasaba abakuze gutoza abakiri bato umuco w'ubutwari mu byo kanyuramo mu buzima bwa buri munsi.

Sindayiheba Fanuel, Umuyobozi w'Umuryango w'izo Ntwari, zizwi nk'Abana b'i Nyange, Komeza Ubutwari, avuga ko abakuru bakwiye kwibuka ko ubutwari butozwa.

Agira ati: "Ubutwari buratozwa. Hari ibikorwa byiza by'ubutwari byakozwe ariko ndakangurira abakuru kudacika intege bagakomeza gutoza urubyiruko kuko ubutwari ni umuco utozwa kandi umaze gutorwa, abantu babasha kuwushyira mu bikorwa.

Ntabwo rero bakwiye gucika intege kubera bimwe mu bibazo biri hanze ahangaha, hari n'abavuga ngo urubyiruko ntirwumva, abandi bakavuga ngo urubyiruko rwibera hanze. Oya, ntabwo dukwiye gucika intege, dufite urubyiruko rwiza rubasha kumva."

Akomeza asaba abakuru kutaba ba terera iyo, bakibuka ko urubyiruko ruri mu maboko yabo.

Indi Ntwari yagize iti: "Abana banjye mbaganiriza, nkabatoza umuco wo gukunda igihugu, gukunda umurimo no ku kwirinda ibiyobyabwenge, kwirinda ingeso mbi zatuma umuntu yangirika cyangwa akangiza abandi n'abo duturanye."

Undi nawe yagize ati: "Turi mu nzego z'ibanze no mu mirimo itandukanye, ahongaho twimakaza umuco w'Ubutwari mu kazi ka burimunsi."

Umuryango Komeza Ubutwari ugizwe n'abantu 39 bari mu cyiciro cy'Intwari z'Imena. Abenshi muri bo bakora mu rwego rw'uburezi.