Mama U rwagasabo

Inama y'abaminisitiri yemeje ifungurwa ry'abarenga 1800

Chadadi Habimana — 2026-03-05T07:31:34Z

Inama y'Abaminisitiri yaraye iteranye iyobowe na perezida wa Repubulika Paul Kagame yemeje ko abantu 1874 bari bafunzwe bazafungurwa by'agateganyo.

Mu itangazo ry'ibyemezo by'iyi nama,rigaragaza imyanzuro y'iyo nama, havugwamo ko hashyizweho iteka rya Minisitiri riteganya ifungurwa ry'agateganyo ry'abantu 1874 bari barakatiwe n'inkiko.

Gusa kugeza ubu, ntiharashyirwa ahagaragara urutonde rw'abazarekurwa kandi n'impamvu z'iki cyemezo ntizatangajwe.

Iki cyemezo kije mu gihe Leta y'u Rwanda iherutse kuvugurura ingengo y'imari y'uyu mwaka w'imari, aho yagabanijweho amafaranga arenga miliyari 80 ugereranyije n'iyari yemejwe mu mwaka ushize.

Iyo nama y'Abaminisitiri yo ku wa Gatatu yafatiwemo n'ibindi byemezo bitandukanye, birimo kwemeza imishinga y'amategeko mishya, gushyiraho abayobozi mu myanya itandukanye ndetse no kwemeza abadipolomate bashya bazahagararira ibihugu byabo mu Rwanda.

Chadadi Habimana

NYAGATARE: Yafungishijwe n'umusirikare azira ubutaka

Chadadi Habimana — 2026-01-28T08:46:48Z

Mu ijoro ryo kuya 26 umugabo witwa Ntakirutimana utuye mu murenge wa Rwimiyaga akarere ka Nyagatare yafashwe na polisi ndetse n'abakozi be bagera kuri batanu barafungwa bikaba byari kunshuro ya Kabiri ibi bibaye kandi ntacyaha bababonyeho.

Ibyo umugore we yise akarengane gakomeye akavuga ko birigukorwa n'umusirikare witwa Kagame Amos ngo kuko yamubwiye ko amufiteho ububasha.

Mu kababaro kenshi yagize ati ‘' twaguze ubutaka n'umugabo witwa Mubirigi ariko ngo hari umuhungu we w'umusirikare niwe waje nyuma aratubwira ngo ubutaka twaguze nubwo tutaguze arabushaka ngo kuko twaguze nase wenda yari yasinze, nyuma rero yaje kuzana n'ubuyobozi bw'umurenge barazitira isambu bavuga ko ngo hari ubutaka tutaguze ngo baje kubwisubiza ariko tujya mu nkiko turabatsinda gusa nyuma nibwo batangiye gukoresha imbaraga barandura ibirayi hegitari yose ibyo birahomba bafata umugabo baramufunga ngo yatemye igiti bamufunga amezi abiri yose ariko byari ukugira ngo noneho babone uko bazakora imigambi yabo''

Umugore w'umugabo ufunzwe azira ubutaka yaguze na se w'umusirikare

Uyu muturage asaba inzego zitandukanye kumurenganura kuko yagiriwe nabi akarandurirwa imyaka ndetse akaba akomeje guhohoterwa.

Akomeza agira ati ‘'Uyu musirikare yavuze ko ngo ntacyo atankoraho ngo atanitaye kumapeti yahawe nayo yayabura ariko akica umuntu kandi ko n'umuryango wose afite ubushobozi bwo kuwurasa ikindi ubuyobozi bw'umurenge ndibaza ko gitifu tutari tuziranye kubera iki andenganya bigeze aha koko nabyo bikanyobera nge numva rwose ahari tutari abanyarwanda nk'abandi''.

Kuri iki kibazo ubuyobozi bw'akarere buvuga ko uyu muturage yibarujeho ubutaka bwa leta ndetse akaba yaranatwaye ubutaka bw'umuturage baguze hamwe.

Umuyobozi yagize ati ‘'nk'uko abikubwira rwose nibyo uyu muturage yaguze ubutaka na Mubirigi ariko hari n'undi mugenzi we ntari buvuge kuko singombwa kumuvuga nawe yaguze na Mubirigi ikibabaje ni uko uwo Silvester uvuga kuko sinshaka kubiga cyane biri mu rukiko yafashe bwabutaka bwe yaguze afata n'ubwa mugenzi we afata n'ubwa Mubirigi bwari busigaye niyo mpamvu akuzaniramo Amosi bwose abwiyandikaho.''

Isambu irimo imyaka bamushinja kunyaga.

Iki kibazo kimaze igihe nk'uko umuturage yabigaragaje ndetse kandi anavuga ko urukiko rwatanze umuronko ariko kubahiriza itegeko bikaba byaranze ngo kubera ko ibikorwa byose biba bihagarikiwe n'umuyobozi w'umurenge. Hari bamwe kandi banagaragaje ko uyu muturage yarenganyijwe bikomeye ngo bitewe n'uko uyu muyobozi nawe yaba ari mubifuje kwigarurira ishyamba ry'ibiti byatewe akabyita ko ari igisigara cya Leta nyamara ibiro by'ubutaka ku karere byaragaragaje ko ubu ari ubutaka uyu muturage yahawe ubwo bari mu gihe cy'isaranganya.

HAKIZIMANA Fisto

Huye: Umuturage arishinganisha bitewe n'akarengane ahora akorerwa n'umuturanyi

Chadadi Habimana — 2026-01-28T08:29:53Z

Hari umuturage wo Mu karere ka Huye witwa Murebwayire M.Claire arishinganisha avuga ko amaze igihe kinini akorerwa akarengane n'abaturanyi be aho baherutse kumukubita bakamukoretsa.

Murebwayire M.Claire ni umuturage wo mu karere ka Huye umurenge wa Tumba akagari ka Cyarwa umudugudu wa Mukoni arishinganisha ku buyobozi ni nyuma yuko amaze igihe kinini akorerwa akarengane n'abaturanyi be aho baherutse no ku mubita bakamukoretsa.

Yagize ati “Akarengane nkakorerwa n'abaturanyi bange, umugabo witwa Sebera Alphonse n'umudamu we Munganyinka Beata, bimaze igihe kinini, bantoteza kugeza ubwo ntakibasha kubyihanganira. Byagiye biba kenshi mu magambo ari nonoho bigeza naho nsigaye nkubitwa”.

Murebwayire M.Claire aremeza ko amaze igihe ahohoterwa.

M.Claire akomeza avuga akimara gukubitwa na Sebera yajyanywe kwa muganga nyuma akajya gutanga ikirega kuri RIB bakamutuma abatangabuhamya nyuma y'iminsi mike agatungurwa no kubona Sebera yafunguwe none Magingo naya akaba akomeje kumutotezwa. Akaba agaragaza ko afite impungenge zuko bashobora no kumuvutsa ubuzima ibyo aheraho asaba ko hakwiye gukorwa iperereza ryimbitse kugira aba baturage barenganurwe.

Ati”Nari mvuye murugo ngiye gutabara nubundi hari umuturanyi wari uri gukubitwa na Munganyinka ngezeyo nange baba baranyatatse umugabo we Sebera aba atangiye kubita hamwe n'abana be barankomeretsa cyane.

Abaturanyi be bemeza ko bihangayikishije kubona akubwitwa.

Kugeza ubwo ntakibasha kwiyegura aho ndi, abantu baje kuntabara bajyana kwa Muganga maze koroherwa njya kuri RIB ntanga ikirego banantuma abatangabuhamya. Ubwo byaje kurangira nubundi Sebera agarutse”.
Murebawayire yongeyeho ko yifuza ko hakorwa iperereza ryibitse uyu muryango wa Sebera hamwe n'abandi bakomeje kubabuza ituze bagakurikiranwa.

Mama urwagasabo twegereye kandi bamwe mu baturage bo muri aka gace baduhamiriza iby'aka karenga gusa bagaragaza ko basa babyakiriye nuko iki kibazo kidakemuka.
Umukecuru witwa Mukamusana Josephine nawe utuye muri akaga gace avuga ko yatunguye no kubona abantu bakomeje gukubitwa abandi bagatotezwa bikozwe n'umuryango wa Sebera.

Ati”Ngewe natunguwe no gusanga Murebwayire bamukubise kugeza aho bendaga kumuhitana bintera ubwoba. Gusa hano birakabije mudutabare dore turisaziye ntitugishoboye guhangana nabo ariko ikitubabaza nuko nubwo bimenyakana ko abo bantu batujujubije ariko ntabwo bakurikiranwa ngo babiryozwe”.

CIP Hassan Kamanzi uvugira Polisi mu Majyepfo yemeje ko ababikoze bazabiryozwa.

Ni ikibazo umuvugizi wa Polisi y'uRwanda mu ntara y'amajyepfo CP Hassan Kamanzi avuga uwo ariwe wese ukora ibi bikorwa nabo bafanyije bazabiryozwa.
Ati”Gukora urugomo rugamije gukubita no gukomeretsa ni icyaha gihanwa n'amategeko, rwose icyo dubasaba abatuarage nibatere intambwe baze kuri RIB ubundi batange amakuru uwo muturage arafatwa kandi arakurikiranwa. Uwo ari wese ndetse n'abandi bafatanyije bazafatwa kandi ibyo bakora binyuranije n'amategeko bazabibazwa”.

Moise Munyaneza

Nyagatare: Yasanze ubutaka bwe bwaragurishijwe atabizi

Chadadi Habimana — 2026-01-19T17:46:46Z

Ni umuturage Witwa Mukayiranga Jacqueline utuye mu murenge wa Tabagwe uvuga ko yagurishirijwe isambu bikozwe n'umugabo we bakaza kumukura mu butaka bwe nyamara atazi iyo byakorewe.

Yagize ati ‘'nabonye kashe mpuruza ingezeho mpagarika ubutaka bw'abana bange nagiye kubona mbona kashe mpuruza ingezeho, kashempuruza yasabaga ko mva mubutaka''.

Aherako agasaba ko yafashwa akarenganurwa ati ‘'nasanze yaragurishije hegitari ebyiri izo ndazireka kuko n'ubundi twari dufite enye mbaruza izo enye gusa ubu ndasaba inzego kundenganura kugira ngo ubutaka bw'abana bange butagenda''

Mukayiranga Jacqueline uvuga ko umugabo we yagurishije isambu.

Umugabo yemera ko yagurishijwe ubutaka abihisha umugore we gusa ngo icyabaye mushiki we arinawe baguze yiyongereyeho Hegitari ebyiri Kandi yari yamugurishije imwe gusa.

‘' Nge ubutaka nabugurishije mushiki wange ariko tubiziranyeho noneho mushiki wange aza kuza kunyihinduka avuga ko namugurishije ubutaka Bungana na hegitari eshatu, ubwo ariko nari kumusonga w'umugire wange hamwe na mushiki wange mushiki wange ati rero wangurishije ubutaka Bungana na Hegitari eshatu''

Umugabo wa Jacquline arinawe wagurishije ubutaka

Umuyobozi w'agateganyo w'akarere Kakooza Henry avuga ko ubuyobozi butari buzi iby'icyo kibazo bityo ko bugiye gukurikirana ikibazo kigakemuka.

Yagize ati ‘'Ntabwo umwe muri bo yagurisha umutungo bakagera aho bakora mitasiyo ( ihererekanya) undi atabizi cyangwa atanabyemeje gusa turaza kubikurikira turebe uko biteye gusa nawe ubwawe urabizi niba mwarashakanye muri systeme birimo kuko n'ibyangombwa biba bibanditseho mwembi wowe nawe ntabwo rero umwe yagurisha undi atabazi, turaza kureba icyabiteye niba koko barashiningiranywe turaza kureba icyabiteye''.

Ubutaka bivugwa ko bwagurishijwe n'umugabo burangana na Hegitari ebyiri z'urutoki .

Fiston Hakizimana

Huye: Umuturage yakomekejwe bikomeye nabo akeka ko ari abanyerondo

Valens Nzabonimana — 2026-01-16T03:56:30Z

Niyigaba Jean Claude arasaba kurenganurwa ni nyuma yaho atenzwe nabo avuga ko ari abanyerondo bakamukoretsa bikomeye.

Niyigaba Jean Claude ukorera mu karere ka Huye umurenge wa Tumba akagari ka Cyarwa umudugudu w'Agateme mu ijoro ryo kuri uyu wa mbere yatezwe nabo avuga ko ari abanyerondo baramukomeretsa bikomeye.

Ati “Narindi mu nzira ndimo gutaha mpura n'abanyerondo batonze umurongo bambaye n'impuzankano ngizengo ndakata mu nzira nyuramo ntaha baba baranyatatse batangira kumbaza ibyangombwa, ngira ngo ni ibisanzwe, ubwo bamwe bakambwira ngo ninzane ibyo mfite byose, ubwo babibuze icyo batwara batangira kunkubita inkoni, nataka bakanjombagura amafundo y'inkoni ubundi umwe avamo aba ankubise umupanga mu mutwe mpita ngwa hasi”.

Yongeyeho ko ubu ubuzima busa nubwahagaze kuko yari atunzwe no gushakisha none akaba asaba ko aba bamugiriye nabi bakurikiranwa byaba na ngombwa bakamuvuza kuko kugeza ubu no kwivuza biri kumugora”.

Tuyizere Sidras ni umwe mubakorana na Niyigaba yavuze ko ibi bintu biteye inkeke kubona umuntu atengwa n'abantu bakamukoretsa hafi yo kumwica agasaba ko aba bakekwaho kumugirira nabi bakurikiranwa bagakanirwa urubakwiye kandi bakanavuza uwo bakomerekeje.

Ati” Birashoboka ko yaba ari abanyerondo kuko izo saha ni kare hagati ya saa tatu na saa yine rwose buba butarira kuko nta mabandi agenda izo saha kuko abantu baba bakigenda n'abandi batararyama rero icyo namusabira nuko aba bamugiriye nabi bakurikirwa bafatwa bakabiryozwa”.

Umuvugizi wa Polisi y'u Rwanda mu Ntara y'Amajyepfo CIP Hassan Kamanzi avuga ko kugeza ubu hari batatu bamaze gutabwa muri yombi bacyekwamo ubu bugizi bwa nabi.

Ati“Nibyo koko amakuru Polisi yarayemenye muri iri joro ryakeye polisi yafashe batatu bacyekwaho gukomeretsa uyu muturage ubu bakaba bafungiye kuri sitatiyo ya polisi ya Ngoma mu gihe hatangiye iperereza”.

Mu bice by'umurenge wa Tumba w'akarere ka Huye abaturage bakunze kugaragariza itangazamakuru ko hari bamwe mu banyerondo bakunze kwishora mu bikorwa by'ubugizi bwa nabi bagasaba ko hakorwa ubugenzuzi bwimbitse n'inzego bireba kuri iki kibazo kuko kibangayikishije.

Moise Munyaneza.

Huye: Abakecuru batishoboye bataka igihombo batewe no kwamburwa amafaranga yo kwikura mu bukene

Valens Nzabonimana — 2026-01-16T02:58:08Z

Hari abakecuru batishoboye bo mu karere ka Huye bavuga ko bambuwe na Ozuma Chicken yabaguriraga inkoko mu mushinga bari barakoze wo kwikura mu bukene.

Ni abakecuru batishoboye bibumbiye mu itsinda ryitwa Twungubumwe mu karere ka Huye umurenge wa Tumba akagari ka Cyarwa Umudugudu wa Mukoni bahawe amafaranga asaga Milliyoni 3 na Leta, bakora umushinga w'ubworozi bw'inkoko kugira ngo bikure mu bukene. None baravuga ko umushinga wa Ozima Chiken barangiwe n'ubuyobozi ngo uzajye ubagurira inkoko n'amagi wabambuye none bakomeje kuba ba ntaho nikora.

Umwe yagize ati“MINALOC yaduhaye amafaranga agana na miliyoni eshatu n'ibihumbi magana inani yo kwikura mu bukene nk'abakecuru barokotse Jenoside yakorewe abatutsi mu 1994. Veterineri w'akarere aduhuza na kompanyi ya Uzima Chicken ngo ijye iduha inkoko ndetse inatugurishirize umusaruro, nyuma birangira inkoko tuzoroye amafaranga avuyemo turayategereza turayabura".

Undi nawe ati“Tworoye inkoko mu mafaranga bari baduhaye, abatugurishirije bakuraho nimero za telefone bari baduhaye. Amafaranga bacuruje twayobewe irengero ryayo. Twanabaza abayobozi baduhuje na bo ntibagire icyo batubwira. Aho bigeze twahuye n'ibihombo bikabije”.

Aba bakecuru baravuga ko kuri ubu bamaze no gucika intege kubera gukora ntibabone inyungu bagasaba ko ubuyobozi bwafasha gukurikirana abo babambuye bakabishyura bakongera kwisuganya bagakora umushinga.

Ati” Twifuza ko abaduhuje na bo badufasha tukabona amafaranga yacu tukabasha kwikura mu bukene.”

Ubuyobozi bwa ozima Chicken mu turere twa Huye na Nyaruguru bwo busobanura ko butabaguriga inkoko ahubwo bazibagurishaga gusa, iby'ababagurishirizaga byo bakavuga ko ntabyo bazi.

Ati“Kubahuza n'abagurishiriza abaturage twabikoraga kera. Ubu icyo dukora ni ukubaha inkoko n'amagi gusa, bo bakishakira abazabagurira. Twe ntabwo twabahuje, ubwo ni abo bishakiye. Bakwifashisha inzego zibishinzwe bagatanga ikirego”.

Naho umuyobozi w'akarere ka Huye Sebutege Ange avuga hari amasezerano abo borozi bagiranye n'abagenti ba Uzima Chicken n'umurenge hakaba hakubiyemo n'uburyo bazishyurwa.

Ati”Abaturage bishyize hamwe muri ririya tsinda mu bworozi bw'inkoko bakoraga ni abagenti ba Ozima Chicken bari basanzwe bakorana ni amafaranga ibihumbi 161 babarimo ngira ngo bose bafitanye amasezerano bakoranye n'umurenge y'igihe bazabishyurira”.

Mu kwezi k'Ugushyingo 2022, Leta y'u Rwanda, yemeje Gahunda y'Igihugu yo gufasha abaturage kwivana mu bukene mu buryo burambye. Iyi gahunda igamije kwimakaza umuco wo kwigira, gutanga ubufasha bwihariye mu mibereho myiza, guteza imbere imibereho myiza binyuze mu murimo, kugera kuri serivisi z'imari ndetse no kugera ku zindi serivisi za ngombwa.

Moise Munyaneza

Rwamagana: Yasenyewe inzu bamubwira ko yaguzwe na RSSB

Valens Nzabonimana — 2026-01-16T02:45:25Z

Ni umuturage Witwa Mukagatare Francoise utuye mu mudugudu wa Ramba, akagari ka Nyagasenyi mu murenge wa Kigabiro mu karere ka Rwamagana uvuga ko yasenyewe inzu ndetse akirukanwa mu isambuye abwirwa ko umutungo we waguzwe na RSSB nyuma akaza kumenya ko umutungo wose utaguzwe none n'umutungo wasigaye umugabo aka yarawunyazwe n'umugabo nyamara ariwo wari buzamutunge n'abana be.

Mukagatare Francoise usaba kurenganurwa.

Uyu muturage yagize ati''Ubuyobozi bwaraje buransenyera ibintu byarimo hano babijugunya kure aho bashakaga kunshumbikira, twaje kwandikira Perezida kuri twitter maze badusaba ko tujya ku karere gusa ntacyo badufashije''.

Uyu muturage ahamya ko iki kibazo yakigejeje mu nzego zitandukanye ariko bakaba ntacyo bamufashije.

Yagize ati"Nahamagawe n'umuyobozi ku karere ambwira ko niba icyangombwa umugabo wawe yarakibonye ubwo warekeye, nange mubaza igihe yaba yaraboneye icyo cyangombwa kandi ubutaka bwari bwaraguzwe na RSSB''.

Umuyobozi w'akarere ka Rwamagana Radjab Mbonyumuvunyi avuga ko uyu muturage atatswe umutungo we, yagize ati ‘'ntabwo umuturage yigeze yakwa umutungo we kuko ingurane yatanzwe kandi igahabwa umugabo we kuko ariwe wanditse ku mutungo naho ibyo avuga ko hari umutungo wasigaye ntabwo ari byo kuko uwo mutungo nawo ari uwa RSSB ntawe uwemerewe''.

Uyu muturage avuga ko n'amafaranga y'ingurane atayahawe ndetse umutungo we wose akaba yaramaze kuwukurwamo n'umugabo bashakanye nyamara bafitanye abana.

HAKIZIMANA Fisto

Rubavu: Mwiseneza Ernest, yakubiswe n'abanyerondi hafi yo kumwica

Valens Nzabonimana — 2026-01-14T07:01:37Z

Abaturage batuye mu murenge wa Gisenyi, mu Karere ka Rubavu, barinubura imyitwarire ya bamwe mu banyerondo bagaragaza ko babahohotera ngo nkaho babakubita.

Mwiseneza Ernest, avuga ko yakubiswe n'abanyerondi hafi yo kumwica

Abaturage bo mudugudu wa Nyabagobe mu Kagari ka Nengo, baganiriye na Mama Urwagasabo bagaragaje ko babangamiwe ni myitwarire ya bamwe mu bakora irondo ry'umwuga bazwi ku izina ry'abamutekano.

Umwe mu baturage utatinye kwivuga amazina nk'uko bandi banze kubivuga yitwa Mwiseneza Ernest, utuye mu Mudugudu wa Nyabagobe, mu Kagari ka Nengo mu murenge wa Gisenyi, yavuze ko abanyerondo bafite imyitwarire igayitse.

Ati''Ugasanga bari gukubita abantu, ukagirango ni ko kazi batumwe, twaba turi mu kabari cyangwa mu nzira wigendera, abanyerondo cyane cyane iyo hari abantu bagize icyo bapfubirana n'undo abanyerondo baraza bagakubita batitaye ku wakoze amakosa cyangwa arengana nkaho nta mategeko tugira aturengera.”

Ubwo umunyamakuru wa Mama Urwagasabo TV, yageraga muri uyu mudugudu wa Nyabagobe, mu kurushaho kumvikanisha kino kibazo, yabwiwe kandi anerekwa umwe ngo wakubiswe naba banyerondo inshyi 73, icyakora uyu byaragoranye ko yemera kuvugisha uyu munyamakuru.

Abaturage banze ko dutangaza amazina yabo bavuze ko abanyerondo babirukana mu tubari baba bakubita inkoni nk'abatubita amatungo. Icyakora bamwe muri bano baturage bagaragaza ko hakenewe ko iyi myitwarire bagaragaza ko irimo kubahohotera yacika.

Twashatse kumenya icyo Ubuyobozi mu Karere ka Rubavu, buvuga kuri kino kibazo, icyakora ubwo twahamagaraga kuri telefone Mulindwa Prosper, umuyobozi wako ntabwo yabashije kutwitaba.

Abanyerondo bakora irondo ry'umwuga, ni urwego rwashyizweho ahanini mu gufasha gucungera umutekano w'abaturage ndetse n'ibyabo, akazi kabo ahanini bakaba bakunda kugakora n'ijoro, icyakora hirya ni hino mu Rwanda, by'umwihariko mu Karere ka Rubavu, hari abagiye bashyirwa mu majwi n'abaturage mu kugaragaza imyitwarire igayitse muri kano kazi, harimo nko guhohotera abaturage.

Eulade Mahirwe.

Kanombe: Urubanza ruregwamo abasiviri n'umusirikare rwazamuye impaka

Valens Nzabonimana — 2026-01-14T03:32:00Z

Urukiko rukuru rwa Gisirikare rwa Kanombe rwaburanishije urubanza rwubujurire rukomoka kumafaranga yibwe mu mwaka wa 2016 mu ruganda rwa LEAF TOBACO rwa Rujugiro miliyoni 2 zirenga z'amadorali y'amerika.

Ruregwamo umusiviri Rwasamanzi Emile na mukuru we CPL Ngabonziza Ephrem. Baregwa na Thierry Kanabayire wari umucungamutungo.

Ni urubanza rwaranzwe n'impaka hagati y'abunganizi, ubushinjabyaha n'inteko iburanisha.

Ku isaha ya 9h00 CPL Ngabonziza Ephrem mu mpuzankano za gisirikari n'imbago zimufasha kugenda kubera ikibazo cy'uburwayi bwa pararize afite, ubu akaba abarizwa muri Gereza ya Gisirikare yo ku Mulindi, arikumwe n'umuvandimwe we w'umusivili Rwasamanzi Emile bari bageze imbere y'inteko iburanisha mu rukiko rukuru rwa Gisirikare rwa Kanombe.

Ni urubanza rurimo Kanobayire Thierry waregeye miliyoni 2 zirenga z'amadorali muri CID akaba yaravuze ko ari amafaranga ya Kampani LEAF TOBACO ya nyakwigendera Rujugiro Ayabatwa Tribert, nyuma aza kuyaregera nkaye bamutwaye bamuriganyije mubucuruzi bwa Zahabu bari bagiye gukorana n'abarimo Alphonse Twagirimana ,Rwasamanzi Emile na Theodore.Byatangiye mu kwezi kwa 3 2016.

Hatangwa ikirego cy'uko hari ubujura bwakorewe muri Uganda kandi harimo n'abanyarwanda .Nibwo bamwe bafashwe baranabihanirwa.

Kuri ubu Abaregwa ni 3 ariko 2 nibo bagaragara mu rubanza aribo CPL NGABONZIZA Ephrem uregwa Gutoroka igisirikare ,Kudasobanura inkomoko y'umutungo n'Ubufatanyacyaha mu cyaha cy'iyezandonke. Kuri Civile RWASAMANZI Emile aregwa Icyaha cy'ubufatanyacyaha mw'iyezandonke.

CPL NGABONZIZA Ephrem na CIVILE RWASAMANZI Emile ndetse n'ubushinjacyaha ntibishimiye imikirize y'urubanza rwabanje bajurira mu Rukiko Rukuru rwa Gisirikare.

Muri urwo rubanza, CPL NGABONZIZA Ephrem yatanze inzitizi zuko adashobora gukurikiranwa kuko afite ikibazo cyo mu mutwe, ndetse n'iy'uko atagomba gukurikiranwaho icyaha cyo kudasobanura inkomoko y'umutungo kuko cyashaje.

RWASAMANZI Emile nawe yatanze inzitizi y'uko ko icyaha aregwa cy'ubufatanyacyaha mu cyaha cy'iyezandonke atagomba kugikirikiranwaho kuko ibyo gishingiyeho yabiburanyeho mu rukiko Rwisumbuye no mu Rukiko Rukuru.

Ni urubanza RWASAMANZI Emile ajuririra icyemezo cy'urukiko rukuru rwa gisirikare rwafashe tariki ya 19/5/2025 gisaba ifungwa ry'uwaburanaga adafunze ,aba afunze kuko ubundi yarafunze kubyaha yahaniwe n'urukiko rukuru kucyaha cy'ubufatanya ku cyaha cy'iyozandonke.

Civile Rwasamanzi Emile n'abamwunganira bireguye bavuga ko ntampamvu zidasanzwe kandi zikomeye zatuma akurikiranwa afunze mu buryo bunyuranyije n'amategeko basaba ko yaburana ari hanze.

Civile RWASAMANZI Emile n'umwunganira basobanura ko yafunzwe mu mwaka wa 2018 ,Ubushinjacyaha bwa gisivili bumukurikiranyeho ibyaha, araburana aratsindwa ahanishwa
igifungo cy'imyaka irindwi (7), ko mu gihe igihano cy'igifungo cyari kigeze hagati Ubushinjanjacya bwa Gisirikare bwamukoreye indi dosiye ifitanye isano n'icyaha yahamijwe, hongerwamo icyaha cy'iyezandonke, mu Rukiko rwa Gisirikare aratsindwa, ajurira mu Rukiko Rukuru rwa Gisirikare, bagezeyo batanga inzitizi, ntibishimira icyemezo cyayifashweho niko kukijuririra mu bujurire.

Muri uru rubanza rumaze imyaka 4 cpl Ngabonziza Ephrem abunganizi bagaragaje urutonde rw'inenge ,zirimo kutagaragaza isano hagati y'umutungo we uregwa Kwa Rwasamanzi,inyito yicyaha cyo kwigwizaho umutungo yarezwe ,Kuko itegeko ryaje nyuma yicyaha (yaregeshejwe itegeko ryari ritarabaho) gushingira kunyandiko mvugo itariho umukono we, urukiko rwa gisirikari rwamuhanishije igifungo kirekire rwirengagije uburwayi bwe.

Cpl Eprem Ngabonziza asobanura ko bafashe umutungo we bwite ukitirirwa Rwasamanzi Kandi ntaho bihurira , kandi imitungo ikomoka kubabyeyi ,iyindi yayishakiye. Ni ikirego cyashingiwe Ku kinyoma cya Thierry Kanabayire ubarega kubariganya miliyoni 2 zirenga z'amadorali y'amerika bari gukorana mubucuruzi bw'amabuye yagaciro muri Uganda bo ubwabo bakaza kwibana.

Rwasamanzi Emile yisobanuye ko atemera inyandiko yakoreye muri CID yavuze ko bamuhatiye kwishinja ko yaguze inzu ya miliyoni 86 yaguzwe mu Kagarama . Bafatiriye umutungo we w'amafaranga ibihumbi 200 by'amadorali y'amerika.Ahanwa 2 kubikorwa bigize icyaha 1.

Urukiko rwa gisiviri n'urwagisirikare . Abunganizi be bavuze ko ari Impurirane mbonezabyaha na mpurirane mbonezamugambi. Ibyaha byinshi byakozwe bishoreranye bishingiye Ku ntego 1.Bityo Habayeho kwitiranya izi nyito zombi.
‎

Icyo ajururira nuko yaregwaga icyaha cyitezandonke gitandukanye n'ubufatanyacyaha mu kwigwizaho umutungo. Cpl Epfrem Ngabonziza ahamya ko afite uburwayi budakira bwa pararize Kandi agifata imiti ubuzima bwe bityo atatorotse igisirikare ubwo yimurirwaga ahandi itegeko ritarahinduka agasaba urukiko kumugira umwere Kuko kutaboneka mukazi bitari kubushake .

Icyaha cyitezandonke bwashingiye kumitungo ye bwite ,ntakindi kimenyetso kindi cyashingiweho. Agasaba urukiko ko basuzuza inkomoko y'umutungo bakabaririza no muri Congo .Kandi imitungo ntizahabwe Thierry Kanabayire kuko nawe ari igisambo .
‎Arasaba kandi gusubizwa miliyoni 34 zakuwe kuri konti ye, gusubizwa imitungo ndetse akagirwa umwere.

Emile Rwasamanzi Yasabwe urukiko ko imitungo y'abavandimwe be itahuzwa nawe,ntamitungo yigwijeho ntaniyo yanyereje bityo yabigirwaho umwere.
Izina Thierry Kanabayire wareze ryagarutsweho cyane murukiko aho abaregwa bavuga ko nawe yibye Kampani LEAF TOBACO rwa nyakwigendera Rujugiro bityo ko amafaranga aregera atayahabwa ahubwo yahabwa Kampani.

‎Ubushinjacyaha bwasabiye CPL Ngabonziza Ephrem gufungwa imyaka 15 Kuko Ari impurirane mbonezabyaha.Naho Emile itegeko ry'iyezandonke rya 2020 akaba ariryo ryakubahirizwa bityo akazahanishwa igifungo cy'imyaka 10. Naho Fatuma wahunze ubutabera Kandi ashinjwa ubufatanyacyaha urukiko rusabwa kuzamuhanishe igifungo cy'imyaka 10.

Perezida w'urukiko rukuru rwa gisirikari rwa Kanombe yavuze ubwiregure bw'abaregwa ,ibyagaragajwe nabunganizi mu mategeko ndetse nicyo ubushinjacyaha busaba byose bizasuzumwa bityo ko imyanzuro izasomwa tariki 6 /2/2025.

Ishimwe Honore

Nyagatare: Bishyuye ubabarurira none imyaka ibaye 6 ntabyangombwa bahawe

Valens Nzabonimana — 2025-10-24T08:57:44Z

Abaturage batuye mu murenge wa Nyagatare mu kagari ka Barija bavuga ko bishyuye amafaranga ngo babarurirwe ubutaka ariko kugeza magingo aya bakaba batarahabwa ibyangombwa ndetse n'amafaranga bishyuye ntibayasubizwa ubu hakaba hashize imyaka itandatu bagisiragizwa.

Tumaze imyka 6 dusiragizwa, ariko twabuze uburenganzira ku butaka twaguze.

Ni imiryango igera kuri mirongo ine yaguze ubutaka bagashaka serivisi yo kubabarurira, aho bishyuye umuseveya ngo abafashe ariko bakaba barategereje nanubu amaso akaba yaraheze mu kirere.

Uwitwa Ntanuro Jean ati''ubu butaka twarabuguze ariko kugeza uyu munsi nubwo twabuguze ntitwahawe icyangombwa cyaho kandi twarishyuye twagerageje kubaza mu nzego zirimo umurenge dore ko ari nabo batubwiye ko twishyura umuseveya ariko ntagisubizo baduha baba batubwira bati muzagaruke''.

Naho uwitwa Marie Claire Mutuyimana ati''twagiye twishyura ariko ntabyangombwa twahawe twese hamwe turi abaturage bagera kuri mirongo ine na batanu''.

Aba baturage bavuga ko begeye inzego zitandukanye ngo zibafashe harimo n'ibiro by'ubutaka mu karere bakabwirwa ko ubu butaka baguze burimo imisoro ya Leta bityo ko babanza bakayishyura.

Ntanuro agira ati''amafaranga twarayatanze nkange maze kuyatanga kabiri bwambere natanze ibihumbi cumi na bitatu ubu bwo natanze makumyabiri n'umunani turayatanga bakayarya''.

Twashatse kumenya ukuri kubivuga n'aba baturage bashinja ubuyobozi bw'umurenge kubatererana maze ntibyadukundira.
Umuyobozi w'ibiro by'ubutaka mu karere bwana Rusakaza Alphonse avuga ko hari abaseveya bemewe bityo ko biramutse ari byo aba uwaba yarasabye abaturage amafaranga yabibazwa ku giti cye.

Yagize ati''Ibiro by'ubutaka bifite abakozi bakorana nabyo mu karere ubwo hari uwaje akiba abantu yazabibazwa ku giti cye naho amafaranga yo bazabanza bayishyure''.

Amafaranga aba baturage bishyuye bavuga ko babisabwe n'ubuyobozi ndetse kandi ko uwo bayishyuye asanzwe ari mu kazi bityo ko batayahaye undi muntu batazi. Ubu bakaba bari mu gihirahiro kuko hashize hafi imyaka isaga itandatu nta cyangombwa barahabwa.