Amakuru y’imikino agezweho kuri uyu wa kabiri turagaruka ku ngingo nyinshi zitandukanye, mu Rwanda ndetse no ku mugabane w’u bulayi.
Shampiyona y’icyiciro cya mbere mu Rwanda yari yakomeje hasozwa imikino y’umunsi wa 27, kuri Kigali Pele Stadium ikipe ya Gorilla Football Club yatsinze Etincelles ibitego 2-1, iyi ntsinzi ya Gorilla yahise iyifasha kugera ku mwanya wa gatanu.
Kuri ubu Urutonde rwa Shampiyona y’u Rwanda ruyobowe na Rayon Sports nyuma yo gutsinda ikipe ya Police FC igitego kimwe ku busa mu mukino wabaye ku cyumweru, APR Fc irarushwa inota rimwe na Rayon Sports mu gihe hasigaye imikino itatu ngo Shampiyona irangire.
Seninga yasubijwe mu kazi muri Etincelles
Nyuma y’umukino w’umunsi wa 27 wa shampiyona ubuyobozi bw’ikipe ya Etincelles bwemeje ko bwagaruye mu kazi umutoza Seninga Inncocent wari wahagaritswe tariki ya 1 Gicurasi.
Iyi kipe yemeje ko Seninga azatoza imikino itatu ya Shampiyona isigaye, Mw’ibaruwa ihagarika umutoza Seninga Innocent yari yashyizwe ahagaragara na Etincelles yavugaga ko uyu mutoza yahagaritswe kubera imyitwarire idahwitse.
Ikipe y’igihugu y’abagore batarengeje imyaka 20 barakina na Zimbabwe umukino wo kwishyura kuri uyu wa gatatu.
Ikipe y’igihugu y’abagore batarengeje imyaka 20, ikomeje imyitozo aho iri kwitegura umukino wo kwishyura izahuramo na Zimbabwe ejo kuwa Gatatu kuri Kigali Pele Stadium. Umukino ubanza SHE Amavubi yatsinze ibitego 2-1.
Mu mukino w’amaboko wa Basketball ikipe ya APR BBC yitegura imikino ya BAL yongereye imbaraga.
Obadiah Noel na Dane Miller Jr bujuje abakinnyi APR BBC izakoresha mu mikino ya Nile Conference, mu irushanwa rya BAL 2025, riteganyijwe tariki ya 17 kugeza ku ya 25 Gicurasi 2025 muri BK Arena.
Mu Bulayi.
Mu Butaliyani shampiyona yaraye ikomeje, ikipe ya Fiorentina yatsinzwe na Venizia ibitego 2-1, naho Atalanta yatsinze AS Roma ibitego 2-1.
Uyu muri Espanye shampiyona iraza gukomeza La Liga ;
19:00 Real Valladolid s Girona
20:00 Real Sociedad vs Celta Vigo
21:30 Sevilla vs Las Palmas
Umwongereza Tino Livramento ukinira Newcastle, ari mu bakinnyi bagera kuri bane ikipe ya Manchester City yifuza kuzahitamo umwe uzasimbura Kyle Walker wakinaga kuri 2, ugomba kugenda 100%, nubwo yari yatijwe muri AC Milan, iramutse itamuguze nabwo ntazagaruka muri Man City.
Ikipe ya Manchester City yatangaje Kandi ko iri kwifuza Tijjani Reijnders ukinira AC Milan nubwo iri kumushakamo £57m.
Umunya- Espanye Lamine Yamal yavuze ko amakipe yose atinya Real Madrid, ariko ko bo batayitinya.
Umunya- Brazil Rodrygo yavuze ko ashobora gutandukana na Real Madrid ubwo umwaka w’imikino uzaba urangiye.
