Imikino ya 1/2 yo kwishyura mu Gikombe cy’Amahoro iraza kuba uyu munsi muri stade Amahoro, Saa 16h00:APR FC irakira Police FC, Saa 19h30:Rayon Sports FC irakire Mukura VS
Aya makipe arakira araza kugabana amafaranga yose arinjira kuri iyi mikino.
Iminota ibanza yose amakipe yose yari yanganyije igitego 1-1, haba APR FC na Police, ndetse na Rayon na MUKURA.
Kwinjira byari ibihumbi 3000, ahasanzwe hasi no hejuru, VIP 30,000, VVIP 50,000, Executive Seats 100,000, ariko kuri uyu munsi wa match ahasanzwe ni 5000, VIP ni 50,000 na VVIP 100,000 naho Executive Seats ni 150,000.
Chairman wa APR FC, Brig Gen Deo Rusanganwa, yasabye abakinnyi kuzakora ibishoboka byose bagatsinda Police FC mu mukino wo kwishyura wa 1/2 cy’Igikombe cy’Amahoro uteganyijwe ku wa Gatatu.
Ikipe ya Police nayo yakaniye urashaka kwisubiza iki gikombe kuko niyo igiheruka ubwo yatsindaga Bugesera mu mwaka ushize.
Abarayon nabo bakaniye barifuza gutwara ibikombe byose, dore ko bigishoboka, Rayon ni iya mbere muri shampiyona irakurikirwa na Mukeba wayo APR FC.
Twagirumukiza Abdul Karim araza gua
sifura match ya APR FC na Police. Naho Rulisa Patience , Mutuyimana Dieudonné "Dodos", na Ishimwe Didier barasifurira Rayon Sports FC na Mukura VS.
Gatera Moussa uheruka guhagarikwa ku nshingano zo gutoza Rutsiro FC, yavuze ko iyi kipe yakoze amakosa ndetse yiteguye kubigaragaza mu ibaruwa isubiza. Ni nyuma yo gutakaza umukino batsinzwemo na APR FC ibitego 5-0.
Muri Handball, mu mukino wabaye ku munsi wejo, ikipe ya Police yo mu Rwanda yatsinze Police yo muri Kenya ibitego 39-29 mu irushanwa rya EAPCCO 2025 riri kubera muri Ethiopia.
I Burayi
Ikipe ya Arsenal yo mu gihugu cy’Ubwongereza yatsinzwe na PSG yo mu Bufaransa igitego 1-0, mu mukino wa UCL 1/2. Ku munota wa 4’ gusa umufaransa Ousmane Dembélé yahise afungura amazamu ku mupira yahawe na Khvicha Kvaratskhelia ukomoka mu gihugu cya
Georgia.
Umukino wo kwishyura uzaba tariki ya 7 Gicurasi mu Bufaransa ubwo Arsenal izaba yakiriwe Parc des Princes kuri stade ya PSG iri mu mugi I Paris.
Mu gihugu cya Espanye uyu munsi ikipe ya Barça iraza kwakira Inter yo mu Butaliyani saa tatu z’ijoro mu mukino wa 1/2 muri UCL.
Myugariro wa Real Madrid, Antonio Rüdiger, yahagaritswe imikino itandatu kubera kujugunya ikintu ku musifuzi wasifuye umukino wa nyuma wa Copa del Rey.
Ni mu gihe Lucas Vázquez, na we wahawe ikarita itukura kuri uwo mukino, yahagaritswe imikino ibiri.
Igikombe cya Copa de Rey cyegukanwe na Barça nyuma yo gutsinda Real Madrid ibitego 3-2.
Umwongereza Eric Dier yamaze kuba umukinnyi wa AS Monaco, ni nyuma yo kumvikana n’ikipe ye Bayern Munich akinira.
Amasezerano mashya muri Monaco azamugeza muri 2027 mu kwezi Kwa Gatandatu, ariko ashobora kuzongerwa bitewe n’uko azaba yaritwaye.
Ferland Mendy imvune yagize yatumye season ye ihita irangira bitewe n’uko atazogera kugaragara mu kibuga, ibi Kandi byabaye ku mufaransa mwene wabo Eduardo Camavinga.
