Yanditswe na Ndayambaje Jean Claude
Federasiyo y’umukino wa w’intoki, Volleyball mu Rwanda yaciwe amande ya Miliyoni 120 Frw kubera amanyanga yakozwe mu mikino y’igikombe cya Afurika FRVB cyabereye mu Rwanda.
Kuri uyu wa Gatatu tariki ya 16 Werurwe 2022 Ishyirahamwe ry’umukino wa Volleyball mu Rwanda yamenyeshejwe ko ryahanwe amezi atandatu idategura amarushanwa ndetse n’amande angana na Miliyoni 120Rwf bitewe n’uburiganya bwakozwe bwo gukinisha abakinnyi bakomoka muri Brazil badafite ibyangombwa byemewe.
Iki kibazo cyatumye u Rwanda ruhita rusezererwa mu mikino itarangiye, bivuze ko ubu u Rwanda rwemerewe gutegura amarushanwa kubera ko byahuriranye n’amezi n’ubundi rwari rwarahanwe, bivuze ko byahuriranye.
Aya makosa kandi yatumye Bagirishya Jado Castar wari Visi Perezida wa kabiri muri iri shyirahamwe ry’umukino wa Volleyball mu Rwanda akaba yarashinzwe amarushanwa, akurikiranwa ndetse yahawe igifungo cy’imyaka ibiri ashinjwa gukoresha inyandiko mpimbano zo gushakira abo bakinnyi ibyangombwa mu buryo butemewe.
Bagirishya Jean de Dieu, uzwi nka Jado Castar aracyafunze ariko asigaje igihe gito agafungurwa kuko urukiko rwamaze kumugabanyiriza igihano, nyuma yo kujurira imyaka yari yakatiwe.
