Yanditswe na Ndayambaje Jean Claude
- Ikipe ya Cameroun yatwaye umwanya wa gatatu mu Gikombe cya Afurika ku burangare bw’ikipe y’igihugu ya Burikina Faso yari yabanje ibitego bitatu biza kwishyurwa (3-3), bagiye muri Penaliti irasezererwa.
Binyuze kuri Rutahizamu Vincent Aboubakar ukinira Cameroun yaje Igihugu cye kwishyura ibitego 3-0 byari byatsinzwe mu minota 49’ y’umukino.
Ikipe y’igihugu ya Burkina Faso yari yabashije kubona ibitego bibiri mu gice cya Mbere cy’umukino byatsinzwe na Steeve Yago, umusore wigaragaje cyane, waje gufungura amazamu ku munota wa 24’ mu gihe igitego cya kabiri cyitsinzwe n’umunyezamu André Onana ku munota wa 43’ wakoze agashya ko gutsinda igitego kandi ashinzwe kurinda izamu.
Mu gice cya Kabiri Cameroon yaje yariye karungu ishaka kwishyura arinako yataka cyane, ntibyatinze kuko nyuma y’iminota 4’ gusa Djibril Ouattara yatsinze igitego cya gatatu cya Burkina Faso ibintu bikomeza kurushaho kuba bibi.
Ibi byose byakomeje kuba bibi kuri Cameroun yakiniraga imbere y’abafana bayo bamwe batangira gusohoka muri stade, gusa ku munota wa 71’ Stephane Bahoken yaje gufungura amazamu ikizere kiba kiragarutse, ikipe yongera kugira imbaraga.
Ku munota wa 85’ Kapiteni Vincent Aboubakar yaje gutsinda igitego cya kabiri ku mupira mwiza wari uturutse kuri Nicholas Ngamaleu bituma Cameron ikomeza kotsa igitutu Burkina Faso yari isa nkaho yamaze kwizera itsinzi.
Ku munota ushyira uwa 90’ Vincent Aboubakar yaje gutsinda igitego cya gatatu nyuma yaho Umuzamu yasohotse nabi.
Iminota nyirizina y’umukino yarangiye ari ibitego 3-3 bajya muri penaliti aho Cameroun yaje kwinjiza 5-3.
Iri rushanwa ry’igikombe cya Afurika CAN 2021 rigomba gusozwa kuri iki cy’umweru tariki ya 6 Gashyantare 2022, Saa 21h00’ umukino w’ishyiraniro utegerejwe n’abantu benshi ugiye guhuza Egypt na Senegal.
Samuel Oto’o ashimira Vincent ku buryo atabaye igihugu
